Bruă Lêwi 27:11 - Klei Aê Diê Blŭ 2015

¹¹ Tơdah gơ̆ jing hlô mnơ̆ng čhŏ arăng amâo bhiăn myơr jing mnơ̆ng myơr kơ Yêhôwa, mnuih anăn srăng đoh ba hlô anăn ti anăp khua ngă yang,

Bruă Lêwi 27:11 Iomraidhean Croise

Bruă Lêwi 27:10

Ñu amâo dưi bi hrô gơ̆ hŏng sa mnơ̆ng ôh amâodah bi mlih hŏng gơ̆ sa mnơ̆ng jăk hrô hŏng mnơ̆ng jhat, amâodah sa mnơ̆ng jhat hrô hŏng mnơ̆ng jăk; leh anăn tơdah arăng ngă klei bi mlih hlô mnơ̆ng hŏng hlô mnơ̆ng, snăn jih digơ̆ dua, gơ̆ leh anăn mnơ̆ng bi mlih hŏng gơ̆, srăng jing doh jăk.

Bruă Lêwi 27:12

leh anăn khua ngă yang srăng tĭng ênoh gơ̆ tui si gơ̆ jing jăk amâodah jhat; khua ngă yang tĭng ênoh gơ̆, snăn yơh gơ̆ srăng jing.

Y-Malaki 1:14

“Tăm pah hĕ kơ pô mplư, pô mâo sa drei knô hlăm biăp ñu, ƀuăn leh gơ̆, ƀiădah myơr ngă yang kơ Yêhôwa mnơ̆ng djiu ruă; kyuadah Kâo jing sa čô Mtao prŏng,” Yêhôwa kơ phung kahan lač. “Leh anăn arăng srăng huĭ kơ anăn Kâo ti krah phung găp djuê mnuih.”

Klei Mtô Mñă Klei Bhiăn 23:18

Diih amâo dưi djă ba ôh kơ sang Yêhôwa Aê Diê diih ênoh mưn sa čô mniê knhông, amâodah ênoh sa drei asâo jing ênoh bi sĭt klei ƀuăn; kyuadah jih dua mnơ̆ng anăn jing mnơ̆ng Yêhôwa Aê Diê diih bi êmut kheh.