Bruă Lêwi 4:15 - Klei Aê Diê Blŭ 2015

¹⁵ Phung khua mduôn hlăm phung Israel srăng bă kngan diñu ti dlông boh kŏ êmô knô ti anăp Yêhôwa, leh anăn arăng srăng koh êmô knô ti anăp Yêhôwa.

Bruă Lêwi 4:15 Iomraidhean Croise

II Klei Yăl Dliê 29:23

Leh anăn arăng đoh ba bê knô pioh kơ mnơ̆ng myơr kyua klei soh ti anăp mtao leh anăn phung bi kƀĭn, leh anăn diñu ênă kngan diñu ti dlông bê anăn,

Klei Kbiă 24:1

Yêhôwa lač kơ Y-Môis, “Đĭ bĕ kơ Yêhôwa, ih leh anăn Y-Arôn, Y-Nadap, Y-Abihu, leh anăn kjuh pluh čô khua mduôn phung Israel, leh anăn brei diih kkuh mpŭ mơ̆ng kbưi.

Klei Kbiă 24:9

Y-Môis đĭ mbĭt hŏng Y-Arôn, Y-Nadap, Y-Abihu, leh anăn kjuh pluh čô khua mduôn phung Israel.

Bruă Lêwi 1:3

Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Bruă Lêwi 1:4

Ñu srăng bă kngan ñu ti dlông boh kŏ mnơ̆ng myơr čuh, mnơ̆ng anăn srăng mâo klei tŭ kyua ñu čiăng ngă klei bi doh klei soh kơ ñu.

Bruă Lêwi 16:21

Y-Arôn srăng bă jih dua ƀĕ kngan ñu ti dlông boh kŏ bê knô hdĭp, leh anăn hưn ti dlông gơ̆ jih jang klei wê phung ƀuôn sang Israel, leh anăn jih jang klei diñu gao klei bhiăn, jih jang klei soh diñu; snăn ñu srăng dưm jih jang klei soh anăn ti boh kŏ bê knô, leh anăn yua sa čô mnuih jao leh kơ bruă anăn suôt bê knô kơ kdrăn tač.

Bruă Lêwi 4:16

Khua ngă yang arăng trôč êa ƀâo mngưi leh srăng ba đa đa êrah êmô knô kơ sang čhiăm klei bi kƀĭn,

Bruă Lêwi 4:4

Brei ñu đoh ba êmô knô ti ƀăng bhă sang čhiăm klei bi kƀĭn ti anăp Yêhôwa, bă kngan ñu ti dlông boh kŏ êmô knô, leh anăn koh êmô knô ti anăp Yêhôwa.

Bruă Lêwi 8:14

Leh anăn ñu đoh ba êmô knô myơr kyua klei soh; Y-Arôn leh anăn phung anak êkei ñu bă kngan ti boh kŏ êmô knô myơr kyua klei soh.

Bruă Lêwi 8:18

Leh anăn ñu myơr biăp knô jing mnơ̆ng myơr čuh; Y-Arôn leh anăn phung anak êkei ñu bă kngan diñu ti boh kŏ biăp knô.

Bruă Lêwi 8:22

Leh anăn ñu myơr biăp knô mkăn, biăp knô kơ klei pioh brei; Y-Arôn leh anăn phung anak êkei ñu bă kngan diñu ti boh kŏ biăp knô.

Klei Yap 11:16

Yêhôwa lač kơ Y-Môis, “Bi kƀĭn bĕ kơ Kâo kjuh pluh čô êkei phung khua mduôn Israel, đơ phung ih thâo kral leh jing khua mduôn hlăm phung ƀuôn sang leh anăn khua ti dlông diñu; leh anăn atăt ba diñu kơ sang čhiăm klei bi kƀĭn; leh anăn brei diñu dôk dơ̆ng tinăn mbĭt hŏng ih.

Klei Yap 11:25

Hlăk anăn Yêhôwa trŭn hlăm knam leh anăn blŭ kơ Y-Môis. Ñu mă Mngăt Myang dôk ti dlông Y-Môis leh anăn dưm msĕ mơh ti dlông kjuh pluh čô khua mduôn; leh anăn tơdah Mngăt Myang dôk ti dlông digơ̆, digơ̆ hưn êlâo. Ƀiădah digơ̆ amâo lŏ hưn êlâo msĕ snăn ôh.

Klei Yap 8:10

Tơdah ih bi êdah phung Lêwi ti anăp Yêhôwa, phung ƀuôn sang Israel srăng bă kngan diñu ti phung Lêwi,

Klei Yap 8:12

Leh anăn phung Lêwi srăng bă kngan diñu ti boh kŏ jih jang êmô knô; leh anăn ih srăng myơr sa drei jing mnơ̆ng myơr kyua klei soh, leh anăn sa drei mkăn jing mnơ̆ng myơr čuh kơ Yêhôwa, čiăng ngă klei bi doh klei soh phung Lêwi.