Bruă Lêwi 6:11 - Klei Aê Diê Blŭ 2015

¹¹ Leh anăn ñu srăng toh hĕ čhum ao ñu, leh anăn lŏ hơô čhum ao mkăn, leh anăn ba hbâo anăn ti êngao wăl hlăm anôk doh.

Bruă Lêwi 6:11 Iomraidhean Croise

Klei Kbiă 29:37

Êjai kjuh hruê brei ih ngă klei bi doh knưl anăn leh anăn pioh brei ñu, leh anăn knưl srăng jing doh jăk hĭn. Ya mnơ̆ng djŏ ti knưl srăng jing doh jăk.”

Y-Êsêkiêl 44:19

Tơdah diñu kbiă kơ wăl ti êngao truh kơ phung ƀuôn sang, brei diñu toh hĕ čhiăm ao diñu hơô êjai mă bruă, leh anăn dưm čhiăm ao anăn hlăm adŭ doh jăk; leh anăn brei diñu hơô čhiăm ao mkăn, huĭdah diñu bi truh klei doh jăk kơ phung ƀuôn sang hŏng čhiăm ao diñu.

Bruă Lêwi 16:27

Arăng srăng djă ba ti êngao wăl êmô knô mnơ̆ng myơr kyua klei soh leh anăn bê knô mnơ̆ng myơr kyua klei soh, kyua êrah digơ̆ arăng ba leh hlăm adŭ doh jăk hĭn, čiăng ngă klei bi doh klei soh; leh anăn arăng srăng čuh ti pui klĭt, kđeh, leh anăn eh digơ̆.

Bruă Lêwi 24:9

Dŏ anăn pioh kơ Y-Arôn leh anăn kơ phung anak êkei ñu, leh anăn diñu srăng ƀơ̆ng gơ̆ hlăm sa bĭt anôk doh jăk, kyuadah gơ̆ jing kơ ñu sa kdrêč doh jăk hĭn mơ̆ng mnơ̆ng myơr brei pui ƀơ̆ng kơ Yêhôwa, jing dŏ ñu hlŏng lar.”

Bruă Lêwi 4:12

jih sa drei êmô knô anăn ñu srăng ba ti êngao wăl, kơ anôk doh, anôk arăng tuh hbâo, leh anăn ñu srăng čuh gơ̆ hŏng pui djuh. Arăng srăng čuh gơ̆ ti anôk arăng tuh hbâo.

Bruă Lêwi 4:21

Leh anăn ñu srăng ba êmô knô ti êngao wăl, leh anăn čuh gơ̆ msĕ si ñu čuh leh êmô knô tal êlâo; gơ̆ jing mnơ̆ng myơr kyua klei soh phung bi kƀĭn.

Bruă Lêwi 6:10

Khua ngă yang srăng hơô ao mrai kbuă, leh anăn čŭt čhum mrai kbuă, srăng ya ih mă hĕ hbâo mơ̆ng pui ƀơ̆ng mnơ̆ng myơr čuh ti knưl, leh anăn srăng dưm hbâo anăn ti djiêô knưl.

Bruă Lêwi 6:12

Pui ti dlông knưl arăng srăng kiă brei ƀơ̆ng nanao, đăm brei pui anăn ram ôh. Grăp aguah khua ngă yang srăng dăp djuh ti dlông ñu, ñu srăng dưm mnơ̆ng myơr čuh bi djŏ tal, leh anăn čuh prăi mnơ̆ng myơr kơ klei êđăp ênang ti dlông mnơ̆ng myơr čuh.

Bruă Lêwi 6:20

“Anei jing mnơ̆ng myơr Y-Arôn leh anăn phung anak êkei ñu srăng myơr kơ Yêhôwa ti hruê arăng trôč êa ƀâo mngưi ti diñu: sa kdrêč hlăm pluh êphah kpŭng ƀhĭ jing mnơ̆ng myơr kpŭng ƀhĭ arăng khăng myơr, sa mkrah kơ aguah leh anăn sa mkrah kơ tlam.

Bruă Lêwi 6:22

Khua ngă yang hlăm phung anak êkei Y-Arôn, pô arăng trôč êa ƀâo mngưi pioh čuê ñu, srăng myơr gơ̆ kơ Yêhôwa tui si mtă leh hlŏng lar; arăng srăng čuh gơ̆ jih.

Bruă Lêwi 7:6

Grăp čô êkei hlăm phung khua ngă yang dưi ƀơ̆ng gơ̆; arăng srăng ƀơ̆ng gơ̆ hlăm sa bĭt anôk doh jăk; gơ̆ jing doh jăk hĭn.