Bruă Lêwi 26:42 - Klei Aê Diê Blŭ 2015

⁴² hlăk anăn Kâo srăng hdơr kơ klei Kâo bi mguôp hŏng Y-Yakôp, Kâo srăng hdơr klei Kâo bi mguôp hŏng Y-Isăk, leh anăn klei Kâo bi mguôp hŏng Y-Abraham, leh anăn Kâo srăng hdơr kơ čar.

Bruă Lêwi 26:42 Iomraidhean Croise

Klei Mphŭn Dơ̆ng 15:18

Hlăm hruê anăn Khua Yang ngă klei bi mguôp hŏng Y-Abram, lač, “Kâo srăng brei čar anei kơ phung anak čô ih, dơ̆ng mơ̆ng êa krông čar Êjip truh ti êa krông prŏng, êa krông Ơprat,

Klei Mphŭn Dơ̆ng 26:2

Yêhôwa bi êdah kơ ñu leh anăn lač, “Đăm trŭn nao ôh kơ čar Êjip; brei ih dôk hlăm čar Kâo srăng lač brei kơ ih.

Klei Mphŭn Dơ̆ng 26:24

Yêhôwa bi êdah kơ ñu mlam anăn leh anăn lač, “Kâo jing Aê Diê Y-Abraham ama ih. Đăm huĭ ôh, kyuadah Kâo dôk mbĭt hŏng ih. Kâo srăng brei klei jăk jĭn kơ ih, leh anăn Kâo srăng bi lar phung anak čô ih kyua Y-Abraham dĭng buăl Kâo.”

Klei Mphŭn Dơ̆ng 26:5

kyuadah Y-Abraham gưt leh asăp Kâo leh anăn ñu tui hlue klei Kâo yua ñu, klei Kâo mtă, klei Kâo blŭ, leh anăn klei bhiăn Kâo.”

Klei Mphŭn Dơ̆ng 28:13

Nĕ anei, Yêhôwa dôk dơ̆ng ti dlông êñan leh anăn lač, “Kâo jing Yêhôwa, Aê Diê Y-Abraham aê ih leh anăn Aê Diê Y-Isăk. Lăn ih dôk đih Kâo srăng brei kơ ih leh anăn kơ phung anak čô ih.

Klei Mphŭn Dơ̆ng 28:15

Nĕ anei, Kâo dôk mbĭt hŏng ih, leh anăn Kâo srăng kiă kriê ih hlăm djăp anôk ih srăng nao, leh anăn srăng lŏ atăt ih wĭt kơ čar anei; kyuadah Kâo amâo srăng lui ih ôh tơl Kâo ngă leh klei Kâo blŭ kơ ih.”

Klei Mphŭn Dơ̆ng 35:11

Aê Diê lač kơ ñu, “Kâo jing Aê Diê, Pô Mâo Jih Klei Myang. Brei ih bi lar êngŭm. Sa phung găp djuê leh anăn lu phung găp djuê srăng kbiă hriê mơ̆ng ih, leh anăn mơ̆ng tian prôč ih srăng kbiă phung mtao.

Klei Mphŭn Dơ̆ng 35:12

Kâo srăng brei kơ ih leh anăn kơ phung anak čô ih êdei kơ ih čar Kâo brei leh kơ Y-Abraham leh anăn kơ Y-Isăk.”

Klei Mphŭn Dơ̆ng 9:15

Kâo srăng hdơr klei bi mguôp Kâo hŏng diih leh anăn hŏng jih jang mnơ̆ng hdĭp, tui si mta mdê mdê, leh anăn êa amâo srăng lŏ jing êa lip čiăng bi rai jih jang mnơ̆ng hdĭp ôh.

Klei Mphŭn Dơ̆ng 9:16

Tơdah kêñ krô dôk hlăm knam, Kâo srăng dlăng kơ ñu čiăng kơ Kâo hdơr klei bi mguôp hlŏng lar ngă leh mơ̆ng Aê Diê hŏng jih jang mnơ̆ng hdĭp ti rŏng lăn ala.”

H'Êsther 4:14

Kyuadah tơdah ih dôk ñăt ti mông msĕ snei, klei đru leh anăn klei bi mtlaih srăng truh kơ phung Yuđa mơ̆ng anôk mkăn, ƀiădah ih leh anăn sang ama ih srăng rai tuč. Leh anăn hlei thâo, thâodah ih truh kơ klei jing mtao mniê kyua ênuk msĕ snei?”

Klei Mmuñ Hđăp 106:45

Ñu pap kơ phung anăn kyua Ñu hdơr klei Ñu bi mguôp leh, leh anăn Ñu pap brei kơ digơ̆ kyua klei khăp Ñu.

Klei Mmuñ Hđăp 136:23

Pô hdơr kơ hmei tơdah hmei knap mñai; kyua klei khăp Ñu dôk nanao hlŏng lar.

Klei Kbiă 2:24

Aê Diê hmư̆ klei diñu krao, leh anăn Aê Diê hdơr klei Ñu bi mguôp hŏng Y-Abraham, Y-Isăk, leh anăn Y-Yakôp.

Klei Kbiă 6:5

Wăt Kâo hmư̆ leh mơh klei phung ƀuôn sang Israel krao, phung Êjip mjing diñu hlŭn, leh anăn Kâo hdơr kơ klei Kâo bi mguôp.

Y-Êsai 14:1

Yêhôwa srăng pap kơ phung Yakôp, leh anăn lŏ sa blư̆ srăng ruah phung Israel, leh anăn srăng dưm diñu hlăm čar diñu pô. Phung tue srăng bi mguôp hŏng diñu, leh anăn srăng dôk mbĭt hŏng sang Yakôp.

Y-Êsêkiêl 16:60

ƀiădah ăt Kâo srăng hdơr klei Kâo bi mguôp leh hŏng ih êjai ênuk ih hlăk ai, leh anăn Kâo srăng bi kjăp hŏng ih klei bi mguôp dôk hlŏng lar.

Y-Yôel 2:18

Hlăk anăn Yêhôwa mâo klei trih kơ čar Ñu pô, leh anăn pap kơ phung ƀuôn sang Ñu.

Y-Luk 1:72

čiăng bi sĭt klei pap Ñu ƀuăn leh kơ phung aê drei, leh anăn hdơr klei bi mguôp doh jăk Ñu ngă leh,

Klei Mtô Mñă Klei Bhiăn 4:31

kyuadah Yêhôwa Aê Diê diih jing Aê Diê thâo pap; Ñu amâo srăng lui diih amâodah bi rai diih amâodah wơr bĭt ôh klei Ñu bi mguôp hŏng phung aê diih Ñu kat asei leh kơ digơ̆.

Klei Mtô Mñă Klei Bhiăn 9:27

Hdơr bĕ kơ phung dĭng buăl Ih Y-Abraham, Y-Isăk, leh anăn Y-Yakôp; đăm dlăng ôh kơ klei khăng kŏ phung ƀuôn sang anei, kơ klei ƀai, leh anăn kơ klei soh diñu,

Phung Khua Phat Kđi 2:1

Dĭng buăl jăk Yêhôwa đĭ mơ̆ng Gilgal truh kơ ƀuôn Bôkim leh anăn ñu lač, “Kâo atăt leh diih kbiă mơ̆ng čar Êjip, leh anăn atăt leh diih kơ čar Kâo kat asei čiăng brei kơ phung aê diih đưm. Kâo lač, ‘Kâo amâo srăng tuôm bi rai ôh klei Kâo bi mguôp hŏng diih,