Bruă Lêwi 24:8 - Klei Aê Diê Blŭ 2015

⁸ Grăp hruê sabat Y-Arôn srăng dăp dŏ anăn djŏ pruê̆ nanao ti anăp Yêhôwa, jing mnơ̆ng phung ƀuôn sang Israel myơr, jing klei bi mguôp hlŏng lar.

Bruă Lêwi 24:8 Iomraidhean Croise

I Klei Yăl Dliê 23:29

čiăng đru msĕ hlăm bruă ngă kpŭng myơr kơ Aê Diê, kpŭng ƀhĭ pioh kơ mnơ̆ng myơr kpŭng ƀhĭ, ƀêñ amâo mâo kpei, mnơ̆ng myơr kpŭng ƀhĭ ăm, mnơ̆ng myơr bi lŭk hŏng êa boh ôliwơ, leh anăn jih jang bruă mkă hnơ̆ng lu amâodah prŏng.

I Klei Yăl Dliê 9:32

Msĕ mơh đa đa phung găp djuê diñu mơ̆ng phung Kôhat mâo bruă mkra kpŭng myơr kơ Aê Diê grăp hruê sabat.

II Klei Yăl Dliê 13:11

Diñu myơr kơ Yêhôwa grăp aguah leh anăn grăp tlam mnơ̆ng myơr čuh leh anăn mnơ̆ng ƀâo mngưi hŏng êa ƀâo mngưi, dăp kpŭng myơr kơ Aê Diê ti dlông jhưng mah doh, leh anăn răng kriê jơ̆ng diăn mah čiăng kơ pui kđen mtrang mngač grăp tlam; kyuadah hmei djă pioh klei Yêhôwa Aê Diê hmei mtă leh, ƀiădah diih lui wir Ñu leh.

II Klei Yăl Dliê 2:4

Nĕ anei kâo dơ̆ng mdơ̆ng sa boh sang pioh kơ Anăn Yêhôwa Aê Diê kâo, leh anăn myơr pioh sang anăn kơ Ñu pioh čuh mnơ̆ng ƀâo mngưi ti anăp Ñu, leh anăn kơ klei myơr nanao kpŭng myơr kơ Aê Diê, leh anăn kơ mnơ̆ng myơr čuh aguah leh anăn tlam, ti hruê sabat leh anăn ti hruê mlan mrâo ƀlĕ, leh anăn kơ hruê knăm bi kčah leh kơ Yêhôwa Aê Diê hmei, tui si mâo klei mtă leh hlŏng lar kơ phung Israel.

Y-Nêhêmi 10:33

kơ kpŭng myơr kơ Aê Diê, kpŭng ƀhĭ myơr tui si bhiăn, mnơ̆ng myơr čuh tui si bhiăn, kơ hruê sabat, kơ mlan mrâo, kơ klei huă mnăm bi kčah leh, kơ mnơ̆ng myơr doh jăk, leh anăn kơ mnơ̆ng myơr kyua klei soh čiăng ngă klei bi doh klei soh kơ phung Israel, leh anăn kơ jih jang bruă sang Aê Diê hmei.

Klei Kbiă 25:30

Brei ih dưm ti dlông jhưng anăn kpŭng myơr dôk nanao ti anăp Kâo.”

Klei Yap 4:7

Diñu srăng lang čhiăm piơk ti dlông jhưng kpŭng myơr kơ Aê Diê, leh anăn dưm ti dlông gơ̆: hlao, jam mnơ̆ng ƀâo mngưi, êlŭ, leh anăn kčok pioh mnơ̆ng myơr mnăm; kpŭng dôk nanao arăng srăng dưm ti dlông gơ̆.

I Y-Samuel 21:7

Mâo sa čô êkei hlăm phung dĭng buăl Y-Sôl dôk tinăn hruê anăn, mâo klei kơ̆ng hĕ ti anăp Yêhôwa, anăn gơ̆ Y-Dôek sa čô êkei Êđôm, khua kơ phung mgăt biăp Y-Sôl.