Bruă Lêwi 3:11 - Klei Aê Diê Blŭ 2015

¹¹ Khua ngă yang srăng čuh jih dŏ anăn ti dlông knưl, jing mnơ̆ng ƀơ̆ng huă myơr brei pui ƀơ̆ng kơ Yêhôwa.

Bruă Lêwi 3:11 Iomraidhean Croise

Klei Mmuñ Hđăp 22:14

Kâo jing msĕ si êa arăng tuh leh, leh anăn jih jang klang kâo amâo lŏ bi kkuh ôh; tiê boh kâo msĕ si hlĭn, ñu lik hlăm prôč tiê kâo.

Y-Êsêkiêl 44:7

êjai diih jum phung tue, phung amâo mâo khăt klĭt hlăm ai tiê leh anăn hlăm asei mlei brei mŭt hlăm adŭ doh jăk Kâo, bi čhŏ sang yang Kâo tơdah diih myơr kơ Kâo mnơ̆ng ƀơ̆ng huă, prăi leh anăn êrah. Diih gao leh klei Kâo bi mguôp êjai diih ngă jih jang klei jhat Kâo bi êmut kheh.

Bruă Lêwi 21:17

“Lač bĕ kơ Y-Arôn, ‘Amâo mâo sa čô ôh hlăm phung anak čô ih hlăm jih jang ênuk digơ̆ mâo anôk djiu ruă dưi nao giăm čiăng myơr mnơ̆ng ƀơ̆ng huă kơ Aê Diê ñu.

Bruă Lêwi 21:6

Diñu srăng jing doh jăk kơ Aê Diê diñu, leh anăn amâo bi msoh ôh anăn Aê Diê diñu; kyuadah diñu myơr mnơ̆ng myơr brei pui ƀơ̆ng kơ Yêhôwa, jing mnơ̆ng ƀơ̆ng huă kơ Aê Diê diñu; kyuanăn diñu srăng jing doh jăk.

Bruă Lêwi 21:8

Brei ih pioh brei ñu, kyuadah ñu myơr mnơ̆ng ƀơ̆ng huă Aê Diê ih; ñu srăng jing doh jăk kơ ih; kyuadah Kâo Yêhôwa, Pô bi doh jăk diih, jing doh jăk.

Bruă Lêwi 22:25

Kăn diih dưi myơr rei jing mnơ̆ng ƀơ̆ng huă kơ Aê Diê diih hlô mnơ̆ng msĕ snăn mă mơ̆ng sa čô tue. Kyuadah hlô mnơ̆ng anăn mâo anôk jhat kyua klei êkă, Kâo amâo srăng tŭ digơ̆ ôh.’ ”

Bruă Lêwi 3:16

Khua ngă yang srăng čuh jih dŏ anăn ti dlông knưl jing mnơ̆ng ƀơ̆ng huă myơr brei pui ƀơ̆ng, jing mnâo ƀâo mngưi. Jih jang prăi jing dŏ Yêhôwa.

Bruă Lêwi 3:5

Phung anak êkei Y-Arôn srăng čuh jih dŏ anăn ti knưl ti dlông mnơ̆ng myơr čuh dôk ti dlông djuh pui dôk ƀơ̆ng; gơ̆ jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Y-Malaki 1:12

Ƀiădah diih bi čhŏ gơ̆ êjai diih lač, “Jhưng Yêhôwa jing čhŏ leh,” leh anăn “bi mnơ̆ng ƀơ̆ng huă leh anăn boh kroh mơ̆ng ñu, hmei bi êmut.”

Y-Malaki 1:7

Êjai diih myơr ti dlông knưl Kâo mnơ̆ng ƀơ̆ng huă čhŏ mrŏ. Leh anăn diih lač, ‘Si klei hmei bi čhŏ Ih leh?’ Êjai diih lač jhưng huă Yêhôwa jing mnơ̆ng bi êmut.

Klei Yap 28:2

“Mtă bĕ kơ phung ƀuôn sang Israel leh anăn lač kơ diñu, ‘Brei diih răng myơr kơ Kâo ti djŏ yan mnơ̆ng myơr kơ Kâo, mnơ̆ng ƀơ̆ng huă kơ Kâo jing mnơ̆ng myơr brei pui ƀơ̆ng, mnâo ƀâo mngưi kơ Kâo.’

Klei Yap 28:24

Msĕ snăn mơh brei ih myơr grăp hruê êjai kjuh hruê mnơ̆ng ƀơ̆ng huă jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa. Brei diih myơr mnơ̆ng anăn êngao kơ mnơ̆ng myơr čuh ngă nanao leh anăn mnơ̆ng myơr mnăm mbĭt.

Hră Y-Pôl Mơĭt kơ Phung Rôm 8:32

Kyuadah Ñu amâo hơưi Anak Ñu pô ôh, ƀiădah jao Gơ̆ leh kyua jih jang drei, Ñu amâo srăng brei ôh hĕ kơ drei jih jang mnơ̆ng mbĭt hŏng Gơ̆?

I Kôrantô 10:21

Diih amâo dưi mnăm ôh atŏ Khua Yang leh anăn atŏ phung yang jhat. Diih amâo dưi ƀơ̆ng huă ôh ti jhưng Khua Yang leh anăn ti jhưng huă phung yang jhat.

Klei Bi Êdah 3:20

Nĕ anei Kâo dôk dơ̆ng ti ƀăng bhă leh anăn khŏk; tơdah arăng hmư̆ asăp Kâo leh anăn pŏk ƀăng bhă, Kâo srăng mŭt hlăm sang ñu, ƀơ̆ng huă mbĭt hŏng ñu, leh anăn ñu mbĭt hŏng Kâo.