Bruă Lêwi 4:21 - Klei Aê Diê Blŭ 2015

²¹ Leh anăn ñu srăng ba êmô knô ti êngao wăl, leh anăn čuh gơ̆ msĕ si ñu čuh leh êmô knô tal êlâo; gơ̆ jing mnơ̆ng myơr kyua klei soh phung bi kƀĭn.

Bruă Lêwi 4:21 Iomraidhean Croise

Y-Êsra 8:35

Hlăk anăn phung kbiă leh mơ̆ng klei jing mnă, phung arăng suôt lŏ wĭt leh, myơr mnơ̆ng myơr čuh kơ Aê Diê phung Israel pluh dua drei êmô knô kơ jih jang phung Israel, dua păn pluh năm drei biăp knô, kjuh pluh kjuh drei êđai biăp, leh anăn pluh dua drei bê knô jing mnơ̆ng myơr kyua klei soh. Jih jang mnơ̆ng anăn jing mnơ̆ng myơr čuh kơ Yêhôwa.

Klei Kbiă 29:14

Ƀiădah brei ih čuh ti êngao wăl ƀuôn kđeh êmô knô, klĭt, leh anăn eh ñu; ñu jing mnơ̆ng ngă yang kơ klei soh.

Y-Êsêkiêl 45:22

Ti hruê anăn pô jing khua srăng myơr kyua ñu pô leh anăn kyua jih jang phung ƀuôn sang hlăm čar sa drei êmô knô dam jing mnơ̆ng myơr kyua klei soh.

Bruă Lêwi 16:15

Leh anăn ñu srăng koh bê knô jing mnơ̆ng myơr kyua klei soh kyua phung ƀuôn sang, leh anăn ba êrah gơ̆ kơ lam čhiăm păng, ngă hŏng êrah anăn msĕ si ñu ngă leh hŏng êrah êmô knô, hƀrah gơ̆ ti dlông kđhăp klei pap brei leh anăn ti anăp kđhăp klei pap brei.

Bruă Lêwi 16:21

Y-Arôn srăng bă jih dua ƀĕ kngan ñu ti dlông boh kŏ bê knô hdĭp, leh anăn hưn ti dlông gơ̆ jih jang klei wê phung ƀuôn sang Israel, leh anăn jih jang klei diñu gao klei bhiăn, jih jang klei soh diñu; snăn ñu srăng dưm jih jang klei soh anăn ti boh kŏ bê knô, leh anăn yua sa čô mnuih jao leh kơ bruă anăn suôt bê knô kơ kdrăn tač.

Bruă Lêwi 16:27

Arăng srăng djă ba ti êngao wăl êmô knô mnơ̆ng myơr kyua klei soh leh anăn bê knô mnơ̆ng myơr kyua klei soh, kyua êrah digơ̆ arăng ba leh hlăm adŭ doh jăk hĭn, čiăng ngă klei bi doh klei soh; leh anăn arăng srăng čuh ti pui klĭt, kđeh, leh anăn eh digơ̆.

Bruă Lêwi 4:13

Tơdah jih jang phung Israel bi kƀĭn tăm ngă soh leh hŏng klei amâo čŏng čiăng, leh anăn klei anăn jing hgăm kơ ală phung bi kƀĭn, leh anăn diñu ngă sa klei Yêhôwa mtă đăm brei ngă ôh, leh anăn jing soh leh,

Bruă Lêwi 4:20

Snei ñu srăng ngă hŏng êmô knô: msĕ si ñu ngă leh hŏng êmô knô mnơ̆ng myơr kyua klei soh, msĕ snăn mơh ñu srăng ngă hŏng dŏ anei. Leh anăn khua ngă yang srăng ngă klei bi doh klei soh digơ̆, leh anăn digơ̆ srăng mâo klei pap brei.

Bruă Lêwi 6:11

Leh anăn ñu srăng toh hĕ čhum ao ñu, leh anăn lŏ hơô čhum ao mkăn, leh anăn ba hbâo anăn ti êngao wăl hlăm anôk doh.

Bruă Lêwi 6:23

Grăp mnơ̆ng myơr kpŭng ƀhĭ kyua sa čô khua ngă yang arăng srăng čuh jih; arăng amâo srăng ƀơ̆ng gơ̆ ôh.”

Bruă Lêwi 8:17

Ƀiădah ñu čuh hlăm pui ti êngao wăl, êmô knô, klĭt gơ̆, kđeh gơ̆, leh anăn eh gơ̆, tui si Yêhôwa mtă leh kơ Y-Môis.

Klei Yap 15:24

tơdah arăng ngă soh leh hŏng klei amâo čŏng čiăng ôh, phung bi kƀĭn amâo thâo ôh klei anăn, jih jang phung bi kƀĭn srăng myơr sa drei êmô knô dam jing mnơ̆ng myơr čuh, mnâo ƀâo mngưi kơ Yêhôwa, mbĭt hŏng mnơ̆ng myơr kpŭng ƀhĭ leh anăn mnơ̆ng myơr mnăm tui si klei bhiăn, leh anăn sa drei bê knô jing mnơ̆ng myơr kyua klei soh.

Y-Mathiơ 20:28

msĕ si Anak Mnuih hriê leh amâo djŏ čiăng kơ arăng mă bruă kơ Ñu ôh, ƀiădah čiăng mă bruă kơ arăng, leh anăn jao klei hdĭp Ñu pô jing ênoh bi tui kơ lu mnuih.”

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.

Hêbrơ 13:11

Kyuadah arăng čuh ti êngao wăl asei mlei hlô mnơ̆ng khua ngă yang prŏng djă ba êrah kơ adŭ doh jăk hĭn, jing mnơ̆ng ngă yang kyua klei soh.