Bruă Lêwi 7:12 - Klei Aê Diê Blŭ 2015

¹² Tơdah arăng myơr gơ̆ kơ klei bi mni, ñu srăng myơr hŏng mnơ̆ng myơr klei bi mni ƀêñ amâo mâo kpei: thâodah ƀêñ bi lŭk hŏng prăi ôliwơ amâodah ƀêñ êpih krih prăi ôliwơ, leh anăn ƀêñ kpŭng ƀhĭ lŭk bi jăk hŏng prăi ôliwơ.

Bruă Lêwi 7:12 Iomraidhean Croise

II Klei Yăl Dliê 29:31

Leh anăn Y-Hêsêkia lač, “Ară anei diih pioh leh diih pô kơ Yêhôwa; hriê giăm bĕ, ba mnơ̆ng ngă yang leh anăn mnơ̆ng myơr bi mni kơ sang Yêhôwa.” Leh anăn phung bi kƀĭn ba mnơ̆ng ngă yang leh anăn mnơ̆ng myơr bi mni; leh anăn jih jang phung mâo ai tiê čiăng djă ba mnơ̆ng myơr čuh.

II Klei Yăl Dliê 33:16

Msĕ mơh ñu lŏ mkra knưl Yêhôwa leh anăn čuh ti dlông gơ̆ mnơ̆ng ngă yang kơ klei êđăp ênang leh anăn klei bi mni; leh anăn ñu mtă kơ phung Yuđa brei mă bruă kơ Yêhôwa Aê Diê phung Israel.

Y-Nêhêmi 12:43

Diñu myơr mnơ̆ng ngă yang yuôm hruê anăn, leh anăn hơ̆k mơak, kyuadah Aê Diê bi mơak leh diñu hŏng klei mơak prŏng; phung mniê leh anăn phung hđeh hơ̆k mơak msĕ mơh. Arăng hmư̆ mơ̆ng kbưi klei hơ̆k mơak ƀuôn Yêrusalem.

Klei Mmuñ Hđăp 107:8

Brei phung anăn bi mni kơ Yêhôwa kyua klei khăp Ñu, kyua bruă yuôm bhăn Ñu ngă leh kơ phung anak mnuih!

Klei Mmuñ Hđăp 116:17

Kâo srăng myơr kơ Ih mnơ̆ng myơr bi mni kơ Ih, leh anăn iêô wah lač kơ anăn Yêhôwa.

Klei Mmuñ Hđăp 50:23

Hlei pô myơr klei bi mni jing mnơ̆ng ngă yang, diñu mpŭ kơ Kâo yơh; kơ hlei pô dôk dơ̆ng ƀơ̆ng huă djŏ, Kâo srăng bi êdah kơ diñu klei Aê Diê bi mtlaih.”

Y-Yêrêmi 33:11

arăng srăng lŏ hmư̆ tinăn asăp hơ̆k leh anăn mơak, asăp êkei dơ̆ng dôk mô̆ leh anăn asăp mniê dơ̆ng dôk ung, asăp phung mmuñ êjai diñu ba mnơ̆ng myơr bi mni hlăm sang Yêhôwa: “Bi mni bĕ kơ Yêhôwa kơ phung kahan, kyuadah Yêhôwa jing jăk; kyuadah klei jăk ñu dôk nanao hlŏng lar!” Kyuadah Kâo srăng lŏ brei klei jăk jĭn kơ čar anei msĕ si tal êlâo,’ Yêhôwa lač.

Y-Ôsê 14:2

Wah lač bĕ ti anăp Yêhôwa, leh anăn lŏ wĭt kơ Ñu bĕ. Lač kơ Ñu: “Mă hĕ jih klei wê, mă tŭ hmei hŏng klei Ih pap, čiăng kơ hmei dưi myơr boh mơ̆ng ƀăng kƀông hmei.

Bruă Lêwi 2:4

Tơdah ih ba mnơ̆ng myơr kpŭng ăm leh hlăm kpur jing mnơ̆ng myơr, gơ̆ srăng jing ƀêñ amâo mâo kpei ôh hŏng kpŭng ƀhĭ bi lŭk leh hŏng êa boh ôliwơ, amâodah jing ƀêñ êpih mia leh êa boh ôliwơ.

Bruă Lêwi 2:5

Tơdah mnơ̆ng ih myơr jing mnơ̆ng myơr kpŭng ƀhĭ đeh hŏng gŏ čao, gơ̆ srăng jing kpŭng ƀhĭ amâo mâo kpei ôh bi lŭk leh hŏng êa boh ôliwơ.

Bruă Lêwi 22:29

Tơdah diih ngă yang klei ngă yang bi mni kơ Yêhôwa, brei diih ngă yang anăn čiăng diih dưi mâo klei Kâo tŭ.

Bruă Lêwi 6:16

Y-Arôn leh anăn phung anak êkei ñu srăng ƀơ̆ng ya mnơ̆ng adôk; diñu srăng ƀơ̆ng gơ̆ amâo mâo kpei hlăm sa bĭt anôk doh jăk; hlăm wăl sang čhiăm klei bi kƀĭn diñu srăng ƀơ̆ng gơ̆.

Bruă Lêwi 7:15

Kđeh mnơ̆ng ngă yang myơr kơ klei êđăp ênang kơ klei bi mni arăng srăng ƀơ̆ng ti hruê arăng myơr; arăng amâo dưi lui sa mnơ̆ng tơl aguah ôh.

Y-Amôs 4:5

Myơr mnơ̆ng ngă yang klei bi mni mâo kpei, leh anăn hưn mnơ̆ng myơr hŏng klei čŏng čiăng. Brei arăng thâo klei anăn, kyuadah snăn diih khăp ngă, Ơ phung anak čô Israel!” Aê Diê Yêhôwa lač.

Klei Yap 6:15

leh anăn sa boh bai kpŭng amâo mâo kpei, ƀêñ ngă hŏng kpŭng ƀhĭ bi lŭk hŏng êa boh ôliwơ, leh anăn ƀêñ êpih amâo mâo kpei mia hŏng êa boh ôliwơ, mbĭt hŏng mnơ̆ng myơr kpŭng ƀhĭ wăt mnơ̆ng myơr mnăm.

Y-Luk 17:16

Gơ̆ buôn kŭp ƀô̆ ti lăn ti jơ̆ng Yêsu, leh anăn bi mni kơ Ñu. Pô anăn jing sa čô Samari.

Y-Luk 17:18

Knŏng sa čô tue anei hĕ lŏ hriê mpŭ mni kơ Aê Diê?”

Hră Y-Pôl Mơĭt kơ Phung Rôm 1:21

Kyuadah wăt tơdah diñu thâo kral leh Aê Diê, diñu amâo mpŭ kơ Gơ̆ jing Aê Diê ôh, kăn bi mni kơ Gơ̆ rei; ƀiădah diñu wơr luč hlăm klei mĭn hơăi mang, leh anăn ai tiê mluk diñu bŏ hŏng klei mmăt.

Êphêsô 5:20

Kyua jih jang klei, brei diih bi mni nanao kơ Aê Diê Ama hlăm anăn Khua Yang drei, Yêsu Krist.

Hêbrơ 13:15

Snăn hlăm Ñu brei drei myơr nanao mnơ̆ng ngă yang bi mni kơ Aê Diê, boh mơ̆ng kƀông hưn anăn Ñu jing Khua Yang.

I Y-Pêtrôs 2:5

Diih msĕ si boh tâo hdĭp, brei Aê Diê mdơ̆ng diih pô hlăm sa boh sang myang, čiăng jing phung khua ngă yang doh jăk, čiăng myơr mnơ̆ng ngă yang myang bi mơak kơ Aê Diê hlăm Yêsu Krist.