Bruă Lêwi 26:34 - Klei Aê Diê Blŭ 2015

³⁴ Hlăk anăn čar srăng mdei hruê sabat ñu êjai jih ênuk ñu jing ênguôl, êjai diih dôk hlăm čar phung roh diih; hlăk anăn čar srăng mdei leh anăn mâo hruê sabat ñu.

Bruă Lêwi 26:34 Iomraidhean Croise

I Bruă Mtao 8:46

Tơdah diñu ngă soh hŏng Ih — kyuadah amâo mâo sa čô amâo ngă klei soh ôh — leh anăn Ih ăl kơ diñu, leh anăn Ih jao diñu kơ sa phung roh, snăn arăng mă ba diñu jing mnă hlăm čar phung roh anôk kbưi amâodah giăm;

II Klei Yăl Dliê 36:21

čiăng bi sĭt klei Yêhôwa blŭ leh hŏng ƀăng êgei Y-Yêrêmi, tơl čar mdei jih hruê sabat Aê Diê bi kčah leh. Jih jang hruê ñu dôk jing ênguôl ñu mdei hruê sabat, čiăng bi ruê̆ kjuh pluh thŭn.

Y-Yêrêmi 34:17

Kyuanăn snei Yêhôwa lač: ‘Diih amâo gưt asăp Kâo ôh, kyuadah diih amâo hưn klei êngiê ôh, grăp čô kơ ayŏng adei ñu leh anăn pô riêng gah ñu; nĕ anei, Kâo hưn kơ diih sa klei êngiê, đao gưm, klei ruă tưp, leh anăn klei ư̆ êpa srăng êngiê ngă kơ diih,’ Yêhôwa lač. ‘Kâo srăng mjing diih sa mnơ̆ng bi huĭ kơ jih jang ƀuôn ala mtao ti lăn ala.

Bruă Lêwi 25:10

Leh anăn diih srăng pioh brei thŭn tal êma pluh, leh anăn hưn klei êngiê hlăm tar ƀar kơ jih jang mnuih dôk hlăm čar; gơ̆ srăng jing kơ diih thŭn jubili, tơdah grăp čô diih srăng lŏ wĭt kơ lăn hma ñu pô, leh anăn grăp čô diih srăng lŏ wĭt kơ găp djuê ñu pô.

Bruă Lêwi 26:35

Êjai ênuk ñu jing ênguôl ñu srăng mâo klei mdei, klei mdei anăn amâo mâo ôh hlăm hruê sabat diih êjai diih dôk hlăm ñu.

Bruă Lêwi 26:43

Ƀiădah čar anăn diñu srăng lui, leh anăn gơ̆ srăng mâo hruê sabat êjai gơ̆ jing ênguôl amâo mâo diñu ôh; leh anăn diñu srăng tla nư klei wê diñu, kyuadah diñu hngah leh klei Kâo mtă, leh anăn mngăt diñu bi êmut kơ klei bhiăn Kâo.