Bruă Lêwi 23:3 - Klei Aê Diê Blŭ 2015

³ Arăng srăng mă bruă êjai năm hruê; ƀiădah hruê tal kjuh jing hruê sabat, hruê mdei mâo klei mpŭ, sa klei bi kƀĭn doh jăk. Đăm ngă sa mta bruă ôh; anăn jing hruê sabat kơ Yêhôwa hlăm jih jang anôk diih dôk.

Bruă Lêwi 23:3 Iomraidhean Croise

Klei Kbiă 16:23

Y-Môis lač kơ diñu, “Klei anei Yêhôwa mtă leh: ‘Mgi jing hruê mdei, hruê sabat doh jăk kơ Yêhôwa. Ăm bĕ hnơ̆ng diih čiăng ăm, tŭk bĕ hnơ̆ng diih čiăng tŭk, leh anăn pioh truh kơ aguah jih mnơ̆ng adôk.’ ”

Klei Kbiă 16:29

Brei diih thâo săng, Yêhôwa brei leh kơ diih hruê sabat; kyuanăn ti hruê tal năm Ñu brei kơ diih kpŭng djăp kơ dua hruê. Brei grăp čô dôk ti anôk ñu pô, leh anăn đăm brei mnuih kbiă mơ̆ng anôk ñu dôk ôh ti hruê tal kjuh.”

Klei Kbiă 16:30

Snăn phung ƀuôn sang mdei hruê tal kjuh.

Klei Kbiă 23:12

Êjai năm hruê brei ih mă bruă, ƀiădah hruê tal kjuh brei ih mdei; čiăng kơ êmô leh anăn aseh dliê ih dưi mdei mơh, leh anăn anak êkei dĭng buăl mniê ih leh anăn mnuih tue dưi lŏ jing mơai.

Klei Kbiă 34:21

Brei ih mă bruă năm hruê, ƀiădah brei ih mdei hruê tal kjuh; brei ih mdei wăt yan kai leh anăn yan puôt.

Y-Êsai 56:2

Jăk mơak yơh kơ mnuih ngă klei anăn, leh anăn kơ anak mnuih djă pioh gơ̆ kjăp, pô pioh hruê sabat amâo bi čhŏ gơ̆ ôh, leh anăn kơ̆ng kngan ñu amâo ngă sa mta klei jhat ôh.”

Y-Êsai 56:6

Leh anăn phung tue bi mguôp diñu pô hŏng Yêhôwa, čiăng mă bruă kơ Ñu, čiăng khăp kơ anăn Yêhôwa, čiăng jing phung dĭng buăl Ñu, grăp čô djă pioh hruê sabat amâo bi čhŏ gơ̆ ôh, leh anăn djă pioh kjăp klei Kâo bi mguôp,

Y-Êsai 58:13

“Tơdah ih mdei mă bruă êjai hruê sabat, amâo ngă ôh klei ih čiăng hlăm hruê doh jăk Kâo, leh anăn pia hruê sabat jing klei mơak leh anăn hruê doh jăk Yêhôwa năng arăng mpŭ; leh anăn tơdah ih mpŭ kơ hruê sabat amâo ngă ôh tui si êlan ih pô, amâo duah ôh klei bi mơak kơ ih pô, kăn blŭ klei hơăi mang rei,

Bruă Lêwi 19:3

Brei grăp čô diih mpŭ kơ amĭ ama pô, leh anăn brei diih hdơr pioh hruê sabat Kâo. Kâo jing Yêhôwa Aê Diê diih.

Y-Luk 13:14

Ƀiădah khua sang bi kƀĭn ăl kyuadah Yêsu bi hlao êjai hruê sabat, leh anăn ñu lač kơ phung ƀuôn sang, “Mâo năm hruê pioh mă bruă; hriê bĕ hruê anăn čiăng mâo klei bi hlao, ƀiădah amâo djŏ êjai hruê sabat ôh.”

Y-Luk 23:56

Leh anăn diñu wĭt mprăp mnơ̆ng ƀâo mngưi leh anăn êa mñak. Diñu mdei hruê sabat tui si klei bhiăn.

Bruă Phung Khua Ƀĭng Kna 15:21

Kyuadah dơ̆ng mơ̆ng ênuk đưm mâo hlăm grăp boh ƀuôn phung mtô klei bhiăn Y-Môis, kyuadah arăng dlăng klei bhiăn anăn grăp hruê sabat hlăm sang bi kƀĭn.”

Klei Bi Êdah 1:10

Ti hruê Khua Yang, kâo dôk hlăm Mngăt Myang, leh anăn kâo hmư̆ ti tluôn kâo sa asăp kraih msĕ si asăp sa ƀĕ ki,