Bruă Lêwi 26:7 - Klei Aê Diê Blŭ 2015

⁷ Diih srăng tiŏ phung roh diih, leh anăn diñu srăng êbuh hŏng đao gưm ti anăp diih.

Bruă Lêwi 26:7 Iomraidhean Croise

I Klei Yăl Dliê 19:15

Tơdah phung Amôn ƀuh phung Siri đuĕ leh, diñu msĕ mơh đuĕ ti anăp Y-Abisai adei Y-Yôap, leh anăn mŭt hlăm ƀuôn. Leh anăn Y-Jôap wĭt kơ ƀuôn Yêrusalem.

H'Êsther 9:16

Phung Yuđa mkăn dôk hlăm jih čar mtao bi kƀĭn msĕ mơh čiăng mgang klei hdĭp diñu, leh anăn mâo klei tlaih mơ̆ng phung roh diñu, leh anăn bi mdjiê kjuh pluh êma êbâo čô phung bi êmut kơ diñu. Ƀiădah diñu amâo plah mă dŏ dô ôh.

Klei Mmuñ Hđăp 81:15

Phung bi êmut kơ Yêhôwa srăng buôn huĭ kơ Ñu; klei bi kmhal diñu srăng dôk hlŏng lar.

Bruă Lêwi 26:36

Bi kơ phung diih adôk, Kâo srăng mơĭt klei jing awăt hlăm ai tiê diñu êjai diñu dôk hlăm čar phung roh diñu; ênai sa pŏk hla kyâo angĭn kpuh srăng brei diñu đuĕ, diñu srăng đuĕ msĕ si arăng đuĕ ti anăp đao gưm, leh anăn diñu srăng êbuh wăt tơdah amâo mâo pô tiŏ diñu ôh.

Bruă Lêwi 26:6

Kâo srăng brei klei êđăp ênang hlăm čar diih, diih srăng pĭt mdei, amâo mâo pô bi huĭ diih ôh. Kâo srăng suôt hĕ hlô jhŏng mơ̆ng čar diih, leh anăn đao gưm amâo srăng găn ôh ti čar diih.

Bruă Lêwi 26:8

Êma čô hlăm phung diih srăng tiŏ sa êtuh čô, leh anăn sa êtuh čô hlăm phung diih srăng tiŏ pluh êbâo čô; leh anăn phung roh diih srăng êbuh hŏng đao gưm ti anăp diih.

Klei Mtô Mñă Klei Bhiăn 28:7

Yêhôwa srăng brei phung roh kgŭ ngă kơ diih luč ti anăp diih; diñu srăng truh ngă kơ diih mơ̆ng sa êlan, leh anăn đuĕ ti anăp diih hŏng kjuh êlan.

Klei Mtô Mñă Klei Bhiăn 32:30

Si ngă sa čô dưi tiŏ sa êbâo čô, leh anăn dua čô dưi suôt mđuĕ pluh êbâo čô, knŏng tơdah Boh Tâo diñu čhĭ leh diñu, leh anăn tơdah Yêhôwa jao leh diñu?

Y-Yôsuê 23:10

Sa čô hlăm phung diih tiŏ sa êbâo čô phung diñu, kyuadah Yêhôwa Aê Diê diih bi blah brei kơ diih, tui si klei Ñu ƀuăn leh kơ diih.

Phung Khua Phat Kđi 15:15

Ñu ƀuh klang kang aseh dliê mrâo djiê. Ñu yơr kngan apai mă dŏ anăn, leh anăn hŏng dŏ anăn ñu bi mdjiê sa êbâo čô phung Philistin.

Phung Khua Phat Kđi 4:16

Y-Barak tiŏ êdeh aseh leh anăn phung kahan truh ti ƀuôn Harôset-Hagôim, leh anăn jih jang phung kahan Y-Sisêra djiê hŏng đao gưm, amâo mâo sa čô tlaih ôh.

Phung Khua Phat Kđi 7:23

Arăng iêô phung Israel mơ̆ng phung Naptali, phung Aser, leh anăn jih phung Manasê, leh anăn diñu tiŏ phung Madian.

I Y-Samuel 14:13

Leh anăn Y-Jônathan êrui đĭ, leh anăn pô djă mnơ̆ng ñu bi blah tui hlue ñu. Phung Philistin êbuh ti anăp Y-Jônathan, leh anăn pô djă mnơ̆ng ñu bi blah bi mdjiê digơ̆ ti tluôn ñu.