Bruă Lêwi 4:26 - Klei Aê Diê Blŭ 2015

²⁶ Jih prăi gơ̆ ñu srăng čuh ti dlông knưl, msĕ si prăi klei ngă yang mnơ̆ng myơr kơ klei êđăp ênang. Snăn khua ngă yang srăng ngă klei bi doh klei soh gơ̆, leh anăn gơ̆ srăng mâo klei pap brei.

Bruă Lêwi 4:26 Iomraidhean Croise

II Klei Yăl Dliê 29:24

leh anăn phung khua ngă yang bi mdjiê digơ̆ leh anăn ngă yang kyua klei soh hŏng êrah digơ̆ ti knưl, čiăng ngă klei bi doh klei soh kơ jih jang phung Israel. Kyuadah mtao mtă čiăng kơ arăng ngă yang mnơ̆ng myơr čuh leh anăn mnơ̆ng myơr kyua klei soh kơ jih jang phung Israel.

Y-Êsêkiêl 43:22

Ti hruê tal dua brei ih myơr sa drei bê knô amâo mâo anôk jhat ôh pioh kơ mnơ̆ng myơr kyua klei soh; leh anăn arăng srăng bi doh knưl msĕ si arăng bi doh leh hŏng êmô knô.

Bruă Lêwi 1:4

Ñu srăng bă kngan ñu ti dlông boh kŏ mnơ̆ng myơr čuh, mnơ̆ng anăn srăng mâo klei tŭ kyua ñu čiăng ngă klei bi doh klei soh kơ ñu.

Bruă Lêwi 12:8

Tơdah ñu amâo dưi mâo sa drei êđai biăp ôh, brei ñu mă dua drei mgăm amâodah dua drei êđai ktrâo, sa drei pioh kơ mnơ̆ng myơr čuh, sa drei mkăn pioh kơ mnơ̆ng myơr kyua klei soh, leh anăn khua ngă yang srăng ngă klei bi doh klei soh ñu, leh anăn ñu srăng jing doh.’ ”

Bruă Lêwi 14:18

Khua ngă yang srăng dưm êa boh ôliwơ ăt dôk hlăm kngan ñu ti boh kŏ pô čiăng mâo klei bi doh. Leh anăn khua ngă yang srăng ngă klei bi doh klei soh ñu ti anăp Yêhôwa.

Bruă Lêwi 15:15

Khua ngă yang srăng myơr digơ̆, sa drei jing mnơ̆ng myơr kyua klei soh, sa drei mkăn jing mnơ̆ng myơr čuh; leh anăn khua ngă yang srăng ngă klei bi doh klei soh pô anăn ti anăp Yêhôwa kyua klei bi ƀlĕ.

Bruă Lêwi 17:11

Kyuadah klei hdĭp kđeh dôk hlăm êrah; leh anăn Kâo brei leh dŏ anăn kơ diih ti dlông knưl čiăng ngă klei bi doh klei soh kơ mngăt diih; kyuadah êrah jing mnơ̆ng bi doh klei soh, kyua êrah jing klei hdĭp.

Bruă Lêwi 19:22

Khua ngă yang srăng ngă klei bi doh klei soh ñu hŏng biăp knô mnơ̆ng myơr kyua klei gao klei bhiăn ti anăp Yêhôwa kyua klei soh ñu ngă leh; leh anăn klei soh ñu ngă leh srăng mâo klei pap brei.

Bruă Lêwi 3:5

Phung anak êkei Y-Arôn srăng čuh jih dŏ anăn ti knưl ti dlông mnơ̆ng myơr čuh dôk ti dlông djuh pui dôk ƀơ̆ng; gơ̆ jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 4:19

Ñu srăng mă hĕ jih jang prăi gơ̆ leh anăn čuh ti dlông knưl.

Bruă Lêwi 4:20

Snei ñu srăng ngă hŏng êmô knô: msĕ si ñu ngă leh hŏng êmô knô mnơ̆ng myơr kyua klei soh, msĕ snăn mơh ñu srăng ngă hŏng dŏ anei. Leh anăn khua ngă yang srăng ngă klei bi doh klei soh digơ̆, leh anăn digơ̆ srăng mâo klei pap brei.

Bruă Lêwi 4:31

Êdei tinăn ñu srăng mă hĕ jih jang prăi gơ̆, msĕ si arăng mă prăi mơ̆ng mnơ̆ng myơr kơ klei êđăp ênang, leh anăn khua ngă yang srăng čuh gơ̆ ti dlông knưl jing mnâo ƀâo mngưi kơ Yêhôwa. Snăn khua ngă yang srăng ngă klei bi doh klei soh kơ gơ̆, leh anăn gơ̆ srăng mâo klei pap brei.

Bruă Lêwi 4:35

Ñu srăng mă hĕ jih jang prăi msĕ si ñu mă prăi êđai biăp arăng ngă yang myơr kơ klei êđăp ênang; leh anăn khua ngă yang srăng čuh gơ̆ ti dlông knưl, ti dlông mnơ̆ng myơr brei pui ƀơ̆ng kơ Yêhôwa. Snăn khua ngă yang srăng ngă klei bi doh klei soh gơ̆ ngă leh, leh anăn gơ̆ srăng mâo klei pap brei.”

Bruă Lêwi 5:10

Leh anăn ñu srăng myơr mnơ̆ng tal dua jing mnơ̆ng myơr čuh tui si klei bhiăn; leh anăn khua ngă yang srăng ngă klei bi doh klei soh pô anăn ngă leh, leh anăn gơ̆ srăng mâo klei pap brei.

Bruă Lêwi 5:13

Snăn khua ngă yang srăng ngă klei bi doh klei soh kơ pô ngă soh leh hlăm sa mta mnơ̆ng anei, leh anăn gơ̆ srăng mâo klei pap brei. Ya mnơ̆ng adôk srăng pioh kơ khua ngă yang, msĕ si hŏng mnơ̆ng myơr kpŭng ƀhĭ.”

Bruă Lêwi 5:16

Msĕ mơh brei gơ̆ lŏ bi wĭt kyua klei ngă amâo djŏ hŏng mnơ̆ng doh jăk, leh anăn srăng thiăm sa kdrêč hlăm êma, leh anăn brei kơ khua ngă yang. Leh anăn khua ngă yang srăng ngă klei bi doh klei soh gơ̆ hŏng biăp knô jing mnơ̆ng myơr kyua klei gao klei bhiăn, leh anăn gơ̆ srăng mâo klei pap brei.

Bruă Lêwi 5:18

Brei ñu đoh ba kơ khua ngă yang sa drei biăp knô amâo mâo anôk jhat ôh mơ̆ng phung biăp, ih tĭng leh ênoh tui si ênoh mnơ̆ng myơr kyua klei gao klei bhiăn, leh anăn khua ngă yang srăng ngă klei bi doh klei soh gơ̆ ngă hŏng klei amâo čŏng čiăng, leh anăn gơ̆ srăng mâo klei pap brei.

Bruă Lêwi 6:7

Leh anăn khua ngă yang srăng ngă klei bi doh klei soh gơ̆ ti anăp Yêhôwa, leh anăn gơ̆ srăng mâo klei pap brei kơ ya klei arăng khăng ngă leh anăn jing soh.”

Klei Yap 15:25

Khua ngă yang srăng ngă klei bi doh klei soh kơ jih jang phung ƀuôn sang Israel bi kƀĭn, leh anăn diñu srăng mâo klei pap brei, kyuadah diñu ngă soh leh hŏng klei amâo čŏng čiăng, leh anăn diñu djă ba leh mnơ̆ng diñu myơr, sa mnơ̆ng myơr brei pui ƀơ̆ng kơ Yêhôwa, leh anăn mnơ̆ng diñu myơr kyua klei soh diñu ti anăp Yêhôwa kyua klei soh diñu amâo čŏng čiăng.

Klei Yap 15:28

Leh anăn khua ngă yang srăng ngă klei bi doh klei soh ti anăp Yêhôwa kơ mnuih ngă klei soh amâo čŏng čiăng, tơdah ñu tăm ngă soh hŏng klei amâo čiăng, čiăng ngă klei bi doh klei soh kơ ñu; leh anăn ñu srăng mâo klei pap brei.