Bruă Lêwi 24:9 - Klei Aê Diê Blŭ 2015

⁹ Dŏ anăn pioh kơ Y-Arôn leh anăn kơ phung anak êkei ñu, leh anăn diñu srăng ƀơ̆ng gơ̆ hlăm sa bĭt anôk doh jăk, kyuadah gơ̆ jing kơ ñu sa kdrêč doh jăk hĭn mơ̆ng mnơ̆ng myơr brei pui ƀơ̆ng kơ Yêhôwa, jing dŏ ñu hlŏng lar.”

Bruă Lêwi 24:9 Iomraidhean Croise

Klei Kbiă 27:21

Hlăm sang čhiăm klei bi kƀĭn, ti êngao čhiăm păng ti anăp klei hưn, Y-Arôn leh anăn phung anak êkei ñu srăng răng kriê gơ̆ mơ̆ng tlam truh kơ aguah ti anăp Yêhôwa. Klei anăn srăng jing klei bhiăn hlŏng lar phung ƀuôn sang Israel srăng gưt hlăm jih jang ênuk.”

Bruă Lêwi 10:12

Y-Môis lač kơ Y-Arôn leh anăn phung anak êkei ñu adôk, Y-Êlêasar leh anăn Y-Ithamar, “Mă bĕ mnơ̆ng myơr kpŭng ƀhĭ adôk mơ̆ng mnơ̆ng myơr brei pui ƀơ̆ng kơ Yêhôwa, leh anăn ƀơ̆ng gơ̆ amâo mâo kpei ti djiêô knưl, kyuadah gơ̆ jing doh jăk hĭn.

Bruă Lêwi 10:17

“Si ngă diih amâo ƀơ̆ng hĕ mnơ̆ng myơr kyua klei soh hlăm adŭ doh jăk, kyuadah gơ̆ jing mnơ̆ng doh jăk hĭn, leh anăn Yêhôwa brei leh kơ diih čiăng kơ diih dưi klam klei wê phung bi kƀĭn, čiăng ngă klei bi doh klei soh kơ diñu ti anăp Yêhôwa?

Bruă Lêwi 21:22

Ñu dưi ƀơ̆ng mnơ̆ng ƀơ̆ng huă Aê Diê ñu, wăt mnơ̆ng doh jăk hĭn leh anăn mnơ̆ng doh jăk,

Bruă Lêwi 24:10

Mâo sa čô êkei, amĭ gơ̆ mniê Israel, ama gơ̆ jing sa čô Êjip, hiu ti krah phung ƀuôn sang Israel bi mneh msao hŏng sa čô êkei Israel hlăm wăl.

Bruă Lêwi 3:17

Anei srăng jing sa klei bhiăn nanao hlăm jih jang ênuk diih, hlăm jih jang anôk diih dôk; đăm diih ƀơ̆ng prăi amâodah êrah ôh.”

Bruă Lêwi 6:11

Leh anăn ñu srăng toh hĕ čhum ao ñu, leh anăn lŏ hơô čhum ao mkăn, leh anăn ba hbâo anăn ti êngao wăl hlăm anôk doh.

Bruă Lêwi 6:16

Y-Arôn leh anăn phung anak êkei ñu srăng ƀơ̆ng ya mnơ̆ng adôk; diñu srăng ƀơ̆ng gơ̆ amâo mâo kpei hlăm sa bĭt anôk doh jăk; hlăm wăl sang čhiăm klei bi kƀĭn diñu srăng ƀơ̆ng gơ̆.

Bruă Lêwi 6:9

Anei jing klei bhiăn kơ mnơ̆ng myơr čuh. Mnơ̆ng myơr čuh srăng dôk ti anôk arăng kuč pui ti dlông knưl jih mlam tơl aguah, leh anăn arăng srăng kiă pui ti dlông knưl brei dôk ƀơ̆ng nanao.

Bruă Lêwi 8:3

leh anăn bi kƀĭn jih jang phung ƀuôn sang ti ƀăng bhă sang čhiăm klei bi kƀĭn.”

Bruă Lêwi 8:31

Y-Môis lač kơ Y-Arôn leh anăn phung anak êkei ñu, “Atŭk bĕ kđeh ti ƀăng bhă sang čhiăm klei bi kƀĭn, ƀơ̆ng gơ̆ tinăn leh anăn ƀơ̆ng kpŭng hlăm bai mnơ̆ng myơr kơ klei pioh brei, tui si kâo mtă leh, lač, ‘Y-Arôn leh anăn phung anak êkei ñu srăng ƀơ̆ng gơ̆.’

Y-Malaki 1:12

Ƀiădah diih bi čhŏ gơ̆ êjai diih lač, “Jhưng Yêhôwa jing čhŏ leh,” leh anăn “bi mnơ̆ng ƀơ̆ng huă leh anăn boh kroh mơ̆ng ñu, hmei bi êmut.”

Y-Mathiơ 12:4

si ñu mŭt hlăm sang Aê Diê leh anăn ñu leh anăn phung ñu ƀơ̆ng kpŭng myơr kơ Aê Diê, wăt kpŭng anăn ñu amâo bhiăn dưi ƀơ̆ng ôh, knŏng pioh kơ phung khua ngă yang ƀơ̆ng?

Y-Markôs 2:26

si klei ñu mŭt hlăm sang Aê Diê ênuk Y-Abiathar jing khua ngă yang prŏng leh anăn ƀơ̆ng kpŭng myơr kơ Aê Diê, kpŭng anăn pioh knŏng kơ phung khua ngă yang, phung mkăn amâo dưi ƀơ̆ng ôh, leh anăn Y-Đawit brei wăt kơ mnuih mbĭt hŏng ñu?”

Y-Luk 6:4

si klei ñu mŭt hlăm sang Aê Diê leh anăn mă ƀơ̆ng kpŭng myơr kơ Aê Diê, leh anăn brei kơ phung mbĭt hŏng ñu? Kpŭng anăn pioh knŏng kơ phung khua ngă yang dưi ƀơ̆ng.”

I Y-Samuel 21:6

Snăn khua ngă yang brei kơ ñu kpŭng pioh kơ Aê Diê; kyuadah amâo mâo kpŭng mkăn ti anăn ôh, knŏng kpŭng pioh kơ Aê Diê, dŏ anăn arăng mă mơ̆ng ti anăp Yêhôwa, leh anăn bi mlih hŏng kpŭng hlơr ti hruê arăng mă kpŭng hđăp.