Bruă Lêwi 6:13 - Klei Aê Diê Blŭ 2015

¹³ Arăng srăng kiă pui brei ƀơ̆ng nanao ti dlông knưl; đăm brei pui anăn ram ôh.

Bruă Lêwi 6:13 Iomraidhean Croise

Klei Kbiă 29:1

“Brei ih ngă snei čiăng pioh brei Y-Arôn leh anăn phung anak êkei ñu, čiăng kơ diñu dưi mă bruă phung khua ngă yang kơ Kâo. Mă bĕ sa drei êmô knô dam leh anăn dua drei biăp knô amâo mâo anôk jhat ôh,

Klei Kbiă 29:2

kpŭng amâo mâo kpei, ƀêñ amâo mâo kpei kpit mmai hŏng êa boh ôliwơ, leh anăn ƀêñ êpih amâo mâo kpei krih êa boh ôliwơ. Brei ih ngă ƀêñ anăn hŏng kpŭng ƀhĭ mdiê ƀlê.

Klei Kbiă 29:40

Brei ih myơr mbĭt hŏng êđai biăp tal êlâo sa kdrêč hlăm pluh hnơ̆ng kpŭng ƀhĭ kpit mmai hlăm sa kdrêč hlăm pă hin êa prăi mơ̆ng boh ôliwơ bi ƀhĭ leh, leh anăn sa kdrêč hlăm pă hin êa kpiê jing mnơ̆ng myơr tuh.

Y-Êsai 31:9

Boh tâo ñu knang srăng luč kyua klei huĭ, leh anăn phung khua kahan ñu srăng rŭng răng êran đuĕ mơ̆ng čhiăm gru ñu.” Snăn Yêhôwa lač, Pô jing msĕ si pui hlăm čư̆ Siôn, leh anăn kpur pui hlăm ƀuôn Yêrusalem.

Y-Êsêkiêl 40:46

Adŭ mâo ƀô̆ phă dưr pioh kơ phung khua ngă yang kiă knưl; phung anei jing phung anak čô Y-Sadôk, hjăn phung diñu yơh ti krah phung anak êkei Y-Lêwi dưi hriê giăm Yêhôwa čiăng mă bruă kơ Ñu.”

Bruă Lêwi 6:12

Pui ti dlông knưl arăng srăng kiă brei ƀơ̆ng nanao, đăm brei pui anăn ram ôh. Grăp aguah khua ngă yang srăng dăp djuh ti dlông ñu, ñu srăng dưm mnơ̆ng myơr čuh bi djŏ tal, leh anăn čuh prăi mnơ̆ng myơr kơ klei êđăp ênang ti dlông mnơ̆ng myơr čuh.

Bruă Lêwi 6:14

Anei jing klei bhiăn kơ mnơ̆ng myơr kpŭng ƀhĭ. Phung anak êkei Y-Arôn srăng myơr gơ̆ kơ Yêhôwa ti anăp knưl.

Bruă Lêwi 6:9

Anei jing klei bhiăn kơ mnơ̆ng myơr čuh. Mnơ̆ng myơr čuh srăng dôk ti anôk arăng kuč pui ti dlông knưl jih mlam tơl aguah, leh anăn arăng srăng kiă pui ti dlông knưl brei dôk ƀơ̆ng nanao.

Bruă Lêwi 9:24

Pui kbiă mơ̆ng anăp Yêhôwa leh anăn ƀơ̆ng mnơ̆ng myơr čuh leh anăn prăi ti dlông knưl. Tơdah jih jang phung ƀuôn sang ƀuh klei anăn, diñu ur hơ̆k leh anăn buôn kŭp ƀô̆ ti lăn.