Bruă Lêwi 5:16 - Klei Aê Diê Blŭ 2015

¹⁶ Msĕ mơh brei gơ̆ lŏ bi wĭt kyua klei ngă amâo djŏ hŏng mnơ̆ng doh jăk, leh anăn srăng thiăm sa kdrêč hlăm êma, leh anăn brei kơ khua ngă yang. Leh anăn khua ngă yang srăng ngă klei bi doh klei soh gơ̆ hŏng biăp knô jing mnơ̆ng myơr kyua klei gao klei bhiăn, leh anăn gơ̆ srăng mâo klei pap brei.

Bruă Lêwi 5:16 Iomraidhean Croise

Klei Mmuñ Hđăp 69:4

Phung bi êmut kơ kâo amâo mâo klei jing lu hĭn kơ ƀŭk ti dlông boh kŏ kâo; phung čiăng bi rai kâo amâo mâo klei jing jhŏng ktang, ya mnơ̆ng kâo amâo tuôm tlĕ ôh, arăng brei kâo lŏ čiu.

Klei Kbiă 22:1

Tơdah sa čô mnuih tlĕ sa drei êmô amâodah sa drei biăp, leh anăn ñu bi mdjiê amâodah čhĭ gơ̆, ñu srăng bi hnô êma drei êmô kơ sa drei êmô, leh anăn pă drei biăp kơ sa drei biăp. Ñu srăng bi wĭt mnơ̆ng ñu tlĕ, tơdah ñu amâo mâo mnơ̆ng ôh, arăng srăng čhĭ ñu kyua mnơ̆ng ñu tlĕ.

Bruă Lêwi 22:14

Tơdah sa čô ƀơ̆ng hŏng klei amâo thâo săng mnơ̆ng doh jăk, ñu srăng, bi wĭt mnơ̆ng doh jăk anăn kơ khua ngă yang lŏ thiăm sa kdrêč hlăm êma ênoh gơ̆.

Bruă Lêwi 27:13

Ƀiădah tơdah ñu čiăng bi tui gơ̆, ñu srăng thiăm sa kdrêč hlăm êma kơ ênoh tĭng leh.

Bruă Lêwi 27:15

Tơdah pô pioh brei leh sang ñu čiăng bi tui gơ̆, ñu srăng thiăm sa kdrêč hlăm êma kơ ênoh prăk khua ngă yang tĭng brei leh, leh anăn gơ̆ srăng jing dŏ ñu.

Bruă Lêwi 27:27

Tơdah gơ̆ jing sa drei hlô čhŏ, arăng dưi bi tui gơ̆ tui si ênoh ih tĭng brei, leh anăn lŏ thiăm sa kdrêč hlăm êma kơ gơ̆; amâodah tơdah arăng amâo bi tui gơ̆ ôh, arăng srăng čhĭ gơ̆ tui si ênoh tĭng leh.

Bruă Lêwi 27:31

Tơdah sa čô mnuih čiăng bi tui đa đa mơ̆ng sa kdrêč hlăm pluh ñu, brei ñu lŏ thiăm sa kdrêč hlăm êma kơ dŏ anăn.

Bruă Lêwi 4:20

Snei ñu srăng ngă hŏng êmô knô: msĕ si ñu ngă leh hŏng êmô knô mnơ̆ng myơr kyua klei soh, msĕ snăn mơh ñu srăng ngă hŏng dŏ anei. Leh anăn khua ngă yang srăng ngă klei bi doh klei soh digơ̆, leh anăn digơ̆ srăng mâo klei pap brei.

Bruă Lêwi 4:26

Jih prăi gơ̆ ñu srăng čuh ti dlông knưl, msĕ si prăi klei ngă yang mnơ̆ng myơr kơ klei êđăp ênang. Snăn khua ngă yang srăng ngă klei bi doh klei soh gơ̆, leh anăn gơ̆ srăng mâo klei pap brei.

Bruă Lêwi 5:10

Leh anăn ñu srăng myơr mnơ̆ng tal dua jing mnơ̆ng myơr čuh tui si klei bhiăn; leh anăn khua ngă yang srăng ngă klei bi doh klei soh pô anăn ngă leh, leh anăn gơ̆ srăng mâo klei pap brei.

Bruă Lêwi 5:13

Snăn khua ngă yang srăng ngă klei bi doh klei soh kơ pô ngă soh leh hlăm sa mta mnơ̆ng anei, leh anăn gơ̆ srăng mâo klei pap brei. Ya mnơ̆ng adôk srăng pioh kơ khua ngă yang, msĕ si hŏng mnơ̆ng myơr kpŭng ƀhĭ.”

Bruă Lêwi 5:6

leh anăn brei ñu ba mnơ̆ng myơr kơ klei gao klei bhiăn kơ Yêhôwa kyua klei soh ñu ngă leh, sa drei ana biăp amâodah bê, jing mnơ̆ng myơr kyua klei soh. Leh anăn khua ngă yang srăng ngă klei bi doh klei soh ñu.

Bruă Lêwi 7:2

Hlăm anôk arăng koh mnơ̆ng myơr čuh, arăng srăng koh mnơ̆ng myơr kyua klei gao klei bhiăn, leh anăn tuh êrah gơ̆ jŭm dar ti dlông knưl.

Klei Yap 5:7

ñu srăng hưn klei soh ñu ngă leh; leh anăn ñu srăng lŏ tla wĭt ênŭm, lŏ thiăm kơ dŏ anăn sa kdrêč hlăm êma, leh anăn srăng jao mnơ̆ng anăn kơ pô ñu bi msoh leh.

Klei Yap 5:8

Ƀiădah tơdah mnuih anăn tla amâo mâo găp djuê giăm dưi mă tŭ mnơ̆ng arăng tla wĭt kyua klei soh anăn ôh, mnơ̆ng tla wĭt anăn arăng srăng ba kơ Yêhôwa brei kơ khua ngă yang, lŏ thiăm sa drei biăp knô kơ klei bi doh klei soh, hŏng biăp anăn khua ngă yang srăng ngă klei bi doh klei soh kơ ñu.

Y-Luk 19:8

Y-Sačê dôk dơ̆ng ti anăp Khua Yang leh anăn lač, “Ơ Khua Yang, nĕ anei kâo brei kơ phung ƀun ƀin sa mkrah dŏ dô kâo, leh anăn tơdah kâo tuôm mplư ƀơ̆ng ngăn arăng, kâo lŏ bi wĭt pă blư̆ lu hĭn.”

Bruă Phung Khua Ƀĭng Kna 26:20

Ƀiădah kâo hưn tal êlâo hĭn kơ phung dôk ti ƀuôn Damas, leh anăn ti ƀuôn Yêrusalem, leh anăn tar ƀar čar Yuđa, leh anăn kơ phung tue msĕ mơh, brei diñu kmhal kơ klei soh leh anăn wĭt kơ Aê Diê, leh anăn bi êdah bruă năng hŏng klei diñu kmhal kơ klei soh.

I Y-Samuel 6:3

Diñu wĭt lač, “Tơdah diih bi wĭt hip Aê Diê Israel, đăm bi wĭt Ñu hơăi ôh, ƀiădah sĭt nik bi wĭt kơ Aê Diê sa mnơ̆ng myơr kơ klei gao klei bhiăn. Snăn diih srăng hlao, leh anăn diih srăng thâo si kngan Ñu amâo đuĕ mơ̆ng diih ôh.”