Bruă Lêwi 6:7 - Klei Aê Diê Blŭ 2015

⁷ Leh anăn khua ngă yang srăng ngă klei bi doh klei soh gơ̆ ti anăp Yêhôwa, leh anăn gơ̆ srăng mâo klei pap brei kơ ya klei arăng khăng ngă leh anăn jing soh.”

Bruă Lêwi 6:7 Iomraidhean Croise

Klei Kbiă 34:7

Ñu djă pioh klei khăp kơ lu êbâo ênuk mnuih, pap brei klei wê, klei gao klei bhiăn, leh anăn klei soh; ƀiădah ñu amâo yap kpă ôh mnuih soh, bi lĕ klei bi kmhal klei wê phung ama kơ phung anak leh anăn kơ phung čô čĕ tơl kơ ênuk tal tlâo leh anăn tal pă.”

Y-Êsai 1:18

Yêhôwa lač, “Hriê bĕ, brei drei ksiêm mđrăm mbĭt. Wăt tơdah klei soh diih jing hrah huč, diñu srăng jing kô̆ msĕ si pliêr; wăt tơdah diñu jing hrah jŭ, diñu srăng jing kô̆ msĕ si mlâo biăp.

Y-Êsêkiêl 33:19

Tơdah pô soh wir đuĕ mơ̆ng klei soh ñu leh anăn ngă djŏ klei bhiăn leh anăn klei kpă, ñu srăng hdĭp kyua klei anăn.

Bruă Lêwi 2:1

“Tơdah sa čô ba mdiê kuê jing mnơ̆ng myơr kơ Yêhôwa, mnơ̆ng ñu myơr srăng jing kpŭng ƀhĭ; ñu srăng hlĭng êa boh ôliwơ ti dlông gơ̆, leh anăn dưm mnơ̆ng ƀâo mngưi ti dlông gơ̆.

Bruă Lêwi 4:20

Snei ñu srăng ngă hŏng êmô knô: msĕ si ñu ngă leh hŏng êmô knô mnơ̆ng myơr kyua klei soh, msĕ snăn mơh ñu srăng ngă hŏng dŏ anei. Leh anăn khua ngă yang srăng ngă klei bi doh klei soh digơ̆, leh anăn digơ̆ srăng mâo klei pap brei.

Bruă Lêwi 4:26

Jih prăi gơ̆ ñu srăng čuh ti dlông knưl, msĕ si prăi klei ngă yang mnơ̆ng myơr kơ klei êđăp ênang. Snăn khua ngă yang srăng ngă klei bi doh klei soh gơ̆, leh anăn gơ̆ srăng mâo klei pap brei.

Bruă Lêwi 4:31

Êdei tinăn ñu srăng mă hĕ jih jang prăi gơ̆, msĕ si arăng mă prăi mơ̆ng mnơ̆ng myơr kơ klei êđăp ênang, leh anăn khua ngă yang srăng čuh gơ̆ ti dlông knưl jing mnâo ƀâo mngưi kơ Yêhôwa. Snăn khua ngă yang srăng ngă klei bi doh klei soh kơ gơ̆, leh anăn gơ̆ srăng mâo klei pap brei.

Bruă Lêwi 5:10

Leh anăn ñu srăng myơr mnơ̆ng tal dua jing mnơ̆ng myơr čuh tui si klei bhiăn; leh anăn khua ngă yang srăng ngă klei bi doh klei soh pô anăn ngă leh, leh anăn gơ̆ srăng mâo klei pap brei.

Bruă Lêwi 5:13

Snăn khua ngă yang srăng ngă klei bi doh klei soh kơ pô ngă soh leh hlăm sa mta mnơ̆ng anei, leh anăn gơ̆ srăng mâo klei pap brei. Ya mnơ̆ng adôk srăng pioh kơ khua ngă yang, msĕ si hŏng mnơ̆ng myơr kpŭng ƀhĭ.”

Bruă Lêwi 5:18

Brei ñu đoh ba kơ khua ngă yang sa drei biăp knô amâo mâo anôk jhat ôh mơ̆ng phung biăp, ih tĭng leh ênoh tui si ênoh mnơ̆ng myơr kyua klei gao klei bhiăn, leh anăn khua ngă yang srăng ngă klei bi doh klei soh gơ̆ ngă hŏng klei amâo čŏng čiăng, leh anăn gơ̆ srăng mâo klei pap brei.

Bruă Lêwi 6:8

Yêhôwa lač kơ Y-Môis, “Mtă kơ Y-Arôn leh anăn phung anak êkei ñu, lač,

Bruă Lêwi 7:2

Hlăm anôk arăng koh mnơ̆ng myơr čuh, arăng srăng koh mnơ̆ng myơr kyua klei gao klei bhiăn, leh anăn tuh êrah gơ̆ jŭm dar ti dlông knưl.

Y-Mika 7:18

Hlei jing Aê Diê msĕ si ih, thâo pap brei kơ klei wê, amâo yap ôh klei gao klei bhiăn, kơ phung adôk jing ngăn dưn Ñu? Ñu amâo pioh nanao ôh klei Ñu ăl kyuadah ñu mơak hlăm klei jăk.

Y-Mathiơ 12:31

Kyuanăn Kâo hưn kơ diih, jih jang klei soh leh anăn jih jang klei blŭ mgao dưi mâo klei pap brei kơ mnuih, ƀiădah klei blŭ mgao hŏng Yang Mngăt Jăk amâo dưi mâo klei pap brei ôh.

I Y-Yôhan 1:7

Ƀiădah tơdah drei êbat hlăm klei mngač msĕ si Ñu dôk hlăm klei mngač, drei mâo klei bi mguôp hdơ̆ng drei, leh anăn êrah Yêsu Anak Ñu bi doh hĕ drei mơ̆ng jih jang klei soh.

I Y-Yôhan 1:9

Tơdah drei hưn klei soh drei, Ñu jing sĭt suôr leh anăn kpă, srăng pap brei klei soh drei leh anăn bi doh hĕ drei mơ̆ng jih jang klei wê.