Bruă Lêwi 3:2 - Klei Aê Diê Blŭ 2015

² Brei ñu bă kngan ñu ti dlông boh kŏ mnơ̆ng ñu myơr leh anăn koh gơ̆ ti ƀăng bhă sang čhiăm klei bi kƀĭn; leh anăn phung anak êkei Y-Arôn phung khua ngă yang srăng hƀrah êrah jŭm dar ti dlông knưl.

Bruă Lêwi 3:2 Iomraidhean Croise

Klei Kbiă 29:10

Leh anăn brei ih đoh ba êmô knô ti anăp sang čhiăm klei bi kƀĭn. Y-Arôn leh anăn phung anak êkei ñu srăng bă kngan diñu ti dlông boh kŏ êmô knô.

Klei Kbiă 29:11

Brei ih koh êmô knô ti anăp Yêhôwa ti ƀăng bhă sang čhiăm klei bi kƀĭn.

Klei Kbiă 29:15

Leh anăn brei ih mă sa drei biăp knô, leh anăn Y-Arôn wăt phung anak êkei ñu srăng bă kngan diñu ti dlông boh kŏ biăp knô anăn.

Klei Kbiă 29:16

Brei ih koh biăp knô leh anăn mă êrah ñu, htrah ñu jŭm dar knưl anăn.

Klei Kbiă 29:19

Brei ih mă biăp knô adôk; Y-Arôn leh anăn phung anak êkei ñu srăng bă kngan diñu ti dlông boh kŏ biăp knô.

Y-Êsai 53:6

Jih jang drei msĕ si biăp klah đuĕ leh, grăp čô drei wir tui hlue êlan Ñu pô; leh anăn Yêhôwa dưm leh ti Ñu klei wê jih jang drei.

Bruă Lêwi 1:11

Brei ñu koh gơ̆ tĭng djiêô knưl tĭng Dưr ti anăp Yêhôwa, leh anăn phung khua ngă yang phung anak êkei Y-Arôn srăng hƀrah êrah jŭm dar ti dlông knưl.

Bruă Lêwi 17:3

‘Tơdah sa čô êkei mơ̆ng sang Israel koh sa drei êmô, sa drei êđai biăp, amâodah sa drei bê hlăm wăl amâodah ti êngao wăl,

Bruă Lêwi 17:4

leh anăn amâo djă ba ôh gơ̆ ti ƀăng bhă sang čhiăm klei bi kƀĭn, čiăng myơr gơ̆ jing mnơ̆ng myơr kơ Yêhôwa ti anăp sang čhiăm Yêhôwa, arăng srăng yap klei soh tuh êrah ti êkei anăn; ñu tuh êrah leh; brei arăng khăt hĕ ñu mơ̆ng phung ƀuôn sang ñu.

Bruă Lêwi 3:3

Mơ̆ng klei ngă yang myơr mnơ̆ng kơ klei êđăp ênang, jing mnơ̆ng myơr brei pui ƀơ̆ng kơ Yêhôwa, ñu srăng myơr prăi luôm prôč êhŭng leh anăn jih jang prăi đuôm ti prôč êhŭng,

Bruă Lêwi 3:8

bă kngan ñu ti dlông boh kŏ mnơ̆ng ñu myơr, leh anăn koh gơ̆ ti anăp sang čhiăm klei bi kƀĭn. Phung anak êkei Y-Arôn srăng hƀrah êrah gơ̆ ti dlông knưl jŭm dar.

Bruă Lêwi 8:22

Leh anăn ñu myơr biăp knô mkăn, biăp knô kơ klei pioh brei; Y-Arôn leh anăn phung anak êkei ñu bă kngan diñu ti boh kŏ biăp knô.

Y-Sakari 12:10

“Leh anăn Kâo srăng tuh ti sang Y-Đawit leh anăn ti phung dôk hlăm ƀuôn Yêrusalem Mngăt Myang klei pap leh anăn kwưh, čiăng kơ tơdah diñu dlăng kơ Kâo, Pô diñu tlŏ leh, diñu srăng kơŭ kyăm kơ Pô anăn, msĕ si kơŭ kyăm kơ anak êkei mâo knŏng sa čô, leh anăn čŏk hia hŏng klei ênguôt kơ Pô anăn, msĕ si čŏk hia kơ anak kkiêng tal êlâo.

Klei Yap 18:17

Ƀiădah ih amâo srăng brei lŏ bi tui ôh êđai êmô tal êlâo, êđai biăp tal êlâo, amâodah êđai bê tal êlâo; diñu jing doh jăk. Ih srăng hƀrah êrah diñu ti dlông knưl, leh anăn srăng čuh prăi diñu jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Phung Khua Ƀĭng Kna 3:15

Diih bi mdjiê leh Khua Klei Hdĭp, Pô Aê Diê bi kbiă lŏ hdĭp leh mơ̆ng phung djiê. Kơ klei anăn hmei jing phung hưn bi sĭt.

Bruă Phung Khua Ƀĭng Kna 3:26

Aê Diê bi kbiă lŏ hdĭp leh dĭng buăl Ñu, leh anăn tiŏ nao Gơ̆ kơ diih êlâo hĭn, čiăng brei klei hơêč hmưi kơ diih êjai Ñu bi wir đuĕ grăp čô hlăm phung diih mơ̆ng klei soh jhat.”

II Kôrantô 5:21

Krist amâo tuôm mâo klei soh ôh, ƀiădah Aê Diê mjing Gơ̆ soh kyua drei, čiăng kơ hlăm Gơ̆ drei dưi mâo klei kpă ênô Aê Diê.