Bruă Lêwi 6:5 - Klei Aê Diê Blŭ 2015

⁵ amâodah kyua mnơ̆ng ñu kat asei leh hŏng klei luar, brei ñu lŏ bi wĭt gơ̆ ênŭm, leh anăn brei ñu lŏ thiăm sa kdrêč hlăm êma, leh anăn brei kơ pô gơ̆ hlăm hruê ñu myơr mnơ̆ng myơr kyua klei gao klei bhiăn.

Bruă Lêwi 6:5 Iomraidhean Croise

II Y-Samuel 12:6

leh anăn ñu srăng lŏ bi wĭt biăp pă blư̆, kyuadah ñu ngă leh klei anei, leh anăn kyuadah ñu amâo mâo klei pap ôh.”

Y-Nêhêmi 10:35

Hmei gưt klei bhiăn ba boh hlâo hlang mơ̆ng lăn hmei leh anăn boh hlâo hlang mơ̆ng jih jang boh mơ̆ng grăp ana boh grăp thŭn kơ sang Yêhôwa.

Klei Kbiă 22:1

Tơdah sa čô mnuih tlĕ sa drei êmô amâodah sa drei biăp, leh anăn ñu bi mdjiê amâodah čhĭ gơ̆, ñu srăng bi hnô êma drei êmô kơ sa drei êmô, leh anăn pă drei biăp kơ sa drei biăp. Ñu srăng bi wĭt mnơ̆ng ñu tlĕ, tơdah ñu amâo mâo mnơ̆ng ôh, arăng srăng čhĭ ñu kyua mnơ̆ng ñu tlĕ.

Klei Kbiă 22:4

Ƀiădah tơdah yang hruê ƀlĕ leh, arăng srăng jing soh tơdah bi mdjiê pô knĕ.

Klei Kbiă 22:7

Tơdah sa čô mnuih brei sa čô mkăn kiă kriê prăk amâodah dŏ, ƀiădah arăng tlĕ hĕ mơ̆ng sang pô kiă kriê, pô tlĕ srăng bi hnô dua tal tơdah arăng mâo mă ñu.

Klei Kbiă 22:9

Hlăm jih jang klei ngă klei mplư djŏ kơ êmô, aseh dliê, biăp, čhiăm ao, amâodah mnơ̆ng mkăn luč, kơ klei anăn arăng srăng lač, “Dŏ anei dŏ kâo yơh,” snăn kđi dua nah anăn srăng truh ti anăp Aê Diê. Pô Aê Diê bi kmhal srăng bi hnô dua blư̆ kơ pô riêng gah ñu.

Klei Kbiă 30:7

Y-Arôn srăng čuh mnơ̆ng ƀâo mngưi tinăn; ñu srăng čuh mnơ̆ng anăn grăp aguah tơdah ñu mkra pui kđen.

Y-Êsai 58:6

Amâo djŏ hĕ snei jing klei kăm ƀơ̆ng huă Kâo ruah leh: kleh hĕ klei săng đai klei wê, ruh hĕ bră kă knông, bi êngiê phung arăng ktư̆ juă, leh anăn bi joh hĕ grăp ƀĕ knông?

Y-Êsai 58:9

Hlăk anăn ih srăng iêô, leh anăn Yêhôwa srăng lŏ wĭt lač; ih srăng ur kwưh, leh anăn ñu srăng lač: Nĕ tinei Kâo. Tơdah ih mă hĕ knông mơ̆ng krah ih, wăt klei ktrâo kđiêng leh anăn klei blŭ ƀai,

Y-Êsêkiêl 33:15

tơdah pô soh tla mnơ̆ng ƀuăn ñu mă hĕ leh, lŏ bi wĭt mnơ̆ng ñu tlĕ leh, leh anăn êbat tui hlue klei bhiăn klei hdĭp, amâo ngă klei wê ôh, sĭt nik ñu srăng hdĭp, ñu amâo srăng djiê ôh.

Bruă Lêwi 5:16

Msĕ mơh brei gơ̆ lŏ bi wĭt kyua klei ngă amâo djŏ hŏng mnơ̆ng doh jăk, leh anăn srăng thiăm sa kdrêč hlăm êma, leh anăn brei kơ khua ngă yang. Leh anăn khua ngă yang srăng ngă klei bi doh klei soh gơ̆ hŏng biăp knô jing mnơ̆ng myơr kyua klei gao klei bhiăn, leh anăn gơ̆ srăng mâo klei pap brei.

Y-Luk 19:8

Y-Sačê dôk dơ̆ng ti anăp Khua Yang leh anăn lač, “Ơ Khua Yang, nĕ anei kâo brei kơ phung ƀun ƀin sa mkrah dŏ dô kâo, leh anăn tơdah kâo tuôm mplư ƀơ̆ng ngăn arăng, kâo lŏ bi wĭt pă blư̆ lu hĭn.”

I Y-Samuel 12:3

Nĕ tinei kâo! Hưn kčŭt kơ kâo ti anăp Yêhôwa leh anăn ti anăp pô Ñu trôč leh êa ƀâo mngưi. Hlei êmô kâo tuôm mă leh? Amâodah hlei aseh dliê kâo tuôm mă leh? Amâodah hlei pô kâo tuôm mplư ƀơ̆ng ngăn ñu? Hlei pô kâo tuôm ktư̆ juă leh? Amâodah mơ̆ng hlei kngan kâo tuôm mă leh ngăn sun čiăng bi bum ală kâo hŏng dŏ anăn? Kâo srăng lŏ bi wĭt dŏ anăn kơ diih.”