Bruă Lêwi 26:41 - Klei Aê Diê Blŭ 2015

⁴¹ snăn Kâo êbat mdê hŏng klei diñu čiăng leh anăn atăt ba diñu kơ čar phung roh diñu; hlăk anăn tơdah ai tiê diñu amâo khăt klĭt ôh srăng luă gŭ leh anăn diñu tla nư klei wê diñu,

Bruă Lêwi 26:41 Iomraidhean Croise

I Bruă Mtao 21:29

“Ih ƀuh mơ̆ klei Y-Ahap bi luă gŭ ñu pô leh ti anăp Kâo? Kyuadah ñu bi luă gŭ ñu pô ti anăp Kâo, Kâo amâo srăng brei klei jhat truh hlăm ênuk ñu ôh; ƀiădah hlăm ênuk anak êkei ñu, Kâo srăng bi truh klei jhat kơ sang ñu.”

II Klei Yăl Dliê 12:12

Tơdah ñu bi luă gŭ ñu pô leh, klei Yêhôwa ngêñ wir đuĕ mơ̆ng ñu, snăn amâo mâo klei bi rai jih ôh. Êbeh kơ klei anăn, ăt mâo klei jăk mơh hlăm čar Yuđa.

II Klei Yăl Dliê 32:26

Ti knhal tuč, Y-Hêsêkia bi luă gŭ ñu pô kyua klei mgao ai tiê ñu, ñu leh anăn phung dôk hlăm ƀuôn Yêrusalem, snăn klei Yêhôwa ngêñ amâo truh kơ diñu ôh hlăm ênuk Y-Hêsêkia.

II Klei Yăl Dliê 33:19

Klei ñu wah lač, leh anăn klei Aê Diê tŭ klei ñu kwưh, leh anăn jih klei soh leh anăn klei ñu amâo dôk sĭt suôr ôh, anôk dlông ñu mdơ̆ng leh anăn mdơ̆ng phung rup yang Asêra leh anăn rup yang krah êlâo ñu bi luă gŭ ñu pô, nĕ anei arăng čih leh hlăm hdruôm hră Klei Yăl Dliê kơ Phung Thâo Bi Ƀuh.

II Klei Yăl Dliê 33:23

Ñu amâo luă gŭ ñu pô ôh ti anăp Yêhôwa msĕ si Y-Manasê ama ñu bi luă gŭ gơ̆ pô leh, ƀiădah Y-Amôn anei lŏ thiăm klei jing soh nanao.

Y-Êsra 9:13

Leh anăn êdei kơ jih klei truh leh kơ hmei kyua klei jhat hmei ngă leh anăn kyua klei hmei jing soh prŏng, ƀuh leh kơ Ih Aê Diê hmei bi kmhal hmei ƀiă hĭn kơ klei wê hmei năng, leh anăn brei kơ hmei sa phung ăt dôk msĕ snei.

Y-Êsra 9:15

Ơ Yêhôwa Aê Diê phung Israel, Ih jing kpă, kyuadah hmei jing phung ăt dôk, phung tlaih leh msĕ si ti hruê anei. Nĕ anei hmei dôk ti anăp Ih hlăm klei hmei jing soh, kyuadah amâo mâo sa čô ôh dưi dôk ti anăp Ih kyua klei anei.”

Y-Nêhêmi 9:33

Ih jing kpă hlăm jih jang klei truh leh kơ hmei, kyuadah Ih ngă leh hŏng klei sĭt suôr, ƀiădah hmei ngă leh hŏng klei jhat ƀai.

Klei Mmuñ Hđăp 39:9

Kâo kmlô, amâo ha ƀăng êgei kâo ôh; kyuadah Ih yơh jing pô ngă klei anei.

Klei Kbiă 10:3

Y-Môis leh anăn Y-Arôn nao kơ Pharaôn leh anăn lač kơ ñu, “Snei Yêhôwa, Aê Diê phung Hêbrơ, lač, ‘Dŭm boh sui ih srăng hngah, amâo bi luă gŭ ih pô ti anăp Kâo? Lui phung ƀuôn sang Kâo đuĕ nao, čiăng kơ diñu dưi kkuh mpŭ kơ Kâo.

Y-Yêrêmi 4:4

Brei diih khăt klĭt diih pô ti anăp Yêhôwa, brei diih khăt hĕ klĭt ai tiê diih, Ơ phung êkei čar Yuđa leh anăn phung dôk hlăm ƀuôn Yêrusalem; huĭdah klei Kâo ngêñ truh msĕ si pui, leh anăn ƀơ̆ng amâo mâo pô dưi bi ram gơ̆ ôh, kyua bruă soh diih ngă.”

Y-Yêrêmi 6:10

Kơ hlei pô kâo srăng blŭ leh anăn brei răng, čiăng kơ diñu hmư̆? Nĕ anei, knga diñu kăt leh, diñu amâo dưi hmư̆ ôh; nĕ anei, klei Yêhôwa blŭ jing mnơ̆ng diñu djă djik djak, diñu amâo mơak ôh hŏng klei blŭ anăn.

Y-Êsêkiêl 14:23

Diñu srăng bi juh diih tơdah diih ƀuh klei diñu dôk dơ̆ng ƀơ̆ng huă leh anăn klei diñu ngă; leh anăn diih srăng thâo Kâo amâo ngă ôh jih jang klei anăn hlăm ƀuôn Yêrusalem tơdah amâo mâo klei,’ ” Yêhôwa Aê Diê lač.

Y-Êsêkiêl 20:43

Tinăn diih srăng hdơr êlan diih êbat leh anăn jih jang klei diih ngă bi čhŏ leh diih pô; leh anăn diih srăng bi êmut kơ diih pô kyua jih jang klei jhat diih ngă leh.

Y-Êsêkiêl 44:7

êjai diih jum phung tue, phung amâo mâo khăt klĭt hlăm ai tiê leh anăn hlăm asei mlei brei mŭt hlăm adŭ doh jăk Kâo, bi čhŏ sang yang Kâo tơdah diih myơr kơ Kâo mnơ̆ng ƀơ̆ng huă, prăi leh anăn êrah. Diih gao leh klei Kâo bi mguôp êjai diih ngă jih jang klei jhat Kâo bi êmut kheh.

Y-Êsêkiêl 44:9

Kyuanăn snei Yêhôwa Aê Diê lač: ‘Đăm brei sa čô tue mŭt hlăm adŭ doh jăk Kâo, phung amâo khăt klĭt hlăm ai tiê leh anăn hlăm asei mlei ôh, hlăm jih jang phung tue dôk ti krah phung ƀuôn sang Israel.

Y-Êsêkiêl 6:9

Hlăk anăn phung diih tlaih leh srăng hdơr kơ Kâo ti krah phung găp djuê mnuih anôk arăng atăt ba diih jing mnă, tơdah Kâo bi mčah leh ai tiê diñu khăp kơ klei soh lui wir Kâo leh, leh anăn bi bum leh ală diñu khăp tui hlue rup yang diñu; leh anăn diñu srăng bi êmut kơ diñu pô kyua klei jhat diñu ngă leh, kyua jih klei diñu ngă Kâo bi êmut.

Bruă Lêwi 26:24

snăn Kâo msĕ mơh srăng êbat mdê hŏng klei diih čiăng, leh anăn Kâo srăng čăm diih kjuh blư̆ kyua klei soh diih.

Bruă Lêwi 26:28

snăn Kâo srăng êbat hŏng klei ngêñ mdê hŏng klei diih čiăng, leh anăn Kâo pô srăng bi kmhal diih kjuh blư̆ êgao hĭn kyua klei soh diih.

Klei Yap 5:7

ñu srăng hưn klei soh ñu ngă leh; leh anăn ñu srăng lŏ tla wĭt ênŭm, lŏ thiăm kơ dŏ anăn sa kdrêč hlăm êma, leh anăn srăng jao mnơ̆ng anăn kơ pô ñu bi msoh leh.

Y-Mathiơ 23:12

Hlei pô bi mđĭ ñu pô, arăng srăng bi mtrŭn ñu; leh anăn hlei pô bi luă gŭ ñu pô, arăng srăng bi mđĭ ñu.”

Y-Luk 14:11

Kyuadah grăp čô hlei pô mpŭ kơ ñu pô, arăng srăng bi mtrŭn ñu; leh anăn hlei pô bi mtrŭn ñu pô, arăng srăng mpŭ kơ ñu.”

Y-Luk 18:14

Kâo hưn kơ diih, pô rĭng jia anei wĭt kơ sang mâo leh klei yap kpă; bi êkei Pharisi anăn, amâo mâo ôh. Kyuadah grăp čô hlei pô mpŭ kơ ñu pô, Aê Diê srăng bi mtrŭn ñu; ƀiădah hlei pô bi mtrŭn ñu pô, Aê Diê srăng mpŭ kơ ñu.”

Bruă Phung Khua Ƀĭng Kna 7:51

Ơ phung ƀuôn sang khăng kŏ, ai tiê leh anăn knga amâo mâo khăt klĭt ôh. Diih bi kdơ̆ng nanao hŏng Yang Mngăt Jăk. Msĕ si phung aê diih ngă leh, diih ngă msĕ mơh.

Galati 5:6

Kyuadah hlăm Krist Yêsu klei khăt klĭt amâodah klei amâo khăt klĭt amâo mâo ênoh yuôm ôh, ƀiădah klei đăo mă bruă hlăm klei khăp mâo ênoh yuôm.

Klei Mtô Mñă Klei Bhiăn 10:16

Snăn brei diih bi khăt klĭt ai tiê pô, leh anăn đăm lŏ jing khăng kŏ ôh.

Klei Mtô Mñă Klei Bhiăn 30:6

Yêhôwa, Aê Diê diih srăng khăt klĭt ai tiê diih leh anăn ai tiê phung anak diih, snăn kơh diih srăng khăp kơ Yêhôwa, Aê Diê diih hŏng jih ai tiê diih leh anăn jih mngăt diih, čiăng kơ diih dưi hdĭp.

Klei Mtô Mñă Klei Bhiăn 31:21

Leh anăn tơdah lu klei jhat leh anăn klei rŭng răng truh kơ diñu, klei mmuñ anei srăng jing sa klei hưn bi kdơ̆ng hŏng diñu. Kyuadah klei mmuñ anei arăng amâo dưi wơr bĭt ôh srăng dôk nanao hlăm ƀăng êgei phung anak čô diñu; kyuadah Kâo thâo klei diñu mĭn čiăng ngă diñu dơ̆ng mkra leh, êlâo Kâo atăt ba diñu mŭt hlăm ala čar Kâo kat asei leh čiăng brei.”

Philip 3:3

Kyuadah drei jing phung khăt klĭt sĭt, phung kkuh mpŭ kơ Aê Diê hŏng Mngăt Myang Ñu, leh anăn mơak hlăm Krist Yêsu, leh anăn amâo knang kơ kđeh ôh.

Kôlôs 2:11

Hlăm Ñu msĕ mơh diih tŭ leh klei khăt klĭt, amâo djŏ ôh klei khăt klĭt hŏng kngan mnuih, ƀiădah klei khăt klĭt Krist ngă, jing klei bi êngiê mơ̆ng klei myang klei kđeh tluh.