Bruă Lêwi 26:5 - Klei Aê Diê Blŭ 2015

⁵ Arăng srăng ăt dôk prah mdiê tơl truh yan pĕ boh kriăk ƀâo, leh anăn arăng pĕ boh kriăk ƀâo truh kơ yan buh rah; leh anăn diih srăng ƀơ̆ng huă tơl trei, leh anăn dôk hơĭt hlăm čar diih.

Bruă Lêwi 26:5 Iomraidhean Croise

Klei Mmuñ Hđăp 144:13

Brei hjiê hmei bŏ leh hŏng djăp mta mnơ̆ng pioh. Brei biăp hmei bi lar êngŭm mâo klăk klai digơ̆ hlăm kdrăn čar hmei.

Klei Mmuñ Hđăp 90:1

Ơ Khua Yang, Ih jing leh anôk hmei dôk hlăm jih jang ênuk.

Klei Kbiă 16:8

Y-Môis lač, “Tơdah Yêhôwa brei kơ diih tlam anei čĭm ƀơ̆ng, leh anăn ti aguah kpŭng tơl trei, kyuadah Yêhôwa hmư̆ leh klei diih blŭ dŭñ dŭñ kơ Ñu — hlei hmei jing? Amâo djŏ kơ hmei ôh diih blŭ dŭñ dŭñ, ƀiădah kơ Yêhôwa yơh.”

Klei Bi Hriêng 1:33

Ƀiădah hlei pô dôk hmư̆ kâo srăng dôk hơĭt, leh anăn srăng dôk êđăp ênang, amâo huĭ kơ klei jhat ôh.”

Klei Bi Hriêng 18:10

Anăn Yêhôwa jing kđông kjăp, mnuih kpă ênô êran đuĕ tinăn leh anăn mâo klei hơĭt.

Y-Êsai 1:19

Tơdah diih čiăng gưt asăp, diih srăng ƀơ̆ng boh jăk hĭn hlăm čar.

Y-Êsai 30:23

Ñu srăng brei adiê hjan kơ mjeh diih rah leh ti lăn, leh anăn mdiê, boh mơ̆ng lăn, srăng jing jăk ƀơ̆ng leh anăn êbeh dlai. Hlăm hruê anăn, hlô mnơ̆ng diih rông srăng ƀơ̆ng rơ̆k hlăm kdrăn prŏng.

Y-Yêrêmi 23:6

Hlăm ênuk Gơ̆ phung Yuđa srăng mâo klei bi mtlaih, leh anăn phung Israel srăng dôk hlăm klei hơĭt. Anei anăn arăng srăng pia kơ Ñu: ‘Yêhôwa Klei Kpă Ênô Drei.’ ”

Y-Ôsê 2:18

Hlăm hruê anăn Kâo srăng ngă brei kơ diih sa klei bi mguôp hŏng hlô dliê, čĭm phiơr hlăm adiê, leh anăn hlô êbat ban ti lăn; Kâo srăng bi luč hna, đao gưm, leh anăn klei bi blah mơ̆ng čar; leh anăn Kâo srăng brei diih đih mdei hŏng klei hơĭt.

Y-Ôsê 2:20

Kâo srăng bi čuôp ih hŏng Kâo hlăm klei sĭt suôr, leh anăn ih srăng thâo kral Yêhôwa.”

Y-Yôel 2:19

Yêhôwa lŏ wĭt lač kơ phung ƀuôn sang Ñu, “Nĕ anei, Kâo mơĭt kơ diih mdiê, kpiê mrâo leh anăn êa boh ôliwơ, leh anăn diih srăng trei; leh anăn Kâo amâo srăng lŏ brei diih jing sa mnơ̆ng hêñ ôh ti krah phung găp djuê mnuih.

Y-Yôel 2:22

Đăm huĭ ôh, Ơ hlô dliê, kyuadah kdrăn rơ̆k ti dliê dơ̆ng mtah leh; kyâo dơ̆ng mboh leh, ana boh hra leh anăn phŭn boh kriăk ƀâo mboh ênŭm leh.

Y-Yôel 2:26

Diih srăng ƀơ̆ng huă êbeh dlai leh anăn trei, leh anăn diih srăng bi mni kơ anăn Yêhôwa Aê Diê diih, Pô ngă leh klei yuôm bhăn kơ diih. Arăng amâo srăng lŏ bi hêñ phung ƀuôn sang Kâo ôh.

Y-Amôs 9:13

“Nĕ anei, hruê srăng truh,” Yêhôwa lač, “tơdah pô kai srăng hmao pô wiă, leh anăn pô juă boh kriăk ƀâo hmao pô rah mjeh; čư̆ srăng bi rôč kpiê mrâo mmih, leh anăn ñu srăng đoh ti jih jang kbuôn.

Y-Mathiơ 23:37

“Ơ ƀuôn Yêrusalem, ƀuôn Yêrusalem, ih bi mdjiê phung khua pô hưn êlâo leh anăn bhĭr boh tâo kơ phung arăng tiŏ nao kơ ih! Jêñ jêñ leh Kâo čiăng bi kƀĭn mbĭt phung anak ih msĕ si sa drei mnŭ ana bi kƀĭn êđai gơ̆ ti gŭ siap gơ̆, ƀiădah diih amâo čiăng ôh!

Bruă Phung Khua Ƀĭng Kna 14:17

ƀiădah Aê Diê ăt mâo klei hưn kơ Ñu pô, kyuadah Ñu ngă jăk leh anăn brei hjan mơ̆ng adiê kơ diih, leh anăn brei yan mâo lu boh, bi hrăp ai tiê diih hŏng mnơ̆ng ƀơ̆ng huă leh anăn klei mơak.”

Klei Mtô Mñă Klei Bhiăn 11:15

Ñu srăng brei mơh rơ̆k hlăm hma diih pioh kơ hlô mnơ̆ng rông diih; leh anăn diih srăng ƀơ̆ng huă leh anăn trei.

I Y-Timôthê 6:17

Mtă bĕ kơ phung mdrŏng hŏng mnơ̆ng lăn ala anei, đăm brei diñu jing mgao ôh amâodah čang hmăng kơ klei mdrŏng amâo sĭt ôh, ƀiădah čang hmăng kơ Aê Diê, Pô brei kơ drei êbeh dlai djăp mta mnơ̆ng dưi bi mơak kơ drei.

I Y-Pêtrôs 1:5

phung Aê Diê kiă kriê hŏng klei myang Ñu kyua klei đăo, čiăng mâo klei bi mtlaih giăm bi êdah hlăm ênuk knhal tuč.