Bruă Lêwi 26:19 - Klei Aê Diê Blŭ 2015

¹⁹ Kâo srăng bi mčah klei mgao kyua klei ktang diih, leh anăn Kâo srăng brei adiê diih jing msĕ si msei leh anăn lăn diih jing msĕ si kông.

Bruă Lêwi 26:19 Iomraidhean Croise

I Bruă Mtao 17:1

Y-Êli êkei ƀuôn Tisbê hlăm čar Galaat lač kơ Y-Ahap, “Tui si Yêhôwa Aê Diê Israel dôk hdĭp, ti anăp ñu kâo dôk dơ̆ng, amâo srăng mâo êa nguôm, kăn mâo hjan rei hlăm đa đa thŭn anei, knŏng tui si kâo blŭ.”

I Bruă Mtao 8:35

Tơdah adiê không hĕ leh anăn amâo lŏ mâo êa hjan ôh kyuadah diñu ngă soh leh hŏng Ih, tơdah diñu wah lač phă anôk anei, leh anăn hưn klei diñu đăo kơ anăn Ih, leh anăn lui klei soh diñu, êjai Ih bi knap diñu,

Y-Êsai 2:12

Kyuadah Yêhôwa kơ phung kahan bi kčah leh sa hruê Ñu srăng ngă kơ jih phung mgao, kơ phung krưh, leh anăn diñu bi luă gŭ diñu pô;

Y-Êsai 25:11

Ti krah anôk anăn digơ̆ srăng êdai kngan msĕ si sa čô êdai kngan êjai luê êa; ƀiădah Yêhôwa srăng bi êbuh klei mgao digơ̆ mbĭt hŏng klei mbruă kngan digơ̆.

Y-Êsai 26:5

Ñu mdlưh leh phung dôk ti anôk dlông hlăm ƀuôn prŏng. Ñu mdlưh ƀuôn anăn truh ti lăn, dlăm gơ̆ kơ bruih lăn.

Y-Êsai 28:1

Knap mñai yơh kơ kwang mnga jing klei mgao phung kreh kpiê ruă ti čar Êphraim, knap mñai yơh kơ mnga siam ñu dliu hĕ dôk ti dlông ƀuôn prŏng hlăm tlung jing snăk, kơ ƀuôn anăn klei mgao dlưh kyua kpiê ruă!

Y-Yêrêmi 13:9

“Snei klei Yêhôwa lač, Msĕ snăn mơh Kâo srăng bi luč hĕ klei mgao phung Yuđa leh anăn klei mgao prŏng ƀuôn Yêrusalem.

Y-Yêrêmi 3:3

Kyuanăn arăng kơ̆ng hĕ êa hjan, leh anăn êa hjan yan mnga amâo truh ôh. Ƀiădah ih mâo knuih mniê knhông, ih amâo thâo hêñ ôh.

Y-Êsêkiêl 24:21

Lač bĕ kơ sang Israel, ‘Snei Yêhôwa Aê Diê lač: Nĕ anei, Kâo srăng bi čhŏ adŭ doh jăk Kâo, anôk myang diih, klei bi mơak kơ ală diih, leh anăn klei mngăt diih čiăng; leh anăn phung anak êkei leh anăn phung anak mniê diih, phung diih lui leh, srăng djiê hŏng đao gưm.

Y-Êsêkiêl 30:6

Snei Yêhôwa lač: Phung đru krơ̆ng čar Êjip srăng êbuh, leh anăn klei ktang mgao ñu srăng luč mơ̆ng Mikdôl truh ti Siyen; diñu srăng êbuh hŏng đao gưm, Yêhôwa Aê Diê lač.

Y-Êsêkiêl 33:28

Kâo srăng brei čar jing ênguôl leh anăn êhŏng; leh anăn klei ktang mgao ñu srăng ruê̆; leh anăn čư̆ Israel srăng jing ênguôl tơl amâo mâo sa čô găn tinăn ôh.

Y-Êsêkiêl 7:24

Kâo srăng atăt ba phung găp djuê mnuih jhat hĭn čiăng plah mă sang diñu; Kâo srăng bi truh klei knhal tuč kơ klei mgao diñu, leh anăn anôk doh jăk diñu arăng srăng bi čhŏ hĕ.

Y-Đaniel 4:37

Ară anei, kâo gơ̆ Y-Nebukatnetsar bi mni, mpŭ, leh anăn mpŭ mni kơ Mtao hlăm adiê; kyuadah jih bruă Ñu jing sĭt leh anăn êlan Ñu kpă; leh anăn hlei pô êbat hlăm klei mgao Ñu dưi bi mdlưh hĕ.

Y-Sôphôni 3:11

Hlăm ênuk anăn arăng amâo srăng bi hêñ ih ôh kyua jih klei ih ngă soh leh hŏng Kâo, kyuadah Kâo srăng mă hĕ mơ̆ng krah ƀuôn anei phung hơ̆k mơak hŏng klei diñu mgao, leh anăn ih amâo srăng lŏ mgao ôh hlăm čư̆ doh jăk Kâo.

Y-Luk 4:25

Kâo lač kơ diih sĭt nik, ênuk Y-Êli mâo lu phung mniê djiê ung hlăm čar Israel êjai adiê không tlâo thŭn mkrah, mâo klei ư̆ êpa prŏng truh kơ tar ƀar čar.

Klei Mtô Mñă Klei Bhiăn 11:17

leh anăn Yêhôwa čuh ai ngêñ kơ diih, leh anăn Ñu kđăl adiê, snăn amâo mâo êa hjan ôh, lăn amâo brei boh ôh, leh anăn diih rai tuč djăl mơ̆ng čar jăk Yêhôwa brei kơ diih.

Klei Mtô Mñă Klei Bhiăn 28:23

Adiê ti dlông boh kŏ diih srăng jing msĕ si kông, leh anăn lăn ti gŭ diih srăng jing msĕ si msei.

I Y-Samuel 4:11

Arăng mă leh hip Aê Diê; leh anăn arăng bi mdjiê leh dua čô anak êkei Y-Hêli, Y-Hôphni leh anăn Y-Phinêas.

I Y-Samuel 4:3

Tơdah phung kahan wĭt kơ anôk kđông, phung khua mduôn Israel lač, “Si ngă Yêhôwa brei phung Philistin dưi hŏng drei hruê anei? Brei drei ba tinei hip klei bi mguôp Yêhôwa mơ̆ng ƀuôn Silô, čiăng kơ hip anăn dưi hriê ti krah drei leh anăn bi mtlaih drei mơ̆ng klei ktang phung roh drei.”