Bruă Lêwi 24:11 - Klei Aê Diê Blŭ 2015

¹¹ Anak êkei mniê Israel blŭ mgao tăm pah kơ anăn Yêhôwa. Arăng atăt ba gơ̆ kơ Y-Môis. Anăn amĭ gơ̆ H'Sêlômit, anak mniê Y-Dibri, mơ̆ng găp djuê Dan.

Bruă Lêwi 24:11 Iomraidhean Croise

II Y-Samuel 12:14

Ƀiădah kyuadah hŏng klei ih ngă anei ih mưč leh kơ Yêhôwa, anak arăng kkiêng kơ ih srăng djiê.”

I Bruă Mtao 21:10

leh anăn dưm dua čô êkei ƀai ti anăp ñu, leh anăn brei dua čô anăn kčŭt kơ ñu, lač, ‘Ih tăm pah leh kơ Aê Diê leh anăn kơ mtao.’ Leh anăn mă ñu kơ tač leh anăn bhĭr boh tâo bi mdjiê ñu.”

I Bruă Mtao 21:13

Phung dua čô êkei ƀai hriê dôk gŭ ti anăp ñu; leh anăn phung êkei ƀai anăn kčŭt mčeh kơ Y-Nabôt ti anăp phung ƀuôn sang, lač, “Y-Nabôt tăm pah leh kơ Aê Diê leh anăn kơ mtao.” Snăn diñu mă gơ̆ kơ tač ƀuôn leh anăn bhĭr boh tâo bi mdjiê gơ̆.

II Bruă Mtao 18:30

Đăm brei Y-Hêsêkia brei diih knang kơ Yêhôwa êjai lač, Sĭt nik Yêhôwa srăng bi mtlaih drei, leh anăn arăng amâo srăng jao ôh ƀuôn anei hlăm kngan mtao Asiri.’

II Bruă Mtao 18:35

Hlei hlăm jih jang phung yang hlăm čar diñu tuôm bi mtlaih leh čar diñu mơ̆ng kngan kâo, tơl Yêhôwa srăng bi mtlaih ƀuôn Yêrusalem mơ̆ng kngan kâo?’ ”

II Bruă Mtao 18:37

Y-Êliakim anak êkei Y-Hilkia pô kiă kriê sang, Y-Sêpna khua čih hră, leh anăn Y-Jôa anak êkei Y-Asap pô kăp čih pioh klei truh, nao kơ Y-Hêsêkia hŏng čhiăm ao diñu hiêk leh, leh anăn yăl dliê kơ gơ̆ klei Rapsaka blŭ.

II Bruă Mtao 19:10

“Snei klei diih srăng blŭ kơ Y-Hêsêkia mtao Yuđa: ‘Đăm brei Aê Diê ih, Pô ih knang, mplư ih ôh êjai ƀuăn amâo srăng jao ƀuôn Yêrusalem hlăm kngan mtao Asiri ôh.

II Bruă Mtao 19:22

Kơ hlei pô ih mưč leh anăn dlao wač leh? Kơ hlei pô ih ur bi kdơ̆ng leh anăn angưi ală hŏng klei mgao? Hŏng Pô Doh Jăk phung Israel!

II Bruă Mtao 19:6

Y-Êsai lač kơ diñu, “Lač bĕ kơ khua diih, ‘Snei Yêhôwa lač: Đăm huĭ ôh kyua klei blŭ diih hmư̆ leh, hŏng klei anăn phung dĭng buăl mtao Asiri dlao wač leh kơ Kâo.

Y-Yôp 1:11

Ƀiădah ară anei hin yơr bĕ kngan Ih leh anăn ngă hĕ kơ jih jang mnơ̆ng ñu mâo, hlăk anăn yơh ñu srăng tăm pah kơ Ih, ti anăp ƀô̆ mta Ih.”

Y-Yôp 1:22

Hlăm jih klei anăn, Y-Yôp amâo ngă soh ôh, kăn kčŭt ƀuah Aê Diê rei.

Y-Yôp 1:5

Tơdah hruê huă mnăm ruê̆ leh, Y-Yôp bhiăn iêô leh anăn bi doh hĕ phung diñu, leh anăn gơ̆ bhiăn kgŭ ưm aguah leh anăn myơr mnơ̆ng myơr čuh tui si grăp čô diñu; kyuadah Y-Yôp lač, “Năng ai phung anak êkei kâo ngă soh leh, leh anăn tăm pah kơ Aê Diê hlăm ai tiê diñu.” Msĕ snăn Y-Yôp khăng ngă nanao.

Y-Yôp 2:5

Ƀiădah yơr bĕ kngan Ih ară anei ngă kơ klang leh anăn kđeh ñu, hlăk anăn ñu srăng tăm pah kơ Ih ti anăp ƀô̆ mta Ih.”

Klei Mmuñ Hđăp 74:18

Brei Ih hdơr kơ klei pô roh mưč leh Ih, Ơ Yêhôwa, sa phung găp djuê mluk mgu blŭ mgao kơ anăn Ih.

Klei Mmuñ Hđăp 74:22

Kgŭ bĕ Ih, Ơ Aê Diê, mgang klei Ih; brei Ih hdơr kơ klei phung mluk mgu mưč kơ Ih jih hruê.

Klei Kbiă 18:22

Brei diñu kăp phat kđi phung ƀuôn sang nanao; brei diñu ba ti anăp ih jih jang kđi klei prŏng, leh anăn brei phung khua anăn blŭ kđi đơ điêt. Snăn bruă ih hdjul hĭn, leh anăn digơ̆ srăng đru klam klei ktrŏ mbĭt hŏng ih.

Klei Kbiă 18:26

Diñu kăp phat kđi phung ƀuôn sang. Diñu ba ti anăp Y-Môis jih klei kđi dleh, leh anăn diñu blŭ diñu pô jih jang klei kđi đơ điêt.

Klei Kbiă 20:7

Đăm ih yua anăn Yêhôwa Aê Diê ih hơăi mang ôh, kyuadah Yêhôwa amâo srăng yap kpă ôh pô yua anăn Ñu hơăi mang.

Klei Kbiă 22:28

Đăm dlao wač kơ Aê Diê ôh, kăn tăm pah kơ sa čô khua phung ƀuôn sang ih rei.

Klei Kbiă 3:15

Aê Diê lŏ lač kơ Y-Môis, “Brei ih blŭ kơ phung ƀuôn sang Israel snei, ‘Yêhôwa, Aê Diê phung aê diih, Aê Diê Y-Abraham, Aê Diê Y-Isăk, leh anăn Aê Diê Y-Yakôp, tiŏ hriê kâo kơ diih.’ Anei yơh anăn Kâo hlŏng lar, anei yơh arăng srăng hdơr kơ Kâo hlăm jih jang ênuk.

Y-Êsai 8:21

Diñu srăng găn hiu hlăm čar, rŭng răng snăk leh anăn êpa. Tơdah diñu êpa, diñu srăng ngêñ leh anăn angưi dlăng kơ dlông leh anăn tăm pah kơ mtao diñu leh anăn kơ Aê Diê diñu.

Bruă Lêwi 24:10

Mâo sa čô êkei, amĭ gơ̆ mniê Israel, ama gơ̆ jing sa čô Êjip, hiu ti krah phung ƀuôn sang Israel bi mneh msao hŏng sa čô êkei Israel hlăm wăl.

Y-Mathiơ 26:65

Hlăk anăn khua ngă yang prŏng hiêk ao jhung ñu leh anăn lač, “Ñu blŭ mgao hŏng Aê Diê leh. Ya drei lŏ čiăng kơ pô kčŭt ară anei? Diih hmư̆ leh klei ñu blŭ mgao.

Hră Y-Pôl Mơĭt kơ Phung Rôm 2:24

Kyuadah tui si klei čih leh, “Kyua diih yơh phung tue blŭ dlao wač kơ anăn Aê Diê.”

I Y-Timôthê 1:13

Mphŭn dô kâo jing sa čô blŭ mgao, ngă jhat, leh anăn dlao wač kơ Ñu. Ƀiădah kâo mă tŭ leh klei pap, kyuadah kâo ngă hŏng klei amâo thâo săng, hlăm klei amâo đăo ôh.

Klei Bi Êdah 16:11

leh anăn tăm pah kơ Aê Diê hlăm adiê kyua klei ruă leh anăn tiêng diñu, ƀiădah amâo kmhal ôh kơ bruă diñu ngă.

Klei Bi Êdah 16:21

Mâo lu boh tâo pliêr prŏng, boh ktrŏ sa boh êma pluh kilô, lĕ mơ̆ng adiê djŏ kơ mnuih, tơl phung mnuih tăm pah kơ Aê Diê kyua klei bi knap hŏng boh tâo pliêr anăn, kyuadah klei bi knap anăn jing prŏng snăk.