Bruă Lêwi 26:18 - Klei Aê Diê Blŭ 2015

¹⁸ Wăt tơdah mâo klei anăn dưn diih amâo srăng dôk hmư̆ Kâo, Kâo srăng lŏ bi kmhal diih kjuh blư̆ kyua klei soh diih.

Bruă Lêwi 26:18 Iomraidhean Croise

Klei Mmuñ Hđăp 119:164

Kâo bi mni kơ Ih kjuh blư̆ grăp hruê, kyua klei bhiăn Ih jing djŏ.

Klei Kbiă 9:14

Kyuadah tal anei Kâo srăng mơĭt kơ ih jih jang klei bi knap mñai Kâo ngă kơ ai tiê ih, kơ phung dĭng buăl ih, leh anăn kơ phung ƀuôn sang ih, čiăng bi ih thâo amâo mâo Pô jing msĕ si Kâo hlăm jih lăn ala.

Klei Bi Hriêng 24:16

kyuadah wăt tơdah sa čô mnuih kpă lĕ buh kjuh blư̆, ñu ăt lŏ kgŭ mơh, ƀiădah klei knap mñai srăng bi rai phung ƀai.

Y-Êsai 5:25

Kyuanăn klei Yêhôwa ngêñ trơ̆ng hŏng phung ƀuôn sang Ñu; Ñu yơr leh kngan bi kdơ̆ng hŏng diñu leh anăn čăm diñu. Čư̆ ktư̆ mgei leh anăn asei mlei djiê diñu jing msĕ si djah ti krah êlan. Wăt jih klei anăn dưn, ăt klei Ñu ngêñ ka hlao ôh, kngan Ñu ăt dôk yơr ngă nanao.

Y-Yêrêmi 14:4

Kyuadah lăn thu leh mơ̆ng hruê adiê amâo lŏ hjan ôh, phung ngă hma êdu ai, diñu guôm boh kŏ diñu.

Y-Đaniel 3:19

Leh anăn Y-Nebukatnetsar bŏ hŏng klei ngêñ, bi mlih ƀô̆ mta ñu hŏng Y-Sadrak, Y-Mêsăk, leh anăn Y-Abetnêgô. Ñu mtă brei arăng bi hlơr pui hlăm kpur kjuh blư̆ ktang hĭn tui si arăng khăng ngă.

Bruă Lêwi 26:21

Leh anăn tơdah diih êbat mdê hŏng klei Kâo čiăng, leh anăn amâo čiăng dôk hmư̆ Kâo ôh, Kâo srăng bi truh lu hĭn klei ruă tưp kơ diih, kjuh blư̆ êgao hĭn kơ klei soh diih.

Bruă Lêwi 26:24

snăn Kâo msĕ mơh srăng êbat mdê hŏng klei diih čiăng, leh anăn Kâo srăng čăm diih kjuh blư̆ kyua klei soh diih.

Bruă Lêwi 26:28

snăn Kâo srăng êbat hŏng klei ngêñ mdê hŏng klei diih čiăng, leh anăn Kâo pô srăng bi kmhal diih kjuh blư̆ êgao hĭn kyua klei soh diih.

I Y-Samuel 2:5

Phung trei leh mă bruă arăng mưn čiăng mâo kpŭng, ƀiădah phung êpa leh amâo lŏ êpa ôh. Mniê plao kkiêng leh kjuh čô anak, ƀiădah mniê mâo leh lu anak dôk ênguôt.