Bruă Lêwi 4:32 - Klei Aê Diê Blŭ 2015

³² Tơdah ñu đoh ba sa drei êđai biăp jing mnơ̆ng myơr kyua klei soh, brei ñu đoh ba sa drei ana amâo mâo anôk jhat ôh.

Bruă Lêwi 4:32 Iomraidhean Croise

Klei Kbiă 12:3

Hưn bĕ kơ jih jang phung Israel bi kƀĭn snei: Hruê tal pluh mlan anei, brei grăp čô êkei mă sa drei êđai biăp kơ grăp boh gŏ, amâodah sa drei êđai biăp kơ grăp boh sang.

Klei Kbiă 12:5

Êđai biăp anăn amâo srăng mâo anôk jhat ôh, knô mâo sa thŭn leh; diih dưi mă sa drei êđai biăp amâodah sa drei êđai bê.

Y-Êsai 53:7

Arăng ktư̆ juă Ñu leh anăn bi knap Ñu, ƀiădah Ñu amâo tuôm ha ƀăng êgei Ñu ôh; msĕ si sa drei êđai biăp arăng atăt kơ anôk koh bi mdjiê, msĕ si sa drei êđai biăp dôk kmlô ti anăp phung kăp mlâo Ñu, msĕ snăn mơh Ñu amâo ha ƀăng êgei Ñu ôh.

Bruă Lêwi 1:3

Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Bruă Lêwi 4:28

tơdah ñu thâo klei soh ñu ngă leh, brei ñu đoh ba myơr sa drei bê ana amâo mâo anôk jhat ôh, kyua klei soh ñu ngă leh.

Bruă Lêwi 5:6

leh anăn brei ñu ba mnơ̆ng myơr kơ klei gao klei bhiăn kơ Yêhôwa kyua klei soh ñu ngă leh, sa drei ana biăp amâodah bê, jing mnơ̆ng myơr kyua klei soh. Leh anăn khua ngă yang srăng ngă klei bi doh klei soh ñu.

Y-Luk 1:35

Dĭng buăl jăk lač kơ ñu, “Yang Mngăt Jăk srăng hriê kơ ih, leh anăn klei myang Pô Ti Dlông Hĭn srăng guôm ih; kyuanăn anak doh jăk ih srăng kkiêng arăng srăng pia Anak Aê Diê.

Y-Yôhan 1:29

Hruê mgi Y-Yôhan lŏ ƀuh Yêsu hriê kơ ñu leh anăn ñu lač, “Nĕ anei, Êđai Biăp Aê Diê, Pô lăm hĕ klei soh lăn ala!

Y-Yôhan 1:36

ñu dlăng kơ Yêsu êjai Yêsu êbat, leh anăn ñu lač, “Duh adih, Êđai Biăp Aê Diê!”

Êphêsô 5:27

čiăng bi êdah ti anăp Ñu Phung Sang Aê Diê anei bŏ hŏng klei guh kơang, amâo mâo anôk čhŏ, amâo mâo anôk kčŭng, amâo mâo mnơ̆ng msĕ snăn ôh, čiăng kơ gơ̆ dưi jing doh jăk amâo mâo anôk jhat ôh.

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.

Hêbrơ 9:14

kdlưn hĭn kơ anăn êrah Krist, Pô myơr Ñu pô hŏng Yang Mngăt Jăk hlŏng lar kơ Aê Diê amâo mâo klei čhŏ ôh, dưi bi doh ai tiê kpă diih mơ̆ng bruă atăt kơ klei djiê, čiăng mă bruă kơ Aê Diê hdĭp.

I Y-Pêtrôs 2:22

Ñu amâo tuôm ngă soh ôh, kăn arăng tuôm hmư̆ klei luar mơ̆ng ƀăng êgei Ñu rei.

I Y-Pêtrôs 2:24

Ñu pô klam klei soh drei hlăm asei mlei Ñu pô ti kyâo bi kal, čiăng kơ drei dưi djiê kơ klei soh leh anăn hdĭp kơ klei kpă ênô. Hŏng anôk êka Ñu diih hlao leh.

I Y-Pêtrôs 3:18

Kyuadah Krist msĕ mơh djiê leh kyua klei soh knŏng sa blư̆ kơ jih jang, Pô kpă bi ala kơ phung amâo kpă ôh, čiăng kơ Ñu dưi atăt drei kơ Aê Diê. Arăng bi mdjiê Ñu leh hlăm kđeh, ƀiădah Aê Diê bi hdĭp Ñu hlăm mngăt;

Klei Bi Êdah 5:6

Ti plah wah jhưng mtao hŏng pă drei mnơ̆ng hdĭp, leh anăn ti krah phung khua mduôn, kâo ƀuh sa drei Êđai Biăp dôk dơ̆ng, msĕ si arăng bi mdjiê Ñu leh, mâo kjuh ƀĕ ki leh anăn kjuh boh ală, jing kjuh čô yang mngăt Aê Diê tiŏ nao leh tar ƀar lăn ala.