Bruă Lêwi 24:7 - Klei Aê Diê Blŭ 2015

⁷ Brei ih dưm mnơ̆ng ƀâo mngưi doh mbĭt hŏng grăp pruê̆, čiăng kơ dŏ anăn dưi dôk mbĭt hŏng kpŭng jing kdrêč bi hdơr arăng myơr brei pui ƀơ̆ng kơ Yêhôwa.

Bruă Lêwi 24:7 Iomraidhean Croise

Klei Mphŭn Dơ̆ng 9:16

Tơdah kêñ krô dôk hlăm knam, Kâo srăng dlăng kơ ñu čiăng kơ Kâo hdơr klei bi mguôp hlŏng lar ngă leh mơ̆ng Aê Diê hŏng jih jang mnơ̆ng hdĭp ti rŏng lăn ala.”

Klei Kbiă 12:14

Hruê anei srăng jing kơ diih sa hruê bi hdơr. Brei diih pioh ñu jing klei knăm kơ Yêhôwa. Hlăm jih jang ênuk brei diih pioh klei knăm anei jing klei mtă hlŏng lar.

Klei Kbiă 13:9

Klei anăn jing klei bi knăl ti kngan ih leh anăn mnơ̆ng bi hdơr ti adhei ih, čiăng kơ klei bhiăn Yêhôwa dưi dôk hlăm ƀăng êgei ih; kyuadah hŏng kngan myang Yêhôwa bi kbiă ih leh mơ̆ng čar Êjip.

Klei Kbiă 17:14

Yêhôwa lač kơ Y-Môis, “Čih klei anei hlăm hdruôm hră klĭt čiăng bi hdơr leh anăn răk klei anei kơ Y-Yôsuê, klei Kâo srăng ngă tơl arăng amâo lŏ hdơr ôh kơ Y-Amalek ti lăn ala.”

Klei Kbiă 28:12

Brei ih dưm dua klŏ boh tâo anăn ti čhiăm guôm mra ao êphôt, jing boh tâo bi hdơr kơ phung anak êkei Y-Israel; leh anăn Y-Arôn srăng băk anăn diñu ti dua nah mra ñu jing klei bi hdơr ti anăp Yêhôwa.

Y-Êsai 43:23

Diih amâo myơr kơ Kâo ôh biăp diih jing mnơ̆ng myơr čuh, kăn diih mpŭ rei kơ Kâo hŏng mnơ̆ng diih ngă yang. Kâo amâo tuôm bi ktrŏ diih hŏng mnơ̆ng myơr ôh, kăn tuôm bi êmăn diih rei hŏng mnơ̆ng ƀâo mngưi.

Bruă Lêwi 2:1

“Tơdah sa čô ba mdiê kuê jing mnơ̆ng myơr kơ Yêhôwa, mnơ̆ng ñu myơr srăng jing kpŭng ƀhĭ; ñu srăng hlĭng êa boh ôliwơ ti dlông gơ̆, leh anăn dưm mnơ̆ng ƀâo mngưi ti dlông gơ̆.

Bruă Lêwi 2:2

Ñu srăng ba gơ̆ kơ phung anak êkei Y-Arôn phung khua ngă yang. Khua ngă yang srăng mă mơ̆ng gơ̆ sa kpăt kpŭng ƀhĭ leh anăn êa boh ôliwơ, mbĭt hŏng jih mnơ̆ng ƀâo mngưi gơ̆; leh anăn khua ngă yang srăng čuh dŏ anăn ti dlông knưl jing kdrêč bi hdơr, sa mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Bruă Lêwi 2:9

Leh anăn khua ngă yang srăng mă mơ̆ng mnơ̆ng myơr kpŭng ƀhĭ kdrêč bi hdơr leh anăn čuh gơ̆ ti knưl, jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Y-Yôhan 6:35

Yêsu lač kơ digơ̆, “Kâo jing kpŭng klei hdĭp; hlei pô hriê kơ Kâo amâo srăng tuôm êpa, leh anăn hlei pô đăo kơ Kâo amâo srăng tuôm mhao ôh.

Y-Yôhan 6:51

Kâo jing kpŭng klei hdĭp trŭn mơ̆ng adiê. Tơdah sa čô ƀơ̆ng kpŭng anei, ñu srăng dôk hdĭp hlŏng lar; leh anăn kpŭng Kâo srăng brei pioh kơ klei hdĭp phung lăn ala jing kđeh Kâo pô.”

Bruă Phung Khua Ƀĭng Kna 10:31

lač, ‘Ơ Y-Kornei, Aê Diê hmư̆ leh klei ih wah lač, leh anăn Ñu hdơr mnơ̆ng ih brei pap.

Bruă Phung Khua Ƀĭng Kna 10:4

Hŏng klei huĭ snăk ñu dlăng amâo kƀreh ală ôh kơ dĭng buăl jăk leh anăn lač, “Ya klei mâo, Ơ Khua?” Dĭng buăl jăk lač kơ ñu, “Klei ih wah lač leh anăn mnơ̆ng ih brei pap đĭ leh truh kơ Aê Diê, leh anăn Aê Diê hdơr kơ klei anăn.

Êphêsô 1:6

Ñu čiăng kơ drei bi mni kơ klei pap guh kơang Ñu, Ñu brei leh kơ drei êbeh dlai hlăm Anak Ñu khăp êdimima.

Hêbrơ 7:25

Kyua anăn Ñu dưi bi mtlaih hlŏng lar phung nao giăm Aê Diê hlăm Ñu, kyuadah Ñu dôk hdĭp nanao đru wah lač brei kơ digơ̆.