Bruă Lêwi 7:13 - Klei Aê Diê Blŭ 2015

¹³ Mbĭt hŏng klei ngă yang mnơ̆ng myơr kơ klei êđăp ênang kơ klei bi mni, brei ñu ba mnơ̆ng ñu myơr mbĭt hŏng ƀêñ kpŭng mâo kpei.

Bruă Lêwi 7:13 Iomraidhean Croise

Y-Yêrêmi 33:11

arăng srăng lŏ hmư̆ tinăn asăp hơ̆k leh anăn mơak, asăp êkei dơ̆ng dôk mô̆ leh anăn asăp mniê dơ̆ng dôk ung, asăp phung mmuñ êjai diñu ba mnơ̆ng myơr bi mni hlăm sang Yêhôwa: “Bi mni bĕ kơ Yêhôwa kơ phung kahan, kyuadah Yêhôwa jing jăk; kyuadah klei jăk ñu dôk nanao hlŏng lar!” Kyuadah Kâo srăng lŏ brei klei jăk jĭn kơ čar anei msĕ si tal êlâo,’ Yêhôwa lač.

Bruă Lêwi 2:12

Diih dưi ba kơ Yêhôwa mnơ̆ng myơr boh hlâo hlang, ƀiădah đăm myơr digơ̆ ôh ti dlông knưl čiăng jing mnâo ƀâo mngưi.

Bruă Lêwi 23:17

Brei diih ba mơ̆ng anôk diih dôk dua klŏ kpŭng jing mnơ̆ng myơr hdai, ngă leh hŏng dua kdrêč hlăm pluh êphah; arăng srăng ngă diñu hŏng kpŭng ƀhĭ ăm mbĭt hŏng kpei, jing boh hlâo hlang kơ Yêhôwa.

Bruă Lêwi 23:18

Brei diih ba mbĭt hŏng kpŭng kjuh drei êđai biăp mâo sa thŭn, amâo mâo anôk jhat ôh, leh anăn sa drei êđai êmô knô, leh anăn dua drei biăp knô; digơ̆ srăng jing mnơ̆ng myơr čuh kơ Yêhôwa, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm digơ̆, mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Y-Amôs 4:5

Myơr mnơ̆ng ngă yang klei bi mni mâo kpei, leh anăn hưn mnơ̆ng myơr hŏng klei čŏng čiăng. Brei arăng thâo klei anăn, kyuadah snăn diih khăp ngă, Ơ phung anak čô Israel!” Aê Diê Yêhôwa lač.

Y-Mathiơ 13:33

Ñu lŏ blŭ kơ digơ̆ klei bi hriêng mkăn. “Ƀuôn ala mtao adiê jing msĕ si kpei sa čô mniê mă bi lŭk hŏng tlâo hnơ̆ng kpŭng tơl kpŭng anăn blang jih.”

I Y-Timôthê 4:4

Kyuadah jih jang mnơ̆ng Aê Diê hrih leh jing jăk sơăi, leh anăn amâo mâo ôh mnơ̆ng brei arăng hngah tơdah ƀơ̆ng hŏng klei hdơr knga.