Bruă Lêwi 6:2 - Klei Aê Diê Blŭ 2015

² “Tơdah sa čô ngă soh leh anăn amâo dôk sĭt suôr ôh hŏng Yêhôwa hŏng klei ñu mplư pô riêng gah ñu kơ klei jao dŏ dô, amâodah kiă kriê brei, amâodah hŏng klei tlĕ, amâodah ktư̆ juă leh pô riêng gah ñu,

Bruă Lêwi 6:2 Iomraidhean Croise

Klei Mphŭn Dơ̆ng 26:7

Tơdah phung mnuih ƀuôn anăn êmuh ñu kơ mô̆ ñu, ñu lač, “Gơ̆ jing adei mniê kâo,” kyuadah ñu mĭn “Phung mnuih anôk anei srăng bi mdjiê kâo kyua H'Rêƀêka,” kyuadah gơ̆ siam snăk dlăng.

Klei Mmuñ Hđăp 51:4

Kâo ngă soh hŏng Ih, knŏng hŏng Ih yơh, leh anăn kâo ngă leh klei jhat ƀai ti anăp ală Ih; snăn Ih jing kpă tơdah Ih blŭ kđi, leh anăn amâo mâo klei arăng dưi ƀuah ôh tơdah Ih bi kmhal kâo.

Klei Bi Hriêng 24:28

Đăm jing pô kčŭt kơ pô riêng gah ih amâo mâo klei ôh, đăm blŭ klei mplư ôh.

Klei Bi Hriêng 26:19

msĕ snăn yơh mnuih mplư pô riêng gah ñu, leh anăn lač, “Knŏng kâo hlăp!”

Y-Êsai 21:2

Arăng hưn kơ kâo sa klei bi ƀuh huĭ snăk: pô lhiăr dôk lhiăr yơh, pô bi rai dôk bi rai yơh! Đĭ nao ngă bĕ, Ơ phung Êlam! Wang plah mă bĕ, Ơ phung Mêdơ! Kâo srăng bi ruê̆ jih klei krao pô bi rai bi truh leh.

Y-Êsai 24:16

Mơ̆ng jih knhal lăn drei hmư̆ arăng mmuñ “Guh kơang kơ Pô Kpă ênô.” Ƀiădah kâo lač, “Kâo luč leh, kâo luč leh, knap mñai yơh kâo! Kyuadah phung ƀai ngă klei ƀai yơh, sĭt nik phung ƀai ngă klei ƀai êdi.”

Y-Êsai 33:1

Knap mñai yơh kơ ih, Ơ pô bi rai, êjai arăng amâo bi rai ih ôh, Ơ pô lhiăr, êjai arăng amâo lhiăr kơ ih ôh! Tơdah ih mdei leh klei bi rai, arăng srăng bi rai ih mơh; tơdah ih ruê̆ leh ngă klei lhiăr, arăng srăng lhiăr kơ ih mơh.

Y-Yêrêmi 9:5

Grăp čô mplư pô riêng gah ñu, amâo mâo pô blŭ klei sĭt nik ôh; diñu bi hriăm leh êlah diñu blŭ klei luar, leh anăn bi êmăn diñu pô ngă klei wê.

Y-Êsêkiêl 40:46

Adŭ mâo ƀô̆ phă dưr pioh kơ phung khua ngă yang kiă knưl; phung anei jing phung anak čô Y-Sadôk, hjăn phung diñu yơh ti krah phung anak êkei Y-Lêwi dưi hriê giăm Yêhôwa čiăng mă bruă kơ Ñu.”

Bruă Lêwi 1:3

Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Bruă Lêwi 19:11

Đăm tlĕ, đăm mplư, kăn luar pô mkăn rei.

Bruă Lêwi 5:15

“Tơdah sa čô amâo dôk sĭt suôr ôh tăm ngă soh hŏng klei amâo čŏng čiăng hlăm sa mta mnơ̆ng pioh kơ Yêhôwa, brei ñu đoh ba sa drei biăp knô amâo mâo anôk jhat ôh jing mnơ̆ng myơr kyua klei gao klei bhiăn kơ Yêhôwa, ih tĭng hŏng sêkel prăk tui si sêkel prăk adŭ doh jăk; jing mnơ̆ng myơr kyua klei gao klei bhiăn.

Bruă Lêwi 5:19

Anăn jing mnơ̆ng myơr kyua klei gao klei bhiăn gơ̆ jing soh leh ti anăp Yêhôwa.”

Bruă Lêwi 6:1

Yêhôwa lač kơ Y-Môis,

Y-Amôs 8:5

“Hbĭl mlan mrâo srăng êgao, čiăng kơ drei dưi čhĭ mdiê? Leh anăn hbĭl hruê sabat srăng êgao, čiăng kơ drei dưi mnia mdiê ƀlê? čiăng kơ drei dưi bi hrŏ êphah leh anăn bi prŏng sêkel, leh anăn mplư hŏng knăng amâo djŏ ôh,

Y-Haƀakuk 1:13

Ală ih doh jăk đei tơl amâo dưi dlăng kơ klei ƀai ôh, leh anăn amâo dưi tŭ klei soh ôh. Si ngă ih dlăng hŏng klei pap kơ phung lhiăr, leh anăn dôk ñăt tơdah pô ƀai lun ƀơ̆ng pô kpă hĭn kơ ñu?

Y-Yôhan 8:44

Diih kbiă hriê mơ̆ng ama diih yang jhat, leh anăn diih čiăng ngă tui si klei ama diih čiăng. Ñu jing pô bi mdjiê mnuih mơ̆ng mphŭn, leh anăn ñu amâo mâo sa kdrêč hlăm klei sĭt nik ôh, kyuadah amâo mâo ôh klei sĭt nik hlăm ñu. Tơdah ñu luar, ñu blŭ tui si knuih ñu pô, kyuadah ñu jing pô luar leh anăn ama klei luar.

Bruă Phung Khua Ƀĭng Kna 5:4

Tơdah ih ka čhĭ lăn anăn ôh, amâo djŏ hĕ gơ̆ ăt jing dŏ ih pô? Tơdah leh ih čhĭ lăn anăn, amâo djŏ hĕ ih dưi yua prăk anăn tui si ih čiăng? Si ih mĭn hlăm ai tiê ih ngă hĕ klei anei? Ih luar leh amâo djŏ kơ mnuih ôh, ƀiădah kơ Aê Diê yơh.”

Êphêsô 4:25

Kyuanăn brei grăp čô diih lui klei luar, blŭ klei sĭt hŏng phung riêng gah ñu, kyuadah drei jing jơ̆ng kngan hdơ̆ng drei.

Kôlôs 3:9

Đăm blŭ luar hdơ̆ng diih ôh, kyuadah diih toh hĕ leh mnuih hđăp wăt bruă ñu ngă,

Klei Bi Êdah 22:15

Ti êngao ƀuôn anăn mâo phung asâo, phung mjâo, phung knhông, phung bi mdjiê mnuih, phung kkuh mpŭ kơ rup yang, leh anăn grăp čô khăp leh anăn ngă klei luar.