Biblia Todo Logo
Bìoball air-loidhne

- Sanasan -




Bruă Lêwi 26:22 - Klei Aê Diê Blŭ 2015

22 Kâo srăng mơĭt lu hlô dliê ti krah diih, diñu srăng tlĕ mă phung anak diih, leh anăn bi rai êmô biăp diih, leh anăn bi hrŏ ênoh diih tơl diih jing ƀiă, leh anăn êlan diih amâo lŏ mâo mnuih êrô êbat ôh.

Faic an caibideil Dèan lethbhreac




Bruă Lêwi 26:22
17 Iomraidhean Croise  

Tơdah diñu dơ̆ng dôk tinăn, diñu amâo huĭ mpŭ ôh kơ Yêhôwa. Kyua anăn Yêhôwa tiŏ nao êmông gu ti krah phung diñu bi mdjiê đa đa diñu.


Ñu wir dlăng kơ digơ̆ leh anăn tăm pah kơ digơ̆ hlăm anăn Yêhôwa. Leh anăn dua drei kgâo ana kbiă mơ̆ng kmrơ̆ng leh anăn hiêk pă pluh dua čô hlăm phung hđeh êdam anăn.


Hlăm ênuk anăn amâo mâo klei êđăp ênang ôh kơ pô kbiă amâodah kơ pô mŭt, kyuadah klei rŭng răng prŏng snăk bi knap jih jang phung dôk hlăm čar.


Kyuanăn klei tăm pah čuh ƀơ̆ng lăn, leh anăn phung ƀuôn sang gơ̆ tŭ klei knap mñai kyua klei soh diñu. Kyuanăn pui ƀơ̆ng leh phung dôk hlăm lăn, leh anăn adôk mă knŏng ƀiă snăk mnuih.


Êlan prŏng amâo lŏ mâo mnuih êrô ôh, arăng amâo lŏ êbat ti êlan ôh. Arăng gao klei bi mguôp, arăng bi êmut kơ phung hưn bi sĭt, arăng amâo uêñ kơ mnuih ôh.


Yêhôwa lač, “Kâo srăng mơĭt kơ diñu pă mta mnơ̆ng bi rai: đao gưm pioh bi mdjiê, asâo pioh hiêk kĕ, čĭm hlăm adiê leh anăn hlô hlăm dliê srăng kĕ ƀơ̆ng leh anăn bi rai.


leh anăn lač kơ khua pô hưn êlâo Y-Yêrêmi, “Hmư̆ bĕ klei hmei kwưh kơ ih leh anăn wah lač kơ Yêhôwa Aê Diê ih đru hmei, kyua jih jang phung ăt dôk anei, kyuadah phung hmei ăt dôk knŏng ƀiă tui si ih ƀuh hmei,


Jih êlan nao kơ ƀuôn Siôn kơŭ kyăm, kyuadah amâo mâo pô nao kơ klei knăm bi kčah leh; jih jang ƀăng jang ñu jing ênguôl, phung khua ngă yang ñu ur krao; phung mniê êra hrông ñu kơŭ kyăm, leh anăn ñu pô ênguôt êdi.


Tơdah Kâo brei phung hlô dliê jhŏng găn čar leh anăn bi rai čar, leh anăn brei čar jing ênguôl tơl amâo mâo mnuih dưi găn čar anăn ôh kyua hlô dliê anăn,


Kyuadah snei Yêhôwa Aê Diê lač: ‘Kdlưn hĭn mơh tơdah Kâo mơĭt kơ ƀuôn Yêrusalem pă mta klei phat kđi kjham, klei bi blah, klei ư̆ êpa, hlô dliê jhat, leh anăn klei ruă bi mdjiê, čiăng bi luč hĕ mnuih leh anăn hlô mnơ̆ng mơ̆ng čar!


Kâo srăng brei čar jing ênguôl leh anăn êhŏng; leh anăn klei ktang mgao ñu srăng ruê̆; leh anăn čư̆ Israel srăng jing ênguôl tơl amâo mâo sa čô găn tinăn ôh.


Kâo srăng mơĭt klei ư̆ êpa leh anăn hlô dliê ngă kơ diih leh anăn mnơ̆ng anăn srăng bi luč phung anak ih; klei ruă bi mdjiê leh anăn klei tuh êrah srăng truh kơ ih; leh anăn Kâo srăng bi truh klei bi blah kơ ih. Kâo gơ̆ Yêhôwa blŭ leh klei anăn.”


Kâo srăng brei klei êđăp ênang hlăm čar diih, diih srăng pĭt mdei, amâo mâo pô bi huĭ diih ôh. Kâo srăng suôt hĕ hlô jhŏng mơ̆ng čar diih, leh anăn đao gưm amâo srăng găn ôh ti čar diih.


Snăn kyua diih arăng srăng kai čư̆ Siôn msĕ si sa boh hma; ƀuôn Yêrusalem srăng jing sa kăm mnơ̆ng rai leh, leh anăn čư̆ sang yang srăng jing kmrơ̆ng kpal.


‘Leh anăn Kâo bi bra đuĕ diñu hŏng angĭn đrŭng ti krah jih jang găp djuê mnuih diñu amâo tuôm thâo ôh. Snăn čar diñu lui jing ênguôl ti tluôn diñu tơl amâo mâo sa čô êrô hiu ôh. Snăn diñu brei lăn čar siam jing hĕ ênguôl.’ ”


diñu srăng rai luč hŏng klei ư̆ êpa, klei hlơr leh anăn klei ruă tưp jhat; leh anăn Kâo srăng mơĭt lu hlô dliê kĕ diñu, mbĭt hŏng êa kêč kam mơ̆ng mnơ̆ng rui ti ƀruih lăn.


Hlăm ênuk Y-Samgar anak êkei Y-Anat, hlăm ênuk H'Jael, arăng lui êlan prŏng, leh anăn hiu êbat ktuê klông.


Lean sinn:

Sanasan


Sanasan