Bruă Lêwi 3:16 - Klei Aê Diê Blŭ 2015

¹⁶ Khua ngă yang srăng čuh jih dŏ anăn ti dlông knưl jing mnơ̆ng ƀơ̆ng huă myơr brei pui ƀơ̆ng, jing mnâo ƀâo mngưi. Jih jang prăi jing dŏ Yêhôwa.

Bruă Lêwi 3:16 Iomraidhean Croise

Klei Mphŭn Dơ̆ng 4:4

Bi Y-Aƀel myơr phung êđai biăp mđai tal êlâo leh anăn prăi digơ̆. Khua Yang tŭ Y-Aƀel leh anăn mnơ̆ng ñu myơr.

II Klei Yăl Dliê 29:35

Êbeh kơ ênoh lu mnơ̆ng myơr čuh mâo msĕ mơh prăi mơ̆ng mnơ̆ng myơr kơ klei êđăp ênang, leh anăn mâo mnơ̆ng myơr mnăm tuh kơ mnơ̆ng myơr čuh. Msĕ snăn arăng lŏ mkŏ mjing bruă sang Yêhôwa.

II Klei Yăl Dliê 7:7

Y-Salômôn pioh brei anôk ti krah wăl dôk ti anăp sang Yêhôwa; kyuadah tinăn ñu myơr mnơ̆ng myơr čuh leh anăn prăi kơ mnơ̆ng myơr klei êđăp ênang, kyuadah knưl kông Y-Salômôn ngă leh amâo mâo anôk djăp ôh kơ mnơ̆ng myơr čuh, mnơ̆ng myơr kpŭng ƀhĭ, leh anăn prăi.

Klei Kbiă 29:13

Brei ih mă jih prăi guôm prôč tiê, anôk hgăl prŏng hlăm tiê, dua asăr boh ƀleh leh anăn prăi guôm digơ̆, leh anăn čuh ti dlông knưl.

Klei Kbiă 29:22

Brei ih mă msĕ mơh prăi biăp knô, ku êmŏng gơ̆, prăi guôm prôč tiê, anôk hgăl prŏng hlăm tiê, dua asăr boh ƀleh leh anăn prăi guôm digơ̆, leh anăn pha hnuă (kyuadah ñu jing sa drei biăp knô kơ klei pioh brei),

Y-Êsai 53:10

Ƀiădah jing klei bi mơak kơ Yêhôwa bi brăm mčah Gơ̆; Ñu bi ruă Gơ̆ tơdah Ñu brei mngăt Gơ̆ jing mnơ̆ng myơr kyua klei soh; Gơ̆ srăng ƀuh phung anak čô Gơ̆, leh anăn hruê Gơ̆ dôk hdĭp srăng jing sui, leh anăn klei Yêhôwa čiăng srăng đĭ kyar hlăm kngan Gơ̆.

Y-Êsêkiêl 44:15

Ƀiădah phung khua ngă yang jing phung Lêwi, phung anak êkei Y-Sadôk, phung kiă kriê bruă adŭ doh jăk Kâo tơdah phung ƀuôn sang Israel klah đuĕ mơ̆ng Kâo, srăng hriê giăm kơ Kâo čiăng mă bruă kơ Kâo; leh anăn diñu srăng đru Kâo êjai myơr kơ Kâo prăi leh anăn êrah, Yêhôwa Aê Diê lač.

Bruă Lêwi 17:6

Khua ngă yang srăng hƀrah êrah ti dlông knưl Yêhôwa ti ƀăng bhă sang čhiăm klei bi kƀĭn, leh anăn čuh prăi jing mnâo ƀâo mngưi kơ Yêhôwa.

Bruă Lêwi 4:26

Jih prăi gơ̆ ñu srăng čuh ti dlông knưl, msĕ si prăi klei ngă yang mnơ̆ng myơr kơ klei êđăp ênang. Snăn khua ngă yang srăng ngă klei bi doh klei soh gơ̆, leh anăn gơ̆ srăng mâo klei pap brei.

Bruă Lêwi 4:31

Êdei tinăn ñu srăng mă hĕ jih jang prăi gơ̆, msĕ si arăng mă prăi mơ̆ng mnơ̆ng myơr kơ klei êđăp ênang, leh anăn khua ngă yang srăng čuh gơ̆ ti dlông knưl jing mnâo ƀâo mngưi kơ Yêhôwa. Snăn khua ngă yang srăng ngă klei bi doh klei soh kơ gơ̆, leh anăn gơ̆ srăng mâo klei pap brei.

Bruă Lêwi 8:25

Ñu mă prăi leh anăn ku êmŏng, jih jang prăi luôm prôč êhŭng, djao ti tiê, dua asăr boh ƀleh hŏng prăi digơ̆, leh anăn mra hnuă.

Bruă Lêwi 9:24

Pui kbiă mơ̆ng anăp Yêhôwa leh anăn ƀơ̆ng mnơ̆ng myơr čuh leh anăn prăi ti dlông knưl. Tơdah jih jang phung ƀuôn sang ƀuh klei anăn, diñu ur hơ̆k leh anăn buôn kŭp ƀô̆ ti lăn.

Y-Mathiơ 22:37

Yêsu lač kơ ñu, “Ih srăng khăp kơ Khua Yang Aê Diê ih hŏng jih ai tiê, hŏng jih mngăt, leh anăn hŏng jih klei mĭn ih.