Bruă Lêwi 27:8 - Klei Aê Diê Blŭ 2015

⁸ Tơdah pô ngă leh klei ƀuăn jing ƀun đei, amâo dưi brei tui si ênoh ih tĭng, ñu srăng atăt ba gơ̆ ti anăp khua ngă yang, leh anăn khua ngă yang srăng tĭng ênoh gơ̆; khua ngă yang srăng tĭng ênoh tui si pô ƀuăn anăn mâo klei dưi.

Bruă Lêwi 27:8 Iomraidhean Croise

II Bruă Mtao 7:5

Snăn ti mmăt wai băk diñu kgŭ nao kơ kđông phung Siri; ƀiădah tơdah diñu truh ti knhal kđông phung Siri, nĕ anei amâo mâo sa čô tinăn ôh.

Y-Yêrêmi 5:7

“Si Kâo dưi pap kơ ih lĕ? Phung anak ih lui wir Kâo leh, leh anăn kat asei leh hŏng phung amâo jing yang ôh. Kâo čiêm leh tơl trei diñu, ăt diñu tlĕ piu leh anăn nao bi bŏ sang phung mniê knhông.

Bruă Lêwi 12:8

Tơdah ñu amâo dưi mâo sa drei êđai biăp ôh, brei ñu mă dua drei mgăm amâodah dua drei êđai ktrâo, sa drei pioh kơ mnơ̆ng myơr čuh, sa drei mkăn pioh kơ mnơ̆ng myơr kyua klei soh, leh anăn khua ngă yang srăng ngă klei bi doh klei soh ñu, leh anăn ñu srăng jing doh.’ ”

Bruă Lêwi 27:7

Tơdah pô anăn mâo năm pluh thŭn leh anăn êbeh hĭn, klei ih tĭng ênoh srăng jing pluh êma sêkel kơ sa čô êkei, leh anăn pluh sêkel kơ sa čô mniê.

Bruă Lêwi 27:9

Tơdah jing hlô mnơ̆ng arăng khăng myơr jing mnơ̆ng myơr kơ Yêhôwa, jih mnơ̆ng arăng myơr anăn kơ Yêhôwa jing doh jăk.

Bruă Lêwi 5:11

Tơdah ñu amâo dưi mâo dua drei mgăm amâodah dua drei êđai ktrâo ôh, brei ñu djă ba mnơ̆ng myơr kyua klei soh ñu ngă leh sa kdrêč hlăm pluh êphah kpŭng ƀhĭ jing mnơ̆ng myơr kyua klei soh. Đăm brei ñu dưm êa boh ôliwơ ti dlông gơ̆ ôh amâodah dưm mnơ̆ng ƀâo mngưi, kyuadah gơ̆ jing mnơ̆ng myơr kyua klei soh.

Bruă Lêwi 5:7

Tơdah ñu amâo dưi mâo sa drei êđai biăp, snăn brei ñu djă ba dua drei mgăm amâodah dua drei êđai ktrâo jing mnơ̆ng myơr kơ klei gao klei bhiăn kơ Yêhôwa kyua klei soh ñu ngă leh, sa drei pioh kơ mnơ̆ng myơr kyua klei soh, leh anăn sa drei mkăn pioh kơ mnơ̆ng myơr čuh.

Y-Markôs 14:7

Diih mâo phung ƀun ƀin mbĭt hŏng diih nanao, leh anăn êla diih čiăng diih dưi ngă klei jăk kơ diñu. Ƀiădah Kâo amâo srăng dôk mbĭt hŏng diih nanao ôh.

II Kôrantô 8:12

Kyuadah tơdah mâo klei jăk čiăng ngă, Aê Diê tŭ tui si mnơ̆ng ih mâo, amâo djŏ ôh tui si mnơ̆ng ih amâo mâo.