Bruă Lêwi 24:2 - Klei Aê Diê Blŭ 2015

² “Mtă bĕ kơ phung ƀuôn sang Israel djă ba kơ ih êa phŭn kbiă mơ̆ng boh ôliwơ ƀhĭ leh pioh yua kơ pui kđen, čiăng kơ pui kđen dôk trơ̆ng nanao.

Bruă Lêwi 24:2 Iomraidhean Croise

II Klei Yăl Dliê 13:11

Diñu myơr kơ Yêhôwa grăp aguah leh anăn grăp tlam mnơ̆ng myơr čuh leh anăn mnơ̆ng ƀâo mngưi hŏng êa ƀâo mngưi, dăp kpŭng myơr kơ Aê Diê ti dlông jhưng mah doh, leh anăn răng kriê jơ̆ng diăn mah čiăng kơ pui kđen mtrang mngač grăp tlam; kyuadah hmei djă pioh klei Yêhôwa Aê Diê hmei mtă leh, ƀiădah diih lui wir Ñu leh.

Klei Mmuñ Hđăp 119:105

Klei Ih blŭ jing pui kđen kơ jơ̆ng kâo, leh anăn klei mngač kơ êlan kâo.

Klei Mmuñ Hđăp 119:130

Klei mblang klei Ih blŭ brei klei mngač; ñu brei klei thâo săng kơ phung hơăi mang.

Klei Kbiă 39:37

jơ̆ng diăn mah doh wăt pui kđen ñu, jing pui kđen anăn mkra leh, mnơ̆ng yua kơ ñu, leh anăn êa boh ôliwơ kơ pui kđen;

Klei Kbiă 40:24

Ñu dưm jơ̆ng diăn hlăm sang čhiăm klei bi kƀĭn, phă hŏng jhưng tĭng dhŭng sang čhiăm,

Klei Bi Hriêng 6:23

Kyuadah klei mtă jing pui kđen, klei mtô jing klei mngač, leh anăn klei ƀuah čiăng mkra jing êlan nao kơ klei hdĭp,

Y-Êsai 11:2

Mngăt Myang Yêhôwa srăng dôk ti dlông Ñu, Mngăt Myang klei thâo mĭn leh anăn klei thâo săng, Mngăt Myang klei kčĕ leh anăn klei myang, Mngăt Myang klei thâo kral leh anăn klei huĭ mpŭ kơ Yêhôwa.

Y-Êsai 8:20

Ksiêm bĕ klei mtô leh anăn klei hưn! Tơdah diñu amâo blŭ djŏ si klei blŭ anei, diñu amâo mâo klei mngač ôh.

Bruă Lêwi 24:1

Yêhôwa lač kơ Y-Môis,

Bruă Lêwi 24:3

Ti êngao čhiăm păng hip klei bi mguôp hlăm sang čhiăm bi kƀĭn, Y-Arôn srăng răng kriê pui anăn dôk trơ̆ng nanao mơ̆ng tlam truh aguah ti anăp Yêhôwa. Anăn jing klei bhiăn dôk nanao hlăm jih jang ênuk diih.

Y-Mathiơ 4:16

phung mnuih ƀuôn sang hdĭp hlăm klei mmăt ƀuh leh klei mngač prŏng, leh anăn klei mngač mtrang leh kơ phung mnuih hdĭp hlăm anôk leh anăn êyui klei djiê.”

Y-Mathiơ 5:16

Msĕ mơh brei klei mngač diih mtrang ti anăp mnuih, čiăng kơ diñu dưi ƀuh bruă jăk diih ngă leh anăn diñu mpŭ mni kơ Ama diih hlăm adiê.”

Y-Luk 1:79

čiăng mtrang bi mngač phung dôk gŭ hlăm klei mmăt leh anăn hlăm êyui klei djiê, čiăng atăt drei êbat hlăm êlan klei êđăp ênang.”

Y-Luk 12:35

“Brei diih hyuă hdrăng kơiêng, leh anăn brei pui kđen diih dôk trơ̆ng nanao.

Y-Yôhan 1:4

Hlăm Ñu mâo klei hdĭp, leh anăn klei hdĭp anăn jing klei mngač kơ mnuih.

Y-Yôhan 1:9

Klei mngač anăn jing klei mngač sĭt, tơdah Ñu truh ti lăn ala, Ñu mtrang kơ grăp čô mnuih.

Y-Yôhan 5:35

Y-Yôhan jing pui kđen dôk trơ̆ng leh anăn mtrang mngač, leh anăn diih čiăng dôk mơak bhiâo hlăm klei mngač gơ̆.

Y-Yôhan 8:12

Yêsu lŏ blŭ kơ phung diñu, lač, “Kâo jing klei mngač kơ lăn ala. Hlei pô tui hlue Kâo amâo srăng êbat hlăm klei mmăt ôh, ƀiădah srăng mâo klei mngač kơ klei hdĭp.”

Bruă Phung Khua Ƀĭng Kna 26:18

čiăng mblang ală diñu, brei diñu đuĕ mơ̆ng klei mmăt wir phă kơ klei mngač, leh anăn mơ̆ng klei myang Satan wir phă klei myang Aê Diê, čiăng kơ diñu dưi mă tŭ klei pap brei kơ klei soh leh anăn dưn ngăn mbĭt hŏng phung jing doh jăk leh hŏng klei đăo kơ Kâo.’ ”

II Kôrantô 4:6

Kyuadah Aê Diê Pô lač leh, “Brei klei mngač mtrang hlăm anôk mmăt,” mtrang leh hlăm ai tiê hmei, čiăng brei klei mngač mơ̆ng klei thâo săng klei guh kơang Aê Diê mtrang mơ̆ng ƀô̆ mta Krist.