Bruă Lêwi 4:12 - Klei Aê Diê Blŭ 2015

¹² jih sa drei êmô knô anăn ñu srăng ba ti êngao wăl, kơ anôk doh, anôk arăng tuh hbâo, leh anăn ñu srăng čuh gơ̆ hŏng pui djuh. Arăng srăng čuh gơ̆ ti anôk arăng tuh hbâo.

Bruă Lêwi 4:12 Iomraidhean Croise

Klei Kbiă 29:14

Ƀiădah brei ih čuh ti êngao wăl ƀuôn kđeh êmô knô, klĭt, leh anăn eh ñu; ñu jing mnơ̆ng ngă yang kơ klei soh.

Y-Êsêkiêl 43:21

Msĕ mơh brei ih mă êmô knô pioh kơ mnơ̆ng myơr kyua klei soh, leh anăn arăng srăng čuh gơ̆ ti anôk bi kčah leh giăm sang yang, ti êngao anôk doh jăk.

Bruă Lêwi 13:46

Ñu srăng dôk jing čhŏ êjai ñu mâo klei ruă anăn; ñu jing čhŏ; brei ñu dôk hjăn hlăm sa bĭt anôk dôk ti êngao wăl.

Bruă Lêwi 16:27

Arăng srăng djă ba ti êngao wăl êmô knô mnơ̆ng myơr kyua klei soh leh anăn bê knô mnơ̆ng myơr kyua klei soh, kyua êrah digơ̆ arăng ba leh hlăm adŭ doh jăk hĭn, čiăng ngă klei bi doh klei soh; leh anăn arăng srăng čuh ti pui klĭt, kđeh, leh anăn eh digơ̆.

Bruă Lêwi 4:21

Leh anăn ñu srăng ba êmô knô ti êngao wăl, leh anăn čuh gơ̆ msĕ si ñu čuh leh êmô knô tal êlâo; gơ̆ jing mnơ̆ng myơr kyua klei soh phung bi kƀĭn.

Bruă Lêwi 6:23

Grăp mnơ̆ng myơr kpŭng ƀhĭ kyua sa čô khua ngă yang arăng srăng čuh jih; arăng amâo srăng ƀơ̆ng gơ̆ ôh.”

Bruă Lêwi 6:30

Ƀiădah đăm ƀơ̆ng ôh mnơ̆ng myơr kyua klei soh mơ̆ng mnơ̆ng anăn arăng ba leh đa đa êrah kơ sang čhiăm klei bi kƀĭn čiăng ngă klei bi doh klei soh hlăm adŭ doh jăk; brei arăng čuh gơ̆ hŏng pui.”

Bruă Lêwi 6:4

tơdah sa čô ngă soh msĕ snăn, brei ñu bi wĭt ya mnơ̆ng ñu tlĕ mă leh, amâodah mă hŏng klei mgô̆, amâodah mnơ̆ng arăng jao leh kơ ñu, amâodah mnơ̆ng luč leh ñu duñ,

Bruă Lêwi 8:17

Ƀiădah ñu čuh hlăm pui ti êngao wăl, êmô knô, klĭt gơ̆, kđeh gơ̆, leh anăn eh gơ̆, tui si Yêhôwa mtă leh kơ Y-Môis.

Bruă Lêwi 9:11

Bi kđeh leh anăn klĭt ñu čuh hlăm pui ti êngao wăl.

Klei Yap 15:35

Yêhôwa lač kơ Y-Môis, “Mnuih anei brei arăng bi mdjiê; brei jih jang phung bi kƀĭn bhĭr boh tâo ti ñu ti êngao wăl.”

Klei Yap 19:3

Jao êmô anăn kơ khua ngă yang Y-Êlêasar leh anăn brei arăng đoh ba gơ̆ kơ êngao wăl, leh anăn koh gơ̆ ti anăp ñu.

Klei Yap 19:5

Arăng srăng čuh êmô ana êra ti anăp ală ñu; arăng srăng čuh klĭt gơ̆, kđeh gơ̆, leh anăn êrah gơ̆ mbĭt hŏng eh gơ̆.

Klei Yap 5:3

Brei diih suôt phung êkei wăt mniê, suôt diñu kơ êngao wăl, snăn diñu amâo srăng bi čhŏ wăl diñu ôh, ti krah anôk anăn Kâo dôk.”

Hêbrơ 13:11

Kyuadah arăng čuh ti êngao wăl asei mlei hlô mnơ̆ng khua ngă yang prŏng djă ba êrah kơ adŭ doh jăk hĭn, jing mnơ̆ng ngă yang kyua klei soh.