Bruă Lêwi 26:14 - Klei Aê Diê Blŭ 2015

¹⁴ “Ƀiădah tơdah diih amâo dôk hmư̆ Kâo ôh, leh anăn amâo ngă ôh tui hlue jih klei mtă anei,

Bruă Lêwi 26:14 Iomraidhean Croise

II Bruă Mtao 22:13

“Nao bĕ, êmuh kơ Yêhôwa kyua kâo leh anăn kyua phung ƀuôn sang, leh anăn kyua jih jang phung Yuđa klei djŏ hŏng klei blŭ mơ̆ng hdruôm hră arăng ƀuh anăn. Kyuadah prŏng snăk klei Yêhôwa čuh ai ngêñ kơ drei, kyuadah phung aê drei amâo gưt ôh kơ klei blŭ hlăm hdruôm hră anei, čiăng ngă tui si jih jang klei čih leh djŏ kơ phung drei.”

II Klei Yăl Dliê 34:24

Snei Yêhôwa lač, Nĕ anei Kâo srăng bi truh klei jhat kơ anôk anei leh anăn kơ phung dôk hlăm anôk anei, jih jang klei tăm pah arăng čih leh hlăm hdruôm hră arăng dlăng leh ti anăp mtao Yuđa.

II Klei Yăl Dliê 7:19

Ƀiădah tơdah diih weh êlan leh anăn lui klei bhiăn Kâo leh anăn klei Kâo mtă Kâo mdơ̆ng leh ti anăp diih, leh anăn diih đuĕ nao mă bruă kơ phung yang mkăn leh anăn kkuh mpŭ kơ digơ̆,

Klei Mmuñ Hđăp 81:12

Snăn Kâo jao diñu leh tui hlue ai tiê khăng diñu, čiăng kơ diñu dưi êbat tui si klei diñu pô kčĕ.

Klei Bi Hriêng 3:33

Klei Yêhôwa tăm pah dôk ti sang mnuih ƀai, ƀiădah Ñu hơêč hmưi klei jăk jĭn kơ sang pô kpă ênô.

Y-Yêrêmi 11:8

Ƀiădah diñu amâo tuôm gưt ôh, kăn mđing knga rei, grăp čô êbat leh tui hlue ai tiê khăng jhat diñu pô. Kyuanăn Kâo bi truh kơ diñu jih jang klei blŭ hlăm klei bi mguôp anei, klei Kâo mtă leh kơ diñu brei gưt, ƀiădah diñu amâo gưt ôh.’ ”

Y-Yêrêmi 17:27

Ƀiădah tơdah diih amâo dôk hmư̆ Kâo ôh čiăng hdơr mpŭ kơ hruê sabat jing doh jăk, leh anăn amâo dôk hmư̆ ôh klei Kâo mtă đăm gui dŏ ktrŏ leh anăn mŭt ƀăng jang ƀuôn Yêrusalem êjai hruê sabat, snăn Kâo srăng kuč pui ti jih ƀăng jang ñu, leh anăn pui anăn srăng ƀơ̆ng sang mtao ƀuôn Yêrusalem leh anăn amâo srăng thâo ram ôh.’ ”

Y-Yêrêmi 26:4

Brei ih lač kơ diñu, ‘Snei Yêhôwa lač: Tơdah diih amâo dôk hmư̆ Kâo ôh, amâo êbat hlăm klei bhiăn Kâo mdơ̆ng leh ti anăp diih,

Y-Yêrêmi 28:8

Phung khua pô hưn êlâo ênuk đưm êlâo kơ ih leh anăn kơ kâo hưn êlâo srăng mâo klei bi blah, klei ư̆ êpa, leh anăn klei ruă tưp srăng truh kơ lu boh čar leh anăn lu ƀuôn ala mtao prŏng.

Y-Yêrêmi 32:23

Diñu mŭt mă bha leh čar anăn. Ƀiădah diñu amâo gưt asăp Ih ôh, kăn êbat tui hlue klei bhiăn Ih rei; diñu amâo ngă ôh sa mta hlăm jih jang klei Ih mtă leh kơ diñu. Kyuanăn Ih bi truh leh jih klei jhat anei kơ diñu.

Y-Yêrêmi 40:2

Khua kahan phung gak mă Y-Yêrêmi leh anăn lač kơ ñu, “Yêhôwa Aê Diê diih hưn leh klei jhat bi kdơ̆ng hŏng anôk anei;

Klei Čŏk Hia 1:18

“Yêhôwa jing kpă, bi kâo lĕ, kâo bi kdơ̆ng leh hŏng klei Ñu blŭ. Hmư̆ bĕ, Ơ jih jang diih phung ƀuôn sang, dlăng bĕ kơ klei knap mñai kâo; phung mniê êra hrông leh anăn phung êkei êdam kâo đuĕ nao jing mnă leh.

Klei Čŏk Hia 2:17

Yêhôwa bi sĭt leh klei Ñu čuăn ngă, bi truh leh klei Ñu arưp aram, tui si Ñu mtă leh mơ̆ng sui; Ñu mdlưh ih leh amâo mâo klei pap ôh, Ñu brei leh phung roh hơ̆k mơak kyua ih, leh anăn bi mđĭ klei ktang phung roh ih.

Y-Đaniel 9:13

Tui si čih leh hlăm klei bhiăn Y-Môis, jih klei jhat anei truh leh kơ hmei, ƀiădah ăt hmei amâo kwưh ôh klei pap mơ̆ng Yêhôwa Aê Diê hmei, kăn hmei lui klei wê leh anăn gưt klei sĭt nik Ih rei.

Y-Ôsê 7:12

Êjai diñu đuĕ nao, Kâo srăng dăng ñuăl Kâo ti diñu, Kâo srăng bi lĕ diñu hlăm ñuăl msĕ si čĭm hlăm adiê; Kâo srăng mă diñu tơdah Kâo hmư̆ diñu bi phung.

Bruă Lêwi 26:18

Wăt tơdah mâo klei anăn dưn diih amâo srăng dôk hmư̆ Kâo, Kâo srăng lŏ bi kmhal diih kjuh blư̆ kyua klei soh diih.

Y-Malaki 2:2

Tơdah diih amâo dôk hmư̆ ôh, tơdah diih amâo djă pioh hlăm ai tiê diih ôh čiăng brei klei guh kơang kơ anăn Kâo,” Yêhôwa kơ phung kahan lač, “Snăn Kâo srăng mơĭt kơ diih klei tăm pah, leh anăn Kâo srăng tăm pah kơ klei jăk jĭn diih; sĭt nik Kâo tăm pah leh, kyuadah diih amâo mpŭ ôh kơ Kâo hlăm ai tiê diih.

Bruă Phung Khua Ƀĭng Kna 3:23

Hlei pô amâo dôk hmư̆ ôh khua pô hưn êlâo anăn, Aê Diê srăng bi luč hĕ ñu mơ̆ng phung ƀuôn sang.’

Hêbrơ 12:25

Răng bĕ, đăm hngah kơ Pô dôk blŭ ôh. Kyuadah tơdah phung anăn amâo tlaih ôh klei bi kmhal tơdah diñu hngah hmư̆ pô brei diñu răng ti lăn ala, sĭt nik drei amâo srăng tlaih ôh tơdah drei hngah kơ Pô blŭ brei răng mơ̆ng adiê.

Y-Yôsuê 23:15

Ƀiădah msĕ si jih klei jăk Yêhôwa Aê Diê diih ƀuăn leh kơ diih truh sĭt leh kơ diih, snăn mơh Yêhôwa srăng bi truh kơ diih jih jang klei jhat, tơl Ñu bi rai leh diih mơ̆ng čar jăk anei Yêhôwa, Aê Diê diih brei leh kơ diih,

Phung Khua Phat Kđi 2:15

Tơdah diñu êbat nao kơ klei bi blah, kngan Yêhôwa bi kdơ̆ng hŏng diñu čiăng ngă jhat, tui si klei Yêhôwa hưn leh brei diñu răng, leh anăn tui si Yêhôwa kat asei leh kơ diñu. Leh anăn diñu jing knap êdi.

I Y-Samuel 12:15

Ƀiădah tơdah diih amâo dôk hmư̆ ôh asăp Yêhôwa, bi kdơ̆ng hŏng klei Yêhôwa mtă, snăn kngan Yêhôwa srăng ngă kơ diih leh anăn kơ mtao diih msĕ si Ñu ngă leh kơ phung aê diih đưm.