Bruă Lêwi 26:16 - Klei Aê Diê Blŭ 2015

¹⁶ Kâo srăng ngă klei anei kơ diih: Kâo srăng bi kčah brei klei bi huĭ truh kơ diih bhiâo riâo rit, klei bi djiu, leh anăn klei êngoh bi rai ală diih leh anăn bi luč klei hdĭp diih. Leh anăn diih srăng buh pla mjeh diih hơăi mang, kyuadah phung roh diih srăng ƀơ̆ng dŏ anăn.

Bruă Lêwi 26:16 Iomraidhean Croise

I Bruă Mtao 8:37

Tơdah mâo klei ư̆ êpa, klei ruă tưp, klei bi kđŭč, klei čăt oh, ktuôp amâodah hluăt truh hlăm čar; tơdah phung roh diñu wang diñu hlăm ya ƀuôn diñu dôk; tơdah mâo klei ruă bi mdjiê, tơdah mâo klei ruă duam;

Y-Yôp 18:11

Klei bi huĭ dôk jŭm gah găn, leh anăn tiŏ ti tluôn grăp knhuang ñu.

Y-Yôp 20:25

Ƀrăm anăn tlŏ ñu hluh gah, hlŏng kbiă ti tač, êdŭk ƀrăm knur tlŏ ti phĭ ñu; klei bi huĭ prŏng srăng truh kơ ñu.

Y-Yôp 31:8

snăn brei kâo rah mjeh leh anăn pô mkăn ƀơ̆ng boh; leh anăn brei arăng buč hĕ mnơ̆ng kâo pla leh.

Klei Mmuñ Hđăp 109:6

Brei sa čô mnuih ƀai ngă kơ ñu; brei sa čô kčŭt dôk tĭng hnuă ñu.

Klei Mmuñ Hđăp 73:19

Bhiâo riâo rit diñu rai tuč yơh! Klei huĭ prŏng bi luč diñu mtam!

Klei Mmuñ Hđăp 78:33

Snăn Aê Diê bi luč hruê diñu msĕ si êwa, leh anăn thŭn diñu ruê̆ hlăm klei huĭ snăk.

Klei Kbiă 15:26

Ñu lač, “Tơdah ih dôk hmư̆ bi nik kơ asăp Yêhôwa, Aê Diê ih, leh anăn ngă klei djŏ ti anăp ală Kâo, tơdah ih mđing knga kơ klei Kâo mtă leh anăn gưt jih jang klei bhiăn Kâo, kâo amâo srăng bi truh kơ ih ôh sa mta klei ruă Kâo ngă leh kơ phung Êjip; kyuadah Kâo jing Yêhôwa, Pô bi hlao ih.”

Klei Bi Hriêng 3:33

Klei Yêhôwa tăm pah dôk ti sang mnuih ƀai, ƀiădah Ñu hơêč hmưi klei jăk jĭn kơ sang pô kpă ênô.

Y-Êsai 10:4

Diñu knŏng dưi buôn ti krah phung mnă, amâodah lĕ buh mbĭt hŏng phung djiê. Wăt jih klei anăn dưn, klei Ñu ngêñ amâo đuĕ ôh, ƀiădah kngan Ñu ăt dôk yơr ngă nanao.

Y-Êsai 62:8

Yêhôwa kat asei leh hŏng kngan hnuă Ñu leh anăn hŏng păl myang Ñu: “Kâo amâo srăng lŏ brei ôh mdiê ih jing mnơ̆ng ƀơ̆ng huă kơ phung roh ih, leh anăn phung tue amâo srăng lŏ mnăm ôh kpiê mrâo ih, boh mơ̆ng bruă ih.

Y-Êsai 7:2

Tơdah arăng hriê hưn kơ sang Y-Đawit, lač, “Phung Siri bi mguôp leh hŏng phung Êphraim,” ai tiê Y-Ahas wăt ai tiê phung ƀuôn sang ñu ktư̆ yơ̆ng msĕ si kyâo hlăm kmrơ̆ng mgei hŏng angĭn.

Y-Yêrêmi 12:13

Diñu rah mdiê ƀiădah wiă êruê; diñu mă bruă suăi ƀiădah amâo mâo boh tŭ dưn ôh. Brei ih hêñ kơ boh ƀiă diñu wiă, kyuadah klei Yêhôwa ngêñ ktang snăk.”

Y-Yêrêmi 15:3

Yêhôwa lač, “Kâo srăng mơĭt kơ diñu pă mta mnơ̆ng bi rai: đao gưm pioh bi mdjiê, asâo pioh hiêk kĕ, čĭm hlăm adiê leh anăn hlô hlăm dliê srăng kĕ ƀơ̆ng leh anăn bi rai.

Y-Yêrêmi 15:8

Kâo srăng brei phung mniê djiê ung diñu jing lu hĭn kơ čuah êa ksĭ; Kâo srăng atăt sa čô bi rai êjai yang hruê dơ̆ng ngă kơ phung amĭ phung êkei hlăk ai; Kâo srăng brei klei ênguôt leh anăn klei jŭ jhat truh kơ diñu bhiâo riâo rit.

Y-Yêrêmi 20:4

Kyuadah snei Yêhôwa lač: ‘Nĕ anei, Kâo srăng mjing ih sa mnơ̆ng bi huĭ kơ ih pô leh anăn kơ jih jang phung mah jiăng ih. Diñu srăng djiê hŏng đao gưm phung roh diñu êjai ih dôk dlăng. Leh anăn Kâo srăng jao jih jang phung Yuđa hlăm kngan mtao Ƀaƀilôn; Ñu srăng atăt ba digơ̆ jing mnă kơ čar Ƀaƀilôn, leh anăn srăng bi mdjiê digơ̆ hŏng đao gưm.

Y-Yêrêmi 5:17

Diñu srăng ƀơ̆ng boh mdiê diih wiă leh anăn mnơ̆ng ƀơ̆ng huă diih; diñu srăng bi mdjiê phung anak êkei mniê diih; diñu srăng čuh ƀơ̆ng biăp êmô diih, diñu srăng ƀơ̆ng boh kriăk ƀâo leh anăn boh hra diih, diñu srăng bi rai hŏng đao gưm ƀuôn diih mâo mnư̆ kjăp anôk diih đuĕ dăp.”

Y-Êsêkiêl 24:23

Diih srăng păn kŏ leh anăn čŭt hdruôm jơ̆ng; diih amâo srăng kơŭ kyăm amâodah čŏk hia ôh, ƀiădah diih srăng ênguôt hnĭng kơ klei wê diih pô leh anăn bi krao hdơ̆ng diih.

Y-Êsêkiêl 33:10

“Bi ih, Ơ anak mnuih, lač bĕ kơ sang Israel, ‘Snei diih lač leh: “Klei drei gao klei bhiăn leh anăn klei soh drei dôk đuôm hŏng drei, leh anăn drei dơ̆ng luč kyua klei soh anăn, snăn si drei dưi dôk hdĭp lĕ?”’

Y-Amôs 5:11

Snăn kyuadah diih juă leh mnuih ƀun ƀin, leh anăn mă mgô̆ mơ̆ng ñu mdiê ƀlê, wăt tơdah diih mdơ̆ng leh sang boh tâo krah, diih amâo srăng dôk hlăm diñu ôh, wăt tơdah diih pla leh đang boh kriăk ƀâo jăk siam, diih amâo srăng mnăm kpiê gơ̆ ôh.

Y-Mika 6:15

Ih srăng rah, ƀiădah amâo puôt wiă ôh; ih srăng djiêt boh ôliwơ, ƀiădah amâo trôč êa anăn kơ ih ôh. Ih srăng djiêt êa boh kriăk ƀâo, ƀiădah amâo mnăm ôh.

Y-Agê 1:6

Diih rah lu leh, ƀiădah puôt wiă ƀiă; diih huă ƀơ̆ng, ƀiădah diih amâo tuôm trei ôh; diih mnăm, ƀiădah diih amâo tuôm hrăp ôh; diih hơô čhiăm ao, ƀiădah diih amâo mđao ôh; leh anăn pô mă bruă mưn mâo ênoh mưn čiăng đưm gơ̆ hlăm kdô hluh.”

Y-Sakari 14:12

Leh anăn anei srăng jing klei bi knap Yêhôwa srăng ngă kơ jih jang phung ƀuôn sang bi blah hŏng ƀuôn Yêrusalem: kđeh diñu srăng brŭ êjai diñu ăt dôk dơ̆ng, ală diñu srăng brŭ hlăm ƀăng digơ̆, leh anăn êlah diñu srăng brŭ hlăm ƀăng êgei diñu.

Y-Malaki 2:3

Nĕ anei, Kâo srăng ƀuah anak čô diih, leh anăn Kâo srăng mia eh ti ƀô̆ mta diih, eh mnơ̆ng diih myơr, leh anăn Kâo srăng suôt diih mơ̆ng anăp Kâo.

Klei Mtô Mñă Klei Bhiăn 28:51

leh anăn srăng ƀơ̆ng boh mơ̆ng mnơ̆ng diih rông leh anăn boh mơ̆ng lăn diih, tơl diih rai tuč; ñu amâo srăng lui ôh kơ diih mdiê, kpiê, êa prăi boh ôliwơ, êđai êmô diih amâodah êđai biăp diih, tơl diñu brei diih rai tuč.

Klei Mtô Mñă Klei Bhiăn 32:25

Ti tač đao gưm srăng brei klei kơŭ kyăm, leh anăn hlăm adŭ srăng mâo klei bi huĭ snăk, bi rai wăt êkei êdam leh anăn mniê êra hrông, hđeh dôk mam mbĭt hŏng êkei mduôn.

Hêbrơ 10:31

Jing klei huĭ snăk lĕ hlăm kngan Aê Diê hdĭp.

Phung Khua Phat Kđi 6:11

Dĭng buăl jăk Yêhôwa hriê leh anăn dôk gŭ ti gŭ ana kyâo ti ƀuôn Ôphra, kyâo anăn jing dŏ Y-Jôas găp djuê Abiêser, êjai anak êkei ñu Y-Gidêôn dôk prah mdiê ti anôk djiêt kpiê, čiăng mdăp mdiê anăn kơ phung Madian.

I Y-Samuel 2:33

Kâo amâo srăng bi rai ôh sa čô êkei mơ̆ng phung ih mơ̆ng knưl Kâo, Kâo srăng lui pioh čiăng brei ih hia tơl bŏk ală leh anăn bi ênguôt ai tiê ih. Leh anăn jih jang phung anak čô hlăm sang ih srăng djiê êjai ăt hlăk ai.