Bruă Lêwi 26:15 - Klei Aê Diê Blŭ 2015

¹⁵ tơdah diih hngah kơ klei bhiăn Kâo, leh anăn tơdah mngăt diih bi êmut kơ klei Kâo mtă, tơl diih amâo ngă ôh tui hlue jih klei Kâo mtă, ƀiădah gao hĕ klei Kâo bi mguôp,

Bruă Lêwi 26:15 Iomraidhean Croise

Klei Mphŭn Dơ̆ng 17:14

Grăp čô êkei amâo mâo klei khăt klĭt hlăm asei mlei ñu ôh arăng srăng bi luč hĕ ñu mơ̆ng phung ƀuôn sang ñu; ñu gao leh klei Kâo bi mguôp.”

II Bruă Mtao 17:15

Diñu bi êmut kơ klei bhiăn Gơ̆, leh anăn klei bi mguôp Gơ̆ ngă leh hŏng phung aê diñu, leh anăn klei Gơ̆ brei diñu răng. Diñu tui hlue rup yang amâo sĭt, leh anăn diñu pô mơh jing phung amâo sĭt, leh anăn diñu tui hlue phung găp djuê jŭm dar diñu, kyua phung anăn Yêhôwa mtă leh đăm brei diñu ngă msĕ si phung anăn ôh.

II Klei Yăl Dliê 36:16

ƀiădah diñu mưč nanao kơ phung mnuih Aê Diê tiŏ nao, bi êmut kơ klei Gơ̆ blŭ, djă djik djak kơ phung khua pô hưn êlâo Gơ̆, tơl klei Yêhôwa ngêñ đĭ lar kơ phung ƀuôn sang Gơ̆, tơl amâo dưi lŏ bi hlao ôh.

Klei Mmuñ Hđăp 50:17

Kyuadah ih bi êmut kơ klei Kâo mjuăt mkra, leh anăn ih hwiê klei Kâo blŭ ti tluôn ih.

Klei Kbiă 19:5

Snăn ară anei, tơdah diih gưt asăp Kâo leh anăn djă pioh klei Kâo bi mguôp, diih srăng jing dŏ Kâo pô ti krah jih jang phung ƀuôn sang. Wăt tơdah jih lăn ala jing dŏ Kâo,

Klei Kbiă 24:7

Ñu mă hdruôm hră klei bi mguôp leh anăn dlăng ti anăp jih jang phung ƀuôn sang. Diñu lač, “Hmei srăng ngă jih jang klei Yêhôwa lač leh, leh anăn hmei srăng gưt.”

Klei Bi Hriêng 1:30

amâo tŭ ôh klei kâo kčĕ leh anăn bi êmut kơ jih klei kâo ƀuah.

Klei Bi Hriêng 1:7

Klei huĭ mpŭ kơ Yêhôwa jing klei kčưm kơ klei thâo săng; phung mluk bi êmut kơ klei thâo mĭn leh anăn klei bi hriăm.

Klei Bi Hriêng 5:12

Leh anăn diih lač, “Kâo bi êmut hĕ leh kơ klei mkra, leh anăn ai tiê kâo hngah hĕ leh kơ klei ƀuah.

Y-Êsai 24:5

Lăn ala jing čhŏ kyua phung ƀuôn sang gơ̆ pô, kyuadah diñu gao leh klei bhiăn, amâo gưt ôh klei mtă, diñu gao leh klei bi mguôp hlŏng lar.

Y-Yêrêmi 11:10

Diñu lŏ wĭt leh kơ klei soh phung aê diñu, phung hngah amâo čiăng hmư̆ klei Kâo blŭ; diñu tui hlue leh phung yang mkăn čiăng mă bruă kơ digơ̆; sang Israel leh anăn sang Yuđa gao leh klei Kâo bi mguôp ngă leh hŏng phung aê diñu.

Y-Yêrêmi 31:32

amâo djŏ ôh msĕ si klei bi mguôp Kâo ngă leh hŏng phung aê diñu tơdah Kâo djă ti kngan diñu čiăng atăt diñu kbiă mơ̆ng čar Êjip, klei Kâo bi mguôp anăn diñu gao leh, wăt tơdah Kâo jing msĕ si ung diñu dưn,” Yêhôwa lač.

Y-Yêrêmi 6:19

Hmư̆ bĕ, Ơ lăn ala! Nĕ anei, Kâo ba klei jhat truh kơ phung ƀuôn sang anei, jing boh kơ klei diñu ngă leh, kyuadah diñu amâo mđing knga ôh kơ klei Kâo blŭ, leh anăn diñu hngah leh klei bhiăn Kâo.

Y-Êsêkiêl 16:59

Snei klei Yêhôwa Aê Diê lač: “Kâo srăng ngă kơ ih msĕ si ih ngă leh. Ih bi êmut leh kơ klei ih ƀuăn êjai ih gao klei bi mguôp,

Bruă Lêwi 26:11

Kâo srăng ngă anôk Kâo dôk ti krah diih, leh anăn Kâo amâo srăng bi êmut kơ diih ôh.

Bruă Lêwi 26:43

Ƀiădah čar anăn diñu srăng lui, leh anăn gơ̆ srăng mâo hruê sabat êjai gơ̆ jing ênguôl amâo mâo diñu ôh; leh anăn diñu srăng tla nư klei wê diñu, kyuadah diñu hngah leh klei Kâo mtă, leh anăn mngăt diñu bi êmut kơ klei bhiăn Kâo.

Bruă Lêwi 26:9

Kâo srăng wir anăp uêñ kơ diih leh anăn bi lar êngŭm diih, leh anăn bi kjăp klei Kâo bi mguôp hŏng diih.

Y-Malaki 2:2

Tơdah diih amâo dôk hmư̆ ôh, tơdah diih amâo djă pioh hlăm ai tiê diih ôh čiăng brei klei guh kơang kơ anăn Kâo,” Yêhôwa kơ phung kahan lač, “Snăn Kâo srăng mơĭt kơ diih klei tăm pah, leh anăn Kâo srăng tăm pah kơ klei jăk jĭn diih; sĭt nik Kâo tăm pah leh, kyuadah diih amâo mpŭ ôh kơ Kâo hlăm ai tiê diih.

Klei Yap 15:31

Kyuadah ñu bi êmut kơ klei Yêhôwa blŭ, leh anăn gao leh klei Gơ̆ mtă, pô anăn brei arăng khăt hĕ; klei wê ñu srăng lĕ kơ ñu.’ ”

Bruă Phung Khua Ƀĭng Kna 13:41

‘Dlăng bĕ, Ơ phung mưč, bi kngăr bĕ leh anăn rai tuč bĕ, kyuadah Kâo ngă sa mta bruă hlăm ênuk diih, sa mta bruă diih amâo srăng đăo ôh, wăt tơdah arăng hưn klei anăn kơ diih.’ ”

Hră Y-Pôl Mơĭt kơ Phung Rôm 8:7

Kyuadah klei khăp mĭn kơ klei tui si kđeh jing roh hŏng Aê Diê. Kđeh anăn amâo gưt kơ klei bhiăn Aê Diê ôh, sĭt nik ñu amâo dưi gưt ôh.

Klei Mtô Mñă Klei Bhiăn 31:16

Yêhôwa lač kơ Y-Môis, “Nĕ anei, ih giăm djiê nao dôk mbĭt hŏng phung aê ih đưm; leh anăn phung ƀuôn sang anei srăng kgŭ ngă klei knhông hŏng phung yang tue ala čar diñu nao dôk mbĭt. Diñu srăng lui Kâo leh anăn gao klei bi mguôp Kâo ngă leh hŏng diñu.

I Têsalônik 4:8

Snăn hlei pô hngah klei mtă anei, ñu hngah amâo djŏ kơ mnuih ôh, ƀiădah kơ Aê Diê yơh, Pô brei leh kơ diih Yang Mngăt Jăk Ñu.

Hêbrơ 8:9

amâo djŏ ôh msĕ si klei bi mguôp Kâo ngă leh hŏng phung aê diñu ti hruê Kâo djă diñu ti kngan čiăng atăt ba diñu kbiă mơ̆ng čar Êjip; kyuadah diñu amâo sĭt suôr djă pioh ôh klei Kâo bi mguôp, snăn Kâo amâo lŏ uêñ kơ diñu ôh, Khua Yang lač.

I Y-Samuel 12:15

Ƀiădah tơdah diih amâo dôk hmư̆ ôh asăp Yêhôwa, bi kdơ̆ng hŏng klei Yêhôwa mtă, snăn kngan Yêhôwa srăng ngă kơ diih leh anăn kơ mtao diih msĕ si Ñu ngă leh kơ phung aê diih đưm.