Bruă Lêwi 23:6 - Klei Aê Diê Blŭ 2015

⁶ Leh anăn ti hruê tal pluh êma mlan anăn jing Knăm Kpŭng Amâo Mâo Kpei kơ Yêhôwa; diih srăng ƀơ̆ng kpŭng amâo mâo kpei êjai kjuh hruê.

Bruă Lêwi 23:6 Iomraidhean Croise

Klei Kbiă 12:14

Hruê anei srăng jing kơ diih sa hruê bi hdơr. Brei diih pioh ñu jing klei knăm kơ Yêhôwa. Hlăm jih jang ênuk brei diih pioh klei knăm anei jing klei mtă hlŏng lar.

Klei Kbiă 23:15

Brei ih ngă klei knăm kơ Kpŭng Amâo Mâo Kpei; tui si Kâo mtă leh, ih srăng ƀơ̆ng kpŭng amâo mâo kpei êjai kjuh hruê bi kčah leh hlăm mlan pă, kyuadah mlan anăn yơh ih kbiă leh mơ̆ng čar Êjip. Đăm brei sa čô hriê ti anăp Kâo hŏng kngan mang ôh.

Klei Kbiă 34:18

Brei ih hdơr pioh Klei Knăm Kpŭng Amâo Mâo Kpei. Tui si Kâo mtă leh kơ ih, brei ih ƀơ̆ng kpŭng amâo mâo kpei êjai kjuh hruê ti yan bi kčah leh hlăm mlan Abib; kyuadah hlăm mlan Abib ih kbiă mơ̆ng čar Êjip.

Klei Mtô Mñă Klei Bhiăn 16:3

Đăm ƀơ̆ng ôh mnơ̆ng myơr anăp mbĭt ôh kpŭng mâo kpei; êjai kjuh hruê brei diih ƀơ̆ng mbĭt hŏng kpŭng amâo mâo kpei, jing kpŭng klei knap — kyuadah diih kbiă leh mơ̆ng ala čar Êjip hŏng klei đuĕ ruăt yơh — čiăng kơ jih jang hruê diih dôk hdĭp diih dưi hdơr kơ hruê diih kbiă mơ̆ng čar Êjip.

Klei Mtô Mñă Klei Bhiăn 16:8

Êjai năm hruê brei diih ƀơ̆ng kpŭng amâo mâo kpei; leh anăn ti hruê tal kjuh srăng mâo hruê kƀĭn mpŭ kơ Yêhôwa Aê Diê diih; diih amâo dưi ngă sa mta bruă ôh hruê anăn.