Bruă Lêwi 5:5 - Klei Aê Diê Blŭ 2015

⁵ Tơdah sa čô jing soh hŏng sa mta klei anei, brei ñu hưn klei soh ñu ngă leh,

Bruă Lêwi 5:5 Iomraidhean Croise

Y-Yôp 33:27

leh anăn pô anăn mmuñ ti anăp arăng leh anăn lač, ‘Kâo ngă soh leh, leh anăn bi msoh kơ klei kpă, leh anăn arăng amâo bi wĭt kơ kâo tui si klei năng ôh.

Klei Mmuñ Hđăp 32:5

Snăn kâo hưn klei soh kâo kơ Ih, kâo amâo mdăp klei wê kâo ôh; kâo lač, “Kâo srăng hưn klei kâo gao klei bhiăn kơ Yêhôwa”; hlăk anăn Ih pap brei klei kâo jing soh. (Sêla)

Klei Bi Hriêng 28:13

Hlei pô mdăp klei soh ñu amâo srăng mâo klei đĭ kyar ôh, ƀiădah hlei pô hưn leh anăn lui klei soh anăn srăng mâo klei pap.

Y-Yêrêmi 3:13

Knŏng brei ih tŭ klei ih jing soh, klei ih bi kdơ̆ng leh hŏng Yêhôwa Aê Diê ih, leh anăn khăp leh kơ phung tue ti gŭ grăp ana kyâo mtah, leh anăn klei diih amâo gưt asăp kơ Kâo ôh, Yêhôwa lač.

Y-Đaniel 9:4

Kâo wah lač kơ Yêhôwa Aê Diê kâo leh anăn hưn klei soh kâo kơ Ñu, lač, “Ơ Yêhôwa, Aê Diê prŏng leh anăn năng kơ arăng huĭ, Pô djă pioh klei bi mguôp leh anăn klei jăk kơ phung khăp kơ Ñu leh anăn gưt klei Ñu mtă.

Bruă Lêwi 16:21

Y-Arôn srăng bă jih dua ƀĕ kngan ñu ti dlông boh kŏ bê knô hdĭp, leh anăn hưn ti dlông gơ̆ jih jang klei wê phung ƀuôn sang Israel, leh anăn jih jang klei diñu gao klei bhiăn, jih jang klei soh diñu; snăn ñu srăng dưm jih jang klei soh anăn ti boh kŏ bê knô, leh anăn yua sa čô mnuih jao leh kơ bruă anăn suôt bê knô kơ kdrăn tač.

Bruă Lêwi 26:40

Ƀiădah tơdah diñu srăng hưn klei wê diñu leh anăn klei wê phung aê diñu hlăm klei jhat ƀai diñu ngă leh bi kdơ̆ng hŏng Kâo, leh anăn hlăm klei diñu êbat mdê hŏng klei Kâo čiăng,

Bruă Lêwi 5:13

Snăn khua ngă yang srăng ngă klei bi doh klei soh kơ pô ngă soh leh hlăm sa mta mnơ̆ng anei, leh anăn gơ̆ srăng mâo klei pap brei. Ya mnơ̆ng adôk srăng pioh kơ khua ngă yang, msĕ si hŏng mnơ̆ng myơr kpŭng ƀhĭ.”

Klei Yap 5:7

ñu srăng hưn klei soh ñu ngă leh; leh anăn ñu srăng lŏ tla wĭt ênŭm, lŏ thiăm kơ dŏ anăn sa kdrêč hlăm êma, leh anăn srăng jao mnơ̆ng anăn kơ pô ñu bi msoh leh.

Hră Y-Pôl Mơĭt kơ Phung Rôm 10:10

Kyuadah mnuih đăo hŏng ai tiê ñu, snăn kơh ñu mâo klei yap kpă; leh anăn ñu hưn hŏng ƀăng kƀông, snăn kơh ñu tlaih.

Y-Yôsuê 7:19

Snăn Y-Yôsuê lač kơ Y-Akan, “Ơ dam, brei bĕ klei guh kơang kơ Yêhôwa Aê Diê Israel, leh anăn bi mni bĕ kơ Ñu. Ară anei hưn bĕ kơ kâo ya ih ngă leh. Đăm mdăp klei anăn kơ kâo ôh.”