Bruă Lêwi 26:9 - Klei Aê Diê Blŭ 2015

⁹ Kâo srăng wir anăp uêñ kơ diih leh anăn bi lar êngŭm diih, leh anăn bi kjăp klei Kâo bi mguôp hŏng diih.

Bruă Lêwi 26:9 Iomraidhean Croise

Klei Mphŭn Dơ̆ng 1:28

Aê Diê hơêč hmưi klei jăk jĭn kơ digơ̆ leh anăn lač kơ digơ̆, “Brei diih mâo anak leh anăn bi lar êngŭm, bi bŏ lăn ala, leh anăn brei diih jing khua kơ lăn ala; brei diih kiă kriê kan hlăm êa ksĭ, čĭm hlăm adiê, leh anăn jih jang mnơ̆ng hdĭp kpư̆ hiu ti lăn ala.”

Klei Mphŭn Dơ̆ng 17:20

Bi kơ Y-Ismaêl, Kâo hmư̆ klei ih lač leh. Nĕ anei, Kâo srăng brei klei jăk jĭn kơ ñu, leh anăn Kâo srăng bi lar phung anak čô ñu lu snăk. Ñu srăng jing ama kơ pluh dua čô anak mtao; leh anăn Kâo srăng brei ñu jing sa găp djuê prŏng.

Klei Mphŭn Dơ̆ng 22:17

Kâo srăng brei klei jăk jĭn kơ ih, leh anăn Kâo srăng bi lar phung anak čô ih msĕ si mtŭ hlăm adiê leh anăn msĕ si čuah ti hang êa ksĭ. Leh anăn phung anak čô ih srăng dưi hŏng phung roh diñu.

Klei Mphŭn Dơ̆ng 26:4

Kâo srăng bi lar phung anak čô ih msĕ si mtŭ hlăm adiê; leh anăn Kâo srăng brei jih čar anei kơ phung anak čô ih. Jih jang găp djuê hlăm lăn ala srăng mâo klei jăk jĭn kyua phung anak čô ih;

Klei Mphŭn Dơ̆ng 28:14

Phung anak čô ih srăng jing lu msĕ si ƀruih lăn; ih srăng bi lar phă yŭ, phă ngŏ, phă dưr, leh anăn phă dhŭng, leh anăn jih jang phung găp djuê hlăm lăn ala srăng mâo klei jăk jĭn kyua ih leh anăn kyua phung anak čô ih.

Klei Mphŭn Dơ̆ng 28:3

Brei Aê Diê, Pô Mâo Jih Klei Myang, brei klei jăk jĭn kơ ih leh anăn bi lar êngŭm ih, čiăng kơ ih srăng jing sa phung ƀuôn sang lu.

Klei Mphŭn Dơ̆ng 48:4

Ñu lač kơ kâo, ‘Nĕ anei, Kâo srăng brei ih jing lu leh anăn bi lar êngŭm. Kâo srăng brei ih jing sa phung găp djuê, leh anăn Kâo srăng brei čar anei kơ phung anak čô ih êdei jing dŏ diñu hlŏng lar.’

Klei Mphŭn Dơ̆ng 6:18

Ƀiădah Kâo srăng ngă klei bi mguôp hŏng ih. Brei ih mŭt hlăm kŭmpăn, ih, phung anak êkei ih, mô̆ ih, leh anăn mô̆ phung anak êkei ih, mbĭt hŏng ih.

I Bruă Mtao 3:8

Leh anăn dĭng buăl Ih dôk ti krah phung ƀuôn sang Ih ruah leh, sa phung ƀuôn sang êngŭm, amâo dưi yap ôh kyua lu đei.

II Bruă Mtao 13:23

Ƀiădah Yêhôwa pap kơ diñu leh anăn hơiêng kơ diñu, leh anăn Yêhôwa wir phă diñu, kyua klei Gơ̆ bi mguôp leh hŏng Y-Abraham, Y-Isăk, leh anăn Y-Yakôp, leh anăn amâo čiăng bi rai diñu ôh, kăn suôt diñu mơ̆ng anăp Gơ̆ rei hlŏng kơ hruê anei.

Y-Nêhêmi 2:20

Kâo lŏ wĭt lač kơ diñu, “Aê Diê hlăm adiê srăng brei hmei dưi, leh anăn hmei phung dĭng buăl Ñu srăng kgŭ leh anăn mdơ̆ng; ƀiădah diih amâo mâo sa kdrêč amâodah klei dưi amâodah klei bi hdơr hlăm ƀuôn Yêrusalem ôh.”

Y-Nêhêmi 9:23

Ih bi lar leh phung anak diñu msĕ si mtŭ hlăm adiê, leh anăn Ih atăt leh diñu kơ čar Ih hưn leh kơ phung aê diñu brei mŭt leh anăn mă bha.

Klei Mmuñ Hđăp 107:38

Hŏng klei Yêhôwa hơêč hmưi klei jăk jĭn, digơ̆ jing lar êngŭm, leh anăn Ñu amâo bi hrŏ ôh êmô biăp digơ̆.

Klei Mmuñ Hđăp 89:3

Ih lač leh Kâo ngă klei bi mguôp hŏng pô Kâo ruah leh, Kâo kat asei leh kơ Y-Đawit, dĭng buăl Kâo:

Klei Kbiă 1:7

Ƀiădah phung Israel kkiêng lu anak, jing lar êngŭm, đĭ hĭn, leh anăn jing ktang hĭn nanao; leh anăn čar anăn bŏ hŏng diñu.

Klei Kbiă 2:25

Aê Diê ƀuh phung ƀuôn sang Israel, leh anăn Aê Diê thâo klei truh kơ diñu.

Klei Kbiă 6:4

Kâo bi kjăp leh mơh klei Kâo bi mguôp hŏng diñu, čiăng brei kơ diñu čar Kanaan, čar diñu jưh leh bhiâo.

Y-Êsai 55:3

Mđing bĕ knga diih, leh anăn hriê bĕ kơ Kâo; dôk hmư̆ bĕ čiăng kơ mngăt diih dưi hdĭp; leh anăn Kâo srăng ngă hŏng diih klei bi mguôp hlŏng lar, si tô hmô klei khăp sĭt suôr ƀuăn leh kơ Y-Đawit.

Y-Yêrêmi 23:3

“Leh anăn Kâo pô srăng bi kƀĭn biăp Kâo ăt dôk kbiă mơ̆ng jih jang čar Kâo suôt leh digơ̆, leh anăn atăt wĭt digơ̆ kơ kdrăn rơ̆k digơ̆ pô, leh anăn digơ̆ srăng lŏ mâo anak aneh leh anăn jing lar êngŭm.

Y-Yêrêmi 23:4

Kâo srăng dưm phung mgăt biăp kiă kriê digơ̆ bi jăk, leh anăn digơ̆ amâo srăng lŏ huĭ ôh, kăn êdu ai rei, kăn srăng mâo pô luč rei,” Yêhôwa lač.

Y-Yêrêmi 33:3

‘Iêô wah lač bĕ kơ Kâo, leh anăn Kâo srăng lŏ wĭt lač kơ ih, leh anăn srăng hưn kơ ih mnơ̆ng prŏng leh anăn hgăm, mnơ̆ng ih amâo tuôm thâo ôh.’

Y-Êsêkiêl 16:62

Snăn Kâo srăng bi kjăp klei Kâo bi mguôp hŏng ih, leh anăn ih srăng thâo Kâo jing Yêhôwa,

Y-Êsêkiêl 36:9

Kyuadah nĕ anei, Kâo dôk tĭng kơ diih, leh anăn Kâo srăng lŏ mĭn pap kơ diih, arăng srăng lŏ ksul diih leh anăn lŏ buh pla.

Bruă Lêwi 26:15

tơdah diih hngah kơ klei bhiăn Kâo, leh anăn tơdah mngăt diih bi êmut kơ klei Kâo mtă, tơl diih amâo ngă ôh tui hlue jih klei Kâo mtă, ƀiădah gao hĕ klei Kâo bi mguôp,

Y-Luk 1:72

čiăng bi sĭt klei pap Ñu ƀuăn leh kơ phung aê drei, leh anăn hdơr klei bi mguôp doh jăk Ñu ngă leh,

Klei Mtô Mñă Klei Bhiăn 28:11

Yêhôwa srăng bi truh klei čăt đĭ kơ diih, bi lar êngŭm boh mơ̆ng tian prôč diih, boh mơ̆ng hlô mnơ̆ng rông diih, leh anăn boh mơ̆ng lăn diih hlăm čar Yêhôwa kat asei leh kơ phung aê diih đưm čiăng brei kơ diih.

Klei Mtô Mñă Klei Bhiăn 28:4

Srăng mâo klei jăk jĭn kơ boh mơ̆ng tian prôč diih, boh mơ̆ng lăn diih, boh mơ̆ng hlô mnơ̆ng diih, kơ êđai êmô diih, leh anăn kơ êđai biăp diih.

Klei Mtô Mñă Klei Bhiăn 7:13

Ñu srăng khăp kơ ih, hơêč hmưi klei jăk jĭn kơ ih, leh anăn bi lar êngŭm ih; ñu srăng hơêč hmưi klei jăk jĭn kơ boh mơ̆ng tian prôč ih, leh anăn boh mơ̆ng lăn diih, mdiê diih, êa boh kriăk ƀâo diih, leh anăn êa boh ôliwơ ih, êđai êmô leh anăn êđai biăp ih, hlăm ala čar Ñu kat asei leh kơ phung aê đưm diih čiăng brei kơ diih.

Hêbrơ 8:9

amâo djŏ ôh msĕ si klei bi mguôp Kâo ngă leh hŏng phung aê diñu ti hruê Kâo djă diñu ti kngan čiăng atăt ba diñu kbiă mơ̆ng čar Êjip; kyuadah diñu amâo sĭt suôr djă pioh ôh klei Kâo bi mguôp, snăn Kâo amâo lŏ uêñ kơ diñu ôh, Khua Yang lač.