Bruă Lêwi 26:25 - Klei Aê Diê Blŭ 2015

²⁵ Kâo srăng brei đao gưm ngă kơ diih, ñu srăng rŭ ênua kyua klei bi mguôp; leh anăn tơdah diih bi kƀĭn hlăm ƀuôn prŏng diih, Kâo srăng mơĭt klei ruă mdjiê ti krah diih, leh anăn Kâo srăng jao diih hlăm kngan phung roh.

Bruă Lêwi 26:25 Iomraidhean Croise

II Y-Samuel 24:15

Snăn Yêhôwa mơĭt klei ruă tưp kơ phung Israel dơ̆ng mơ̆ng aguah truh ti mông bi kčah leh; leh anăn mâo kjuh pluh êbâo čô êkei phung ƀuôn sang djiê mơ̆ng ƀuôn Dan truh ti ƀuôn Bêr-Sêba.

I Bruă Mtao 8:33

Tơdah phung ƀuôn sang Ih Israel luč hlăm klei bi blah ti anăp phung roh kyuadah diñu ngă soh leh hŏng Ih, tơdah diñu lŏ wĭt kơ Ih leh anăn hưn klei diñu đăo kơ anăn Ih, wah lač leh anăn kwưh kơ Ih hlăm sang anei;

I Bruă Mtao 8:37

Tơdah mâo klei ư̆ êpa, klei ruă tưp, klei bi kđŭč, klei čăt oh, ktuôp amâodah hluăt truh hlăm čar; tơdah phung roh diñu wang diñu hlăm ya ƀuôn diñu dôk; tơdah mâo klei ruă bi mdjiê, tơdah mâo klei ruă duam;

II Bruă Mtao 17:3

Y-Salmanêser mtao Asiri hriê ngă kơ ñu; leh anăn Y-Hôsêa jing dĭng buăl gơ̆, leh anăn tuh jia kơ gơ̆.

II Klei Yăl Dliê 24:24

Wăt tơdah phung kahan Siri hriê knŏng hŏng ƀiă kahan dưn, Yêhôwa jao leh hlăm kngan diñu sa phung kahan prŏng, kyuadah digơ̆ lui wir leh Yêhôwa Aê Diê phung aê digơ̆. Snăn diñu bi truh klei phat kđi kơ Y-Jôas.

Klei Mmuñ Hđăp 94:1

Ơ Yêhôwa, Ih jing Aê Diê Pô rŭ ênua, Ơ Aê Diê Pô rŭ ênua, bi êdah bĕ Ih pô.

Klei Kbiă 5:3

Diñu lŏ lač, “Aê Diê phung Hêbrơ bi tuôm leh hŏng hmei. Hmei akâo kơ ih, brei hmei nao tlâo hruê êbat hlăm kdrăn tač, čiăng myơr mnơ̆ng ngă yang kơ Yêhôwa, Aê Diê hmei, huĭdah Ñu ngă kơ hmei hŏng klei ruă tưp amâodah đao gưm.”

Y-Êsai 1:20

Ƀiădah tơdah diih hngah leh anăn bi kdơ̆ng, đao gưm srăng bi rai diih, kyuadah ƀăng êgei Yêhôwa blŭ leh.”

Y-Êsai 65:12

Kâo srăng čuăn pioh diih kơ đao gưm, leh anăn jih jang diih srăng buôn tŭ klei arăng bi mdjiê; kyuadah diih amâo lŏ wĭt lač ôh tơdah Kâo iêô, tơdah Kâo blŭ diih amâo hmư̆ ôh, ƀiădah diih ngă leh klei jhat ti anăp ală Kâo, leh anăn diih ruah leh čiăng ngă klei amâo bi mơak kơ Kâo ôh.”

Y-Yêrêmi 19:7

Hlăm anôk anei Kâo srăng bi luč hĕ hdră phung Yuđa leh anăn phung ƀuôn Yêrusalem čiăng ngă, leh anăn Kâo srăng brei phung ƀuôn sang diñu djiê hŏng đao gưm ti anăp phung roh diñu, leh anăn hŏng phung duah bi luč klei hdĭp diñu. Kâo srăng jao atâo diñu jing mnơ̆ng ƀơ̆ng kơ čĭm hlăm adiê leh anăn kơ hlô dliê ti lăn ala.

Y-Yêrêmi 24:10

Leh anăn Kâo srăng bi truh kơ diñu đao gưm, klei ư̆ êpa, leh anăn klei ruă tưp tơl diñu rai jih mơ̆ng čar Kâo brei leh kơ diñu leh anăn kơ phung aê diñu.’ ”

Y-Yêrêmi 50:28

Hmư̆ bĕ! Phung đuĕ leh anăn tlaih mơ̆ng čar Ƀaƀilôn hưn hlăm ƀuôn Siôn klei Yêhôwa Aê Diê drei rŭ ênua, klei rŭ ênua kơ sang yang Ñu.

Y-Yêrêmi 51:11

Kčur bĕ ƀrăm! Djă khil bĕ! Yêhôwa bi mčhur leh ai mĭn phung mtao čar Mêdơ, kyuadah hdră ñu čiăng ngă jing klei bi rai hĕ ƀuôn Ƀaƀilôn; Yêhôwa srăng rŭ ênua, Ñu srăng rŭ ênua kyua sang yang Ñu.

Y-Yêrêmi 9:16

Kâo srăng suôt diñu ti krah phung găp djuê mnuih, phung anăn diñu wăt phung aê diñu amâo tuôm thâo kral ôh. Leh anăn Kâo srăng brei arăng bi mdjiê diñu hŏng đao gưm, tơl Kâo bi rai diñu jih.”

Klei Čŏk Hia 2:21

Phung hlăk ai leh anăn phung mduôn dôk đih mđrăm mbĭt hlăm ƀruih ti êlan dơ̆ng; phung mniê êra leh anăn phung êkei êdam kâo êbuh djiê leh hŏng đao gưm. Hlăm hruê Ih ngêñ Ih bi mdjiê diñu leh, bi mdjiê amâo mâo klei pap ôh.

Y-Êsêkiêl 14:17

Amâodah tơdah Kâo bi truh klei bi blah kơ čar anăn, leh anăn lač, ‘Brei mâo klei bi blah găn čar;’ leh anăn Kâo bi luč hĕ mơ̆ng čar anăn mnuih leh anăn hlô mnơ̆ng;

Y-Êsêkiêl 20:37

‘Kâo srăng brei diih găn ti gŭ sa ƀĕ giê knuăk, leh anăn Kâo srăng brei diih mŭt klei bi kuôl kă kơ klei bi mguôp.

Y-Êsêkiêl 29:8

Kyuanăn snei Yêhôwa Aê Diê lač: ‘Nĕ anei, Kâo srăng bi truh đao gưm kơ ih, leh anăn srăng bi rai phung mnuih leh anăn hlô mnơ̆ng ih;

Y-Êsêkiêl 33:2

“Ơ anak mnuih, blŭ bĕ kơ phung ƀuôn sang ih leh anăn lač kơ diñu: ‘Tơdah Kâo bi truh klei bi blah kơ sa boh čar, leh anăn phung ƀuôn sang hlăm čar anăn mă sa čô mnuih mơ̆ng krah diñu, leh anăn mjing gơ̆ pô gak kơ diñu;

Y-Êsêkiêl 5:17

Kâo srăng mơĭt klei ư̆ êpa leh anăn hlô dliê ngă kơ diih leh anăn mnơ̆ng anăn srăng bi luč phung anak ih; klei ruă bi mdjiê leh anăn klei tuh êrah srăng truh kơ ih; leh anăn Kâo srăng bi truh klei bi blah kơ ih. Kâo gơ̆ Yêhôwa blŭ leh klei anăn.”

Y-Êsêkiêl 6:3

leh anăn lač, ‘Ơ diih phung čư̆ Israel, hmư̆ bĕ klei Yêhôwa Aê Diê blŭ! Snei klei Yêhôwa Aê Diê blŭ kơ phung čư̆ leh anăn phung kbuôn, kơ phung troh leh anăn kơ phung tlung: Nĕ anei, Kâo, Kâo pô yơh, srăng bi truh klei bi blah kơ diih, leh anăn Kâo srăng bi rai anôk dlông diih.

Y-Ôsê 11:6

Đao gưm srăng ngă jhat hlăm ƀuôn prŏng diñu, srăng bi rai giê kal ƀăng jang diñu, leh anăn bi mdjiê diñu kyua klei diñu mĭn ngă.

Bruă Lêwi 26:6

Kâo srăng brei klei êđăp ênang hlăm čar diih, diih srăng pĭt mdei, amâo mâo pô bi huĭ diih ôh. Kâo srăng suôt hĕ hlô jhŏng mơ̆ng čar diih, leh anăn đao gưm amâo srăng găn ôh ti čar diih.

Y-Amôs 4:10

“Kâo mơĭt leh kơ diih klei ruă tưp msĕ si hlăm čar Êjip; Kâo bi mdjiê leh phung êkei hlăk ai diih hŏng đao gưm; Kâo mă mđuĕ leh aseh diih; leh anăn Kâo brei klei ƀâo brŭ anôk diih jưh hŭl truh kơ ƀăng adŭng diih; ƀiădah ăt diih amâo lŏ wĭt kơ Kâo ôh,” Yêhôwa lač.

Y-Haƀakuk 3:5

Klei ruă tưp nao ti anăp Ñu, leh anăn klei ruă hlŏng djiê tui ti tluôn Ñu.

Klei Yap 14:12

Kâo srăng čăm diñu djiê hŏng klei ruă tưp leh anăn srăng sua mơ̆ng diñu ngăn dưn, leh anăn Kâo srăng mjing mơ̆ng ih sa găp djuê prŏng hĭn leh anăn ktang hĭn kơ diñu.”

Klei Yap 16:49

Phung djiê leh kyua klei truh jhat mâo pluh pă êbâo kjuh êtuh čô, êngao kơ phung djiê leh kyua klei Y-Kôrê.

Klei Yap 31:3

Y-Môis lač kơ phung ƀuôn sang, “Ƀrei mnơ̆ng bi blah kơ phung êkei ti krah diih, čiăng kơ diñu dưi nao bi blah hŏng phung Madian, čiăng bi truh klei Yêhôwa rŭ ênua hŏng phung Madian.

Y-Luk 21:11

Srăng mâo klei yơ̆ng lăn ala ktang, leh anăn hlăm lu bĭt anôk srăng mâo klei ư̆ êpa leh anăn klei ruă djiê, leh anăn srăng mâo klei bi huĭ snăk leh anăn klei bi knăl mdê prŏng mơ̆ng adiê.

Klei Mtô Mñă Klei Bhiăn 28:21

Yêhôwa srăng bi truh klei ruă bi mdjiê đuôm hŏng diih tơl Ñu bi rai diih jih mơ̆ng ala čar diih dôk mŭt čiăng mă bha.

Klei Mtô Mñă Klei Bhiăn 32:25

Ti tač đao gưm srăng brei klei kơŭ kyăm, leh anăn hlăm adŭ srăng mâo klei bi huĭ snăk, bi rai wăt êkei êdam leh anăn mniê êra hrông, hđeh dôk mam mbĭt hŏng êkei mduôn.

Klei Mtô Mñă Klei Bhiăn 32:35

Kâo yơh srăng rŭ ênua, leh anăn bi kmhal, pioh kơ hruê jơ̆ng diñu srăng ksak; kyuadah hruê knap mñai diñu giăm leh, leh anăn klei phat kđi diñu truh djăl.”

Klei Mtô Mñă Klei Bhiăn 32:41

tơdah Kâo sah bi mngač đao gưm Kâo, leh anăn kngan Kâo djă bruă phat kđi, Kâo srăng rŭ ênua kơ phung roh Kâo, leh anăn srăng bi wĭt klei năng kơ phung bi êmut kơ Kâo.

Phung Khua Phat Kđi 15:11

Snăn tlâo êbâo phung êkei Yuđa trŭn nao kơ ƀăng boh tâo Êtam leh anăn lač kơ Y-Samsôn, “Ih amâo thâo hĕ kơ phung Philistin jing khua kiă kriê drei? Snăn ya klei ih ngă leh kơ hmei?” Ñu lač kơ digơ̆, “Msĕ si diñu ngă leh kơ kâo, snăn mơh kâo ngă leh kơ diñu.”