Bruă Lêwi 4:18 - Klei Aê Diê Blŭ 2015

¹⁸ Ñu srăng tak đa đa êrah ti ki knưl dôk hlăm sang čhiăm ti anăp Yêhôwa; leh anăn êrah adôk ñu srăng tuh ti jơ̆ng knưl mnơ̆ng myơr čuh dôk ti ƀăng bhă sang čhiăm klei bi kƀĭn.

Bruă Lêwi 4:18 Iomraidhean Croise

II Klei Yăl Dliê 29:22

Snăn diñu bi mdjiê êmô knô, leh anăn phung khua ngă yang mă tuh êrah anăn ti knưl; leh anăn diñu bi mdjiê biăp knô leh anăn tuh êrah digơ̆ ti knưl; leh anăn diñu bi mdjiê êđai biăp leh anăn tuh êrah digơ̆ ti knưl.

Klei Kbiă 29:12

Brei ih mă mơ̆ng êrah êmô knô leh anăn mia êrah anăn ti ki knưl ngă yang hŏng kđiêng ih, leh anăn brei ih tuh êrah adôk ti jơ̆ng knưl.

Klei Kbiă 30:10

Sa blư̆ grăp thŭn Y-Arôn srăng ngă klei bi doh klei soh ti pă ki ñu hŏng êrah mnơ̆ng ngă yang bi doh klei soh. Gơ̆ srăng ngă klei bi doh klei soh tinăn sa blư̆ grăp thŭn hlăm jih jang ênuk diih. Ñu jing mnơ̆ng doh jăk hĭn kơ Yêhôwa.”

Bruă Lêwi 4:25

Leh anăn khua ngă yang srăng mă đa đa êrah mnơ̆ng myơr kyua klei soh hŏng kđiêng ñu leh anăn mia ti ki knưl mnơ̆ng myơr čuh, leh anăn tuh êrah adôk ti jơ̆ng knưl mnơ̆ng myơr čuh.

Bruă Lêwi 4:30

Leh anăn khua ngă yang srăng mă đa đa êrah hŏng kđiêng ñu, mia ti ki knưl mnơ̆ng myơr čuh, leh anăn tuh jih êrah adôk ti jơ̆ng knưl.

Bruă Lêwi 4:34

Leh anăn khua ngă yang srăng mă đa đa êrah mnơ̆ng myơr kyua klei soh hŏng kđiêng ñu, leh anăn mia ti ki knưl mnơ̆ng myơr čuh, leh anăn tuh hĕ jih êrah adôk ti jơ̆ng knưl.

Bruă Lêwi 4:7

Khua ngă yang srăng tak đa đa êrah ti dlông ki knưl mnơ̆ng ƀâo mngưi ti anăp Yêhôwa hlăm sang čhiăm klei bi kƀĭn, leh anăn êrah êmô knô adôk ñu srăng tuh ti jơ̆ng knưl mnơ̆ng myơr čuh dôk ti ƀăng bhă sang čhiăm klei bi kƀĭn.

Bruă Lêwi 5:9

Leh anăn ñu srăng hƀrah đa đa êrah mnơ̆ng myơr kyua klei soh ti djiêô knưl, leh anăn êrah adôk ñu srăng tuh ti jơ̆ng knưl; gơ̆ jing mnơ̆ng myơr kyua klei soh.

Bruă Lêwi 6:30

Ƀiădah đăm ƀơ̆ng ôh mnơ̆ng myơr kyua klei soh mơ̆ng mnơ̆ng anăn arăng ba leh đa đa êrah kơ sang čhiăm klei bi kƀĭn čiăng ngă klei bi doh klei soh hlăm adŭ doh jăk; brei arăng čuh gơ̆ hŏng pui.”

Bruă Lêwi 8:15

Y-Môis koh gơ̆, mă êrah, leh anăn hŏng kđiêng ñu mia ti ki knưl jŭm dar leh anăn bi doh knưl, leh anăn tuh êrah ti jơ̆ng knưl leh anăn pioh brei gơ̆, čiăng ngă klei bi doh kơ knưl.

Bruă Lêwi 9:9

Phung anak êkei Y-Arôn brei êrah kơ ñu, ñu đrŭt kđiêng ñu hlăm êrah leh anăn mia ti ki knưl, leh anăn tuh êrah ti jơ̆ng knưl.