Bruă Lêwi 6:6 - Klei Aê Diê Blŭ 2015

⁶ Ñu srăng đoh ba kơ khua ngă yang mnơ̆ng myơr kyua klei gao klei bhiăn kơ Yêhôwa sa drei biăp knô amâo mâo anôk jhat ôh, ih tĭng leh djŏ hŏng ênoh kơ sa mnơ̆ng myơr kyua klei gao klei bhiăn.

Bruă Lêwi 6:6 Iomraidhean Croise

Y-Êsra 10:19

Diñu ƀuăn srăng lui hĕ mô̆ diñu, leh anăn diñu myơr sa drei biăp knô jing mnơ̆ng myơr kyua klei soh diñu.

Y-Nêhêmi 10:35

Hmei gưt klei bhiăn ba boh hlâo hlang mơ̆ng lăn hmei leh anăn boh hlâo hlang mơ̆ng jih jang boh mơ̆ng grăp ana boh grăp thŭn kơ sang Yêhôwa.

Y-Êsêkiêl 40:46

Adŭ mâo ƀô̆ phă dưr pioh kơ phung khua ngă yang kiă knưl; phung anei jing phung anak čô Y-Sadôk, hjăn phung diñu yơh ti krah phung anak êkei Y-Lêwi dưi hriê giăm Yêhôwa čiăng mă bruă kơ Ñu.”

Bruă Lêwi 14:12

Leh anăn khua ngă yang srăng mă sa drei hlăm dua drei êđai biăp knô leh anăn myơr gơ̆ jing mnơ̆ng myơr kyua klei gao klei bhiăn, mbĭt hŏng êphah êa boh ôliwơ anăn, leh anăn hdai digơ̆ jing mnơ̆ng myơr hdai ti anăp Yêhôwa.

Bruă Lêwi 5:15

“Tơdah sa čô amâo dôk sĭt suôr ôh tăm ngă soh hŏng klei amâo čŏng čiăng hlăm sa mta mnơ̆ng pioh kơ Yêhôwa, brei ñu đoh ba sa drei biăp knô amâo mâo anôk jhat ôh jing mnơ̆ng myơr kyua klei gao klei bhiăn kơ Yêhôwa, ih tĭng hŏng sêkel prăk tui si sêkel prăk adŭ doh jăk; jing mnơ̆ng myơr kyua klei gao klei bhiăn.

Bruă Lêwi 5:18

Brei ñu đoh ba kơ khua ngă yang sa drei biăp knô amâo mâo anôk jhat ôh mơ̆ng phung biăp, ih tĭng leh ênoh tui si ênoh mnơ̆ng myơr kyua klei gao klei bhiăn, leh anăn khua ngă yang srăng ngă klei bi doh klei soh gơ̆ ngă hŏng klei amâo čŏng čiăng, leh anăn gơ̆ srăng mâo klei pap brei.

Bruă Lêwi 5:7

Tơdah ñu amâo dưi mâo sa drei êđai biăp, snăn brei ñu djă ba dua drei mgăm amâodah dua drei êđai ktrâo jing mnơ̆ng myơr kơ klei gao klei bhiăn kơ Yêhôwa kyua klei soh ñu ngă leh, sa drei pioh kơ mnơ̆ng myơr kyua klei soh, leh anăn sa drei mkăn pioh kơ mnơ̆ng myơr čuh.