Bruă Lêwi 5:12 - Klei Aê Diê Blŭ 2015

¹² Brei ñu djă ba gơ̆ kơ khua ngă yang, leh anăn khua ngă yang srăng mă sa kpăt dŏ anăn jing kdrêč bi hdơr leh anăn čuh dŏ anăn ti knưl ti dlông mnơ̆ng myơr brei pui ƀơ̆ng kơ Yêhôwa. Gơ̆ jing mnơ̆ng myơr kyua klei soh.

Bruă Lêwi 5:12 Iomraidhean Croise

Bruă Lêwi 1:13

Ƀiădah ñu srăng rao hŏng êa prôč êhŭng leh anăn jơ̆ng. Leh anăn khua ngă yang srăng myơr jih leh anăn čuh gơ̆ ti dlông knưl; gơ̆ jing mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 1:17

Ñu srăng hiêk gơ̆ mơ̆ng kyăng, ƀiădah amâo bi tloh ôh. Leh anăn khua ngă yang srăng čuh gơ̆ ti dlông knưl, ti dlông djuh pui dôk ƀơ̆ng; gơ̆ jing mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa.”

Bruă Lêwi 1:9

Ƀiădah ñu srăng rao hŏng êa prôč êhŭng leh anăn jơ̆ng gơ̆. Leh anăn khua ngă yang srăng čuh jih ti dlông knưl, jing mnơ̆ng myơr čuh, mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 2:16

Khua ngă yang srăng čuh jing kdrêč bi hdơr sa kdrêč mdiê mrâo bi ƀhĭ leh, leh anăn êa boh ôliwơ mbĭt hŏng jih mnơ̆ng ƀâo mngưi gơ̆; gơ̆ jing mnơ̆ng myơr brei pui ƀơ̆ng kơ Yêhôwa.”

Bruă Lêwi 2:2

Ñu srăng ba gơ̆ kơ phung anak êkei Y-Arôn phung khua ngă yang. Khua ngă yang srăng mă mơ̆ng gơ̆ sa kpăt kpŭng ƀhĭ leh anăn êa boh ôliwơ, mbĭt hŏng jih mnơ̆ng ƀâo mngưi gơ̆; leh anăn khua ngă yang srăng čuh dŏ anăn ti dlông knưl jing kdrêč bi hdơr, sa mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 2:9

Leh anăn khua ngă yang srăng mă mơ̆ng mnơ̆ng myơr kpŭng ƀhĭ kdrêč bi hdơr leh anăn čuh gơ̆ ti knưl, jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 3:11

Khua ngă yang srăng čuh jih dŏ anăn ti dlông knưl, jing mnơ̆ng ƀơ̆ng huă myơr brei pui ƀơ̆ng kơ Yêhôwa.

Bruă Lêwi 3:4

dua asăr boh ƀleh mbĭt hŏng prăi luôm diñu ti kơiêng, leh anăn djao ti tiê, dŏ anăn ñu srăng mă mbĭt hŏng boh ƀleh.

Bruă Lêwi 4:35

Ñu srăng mă hĕ jih jang prăi msĕ si ñu mă prăi êđai biăp arăng ngă yang myơr kơ klei êđăp ênang; leh anăn khua ngă yang srăng čuh gơ̆ ti dlông knưl, ti dlông mnơ̆ng myơr brei pui ƀơ̆ng kơ Yêhôwa. Snăn khua ngă yang srăng ngă klei bi doh klei soh gơ̆ ngă leh, leh anăn gơ̆ srăng mâo klei pap brei.”

Bruă Lêwi 5:11

Tơdah ñu amâo dưi mâo dua drei mgăm amâodah dua drei êđai ktrâo ôh, brei ñu djă ba mnơ̆ng myơr kyua klei soh ñu ngă leh sa kdrêč hlăm pluh êphah kpŭng ƀhĭ jing mnơ̆ng myơr kyua klei soh. Đăm brei ñu dưm êa boh ôliwơ ti dlông gơ̆ ôh amâodah dưm mnơ̆ng ƀâo mngưi, kyuadah gơ̆ jing mnơ̆ng myơr kyua klei soh.

Bruă Lêwi 5:13

Snăn khua ngă yang srăng ngă klei bi doh klei soh kơ pô ngă soh leh hlăm sa mta mnơ̆ng anei, leh anăn gơ̆ srăng mâo klei pap brei. Ya mnơ̆ng adôk srăng pioh kơ khua ngă yang, msĕ si hŏng mnơ̆ng myơr kpŭng ƀhĭ.”

Bruă Lêwi 6:15

Sa khua ngă yang čô srăng mă sa kpăt kpŭng ƀhĭ mơ̆ng mnơ̆ng myơr kpŭng ƀhĭ mbĭt hŏng êa boh ôliwơ gơ̆ wăt jih jang mnơ̆ng ƀâo mngưi arăng dưm ti mnơ̆ng myơr kpŭng ƀhĭ, leh anăn čuh mnơ̆ng anăn ti dlông knưl, jing kdrêč bi hdơr, mnâo ƀâo mngưi kơ Yêhôwa.

Klei Yap 5:26

Khua ngă yang srăng mă sa kpăt mnơ̆ng myơr kpŭng ƀhĭ, jing kdrêč bi hdơr, leh anăn čuh gơ̆ ti dlông knưl; leh klei anăn ñu srăng brei mniê mnăm êa anăn.

Bruă Phung Khua Ƀĭng Kna 10:4

Hŏng klei huĭ snăk ñu dlăng amâo kƀreh ală ôh kơ dĭng buăl jăk leh anăn lač, “Ya klei mâo, Ơ Khua?” Dĭng buăl jăk lač kơ ñu, “Klei ih wah lač leh anăn mnơ̆ng ih brei pap đĭ leh truh kơ Aê Diê, leh anăn Aê Diê hdơr kơ klei anăn.

Êphêsô 5:2

Êbat bĕ hlăm klei khăp, msĕ si Krist khăp leh kơ drei, leh anăn săn asei mlei Ñu pô kyua drei, jing mnơ̆ng myơr leh anăn mnơ̆ng ngă yang ƀâo mngưi kơ Aê Diê.