Bruă Lêwi 23:2 - Klei Aê Diê Blŭ 2015

² “Lač bĕ kơ phung ƀuôn sang Israel, ‘Jih jang knăm kơ Yêhôwa diih srăng hưn jing klei bi kƀĭn doh jăk; anei jing jih hruê knăm Kâo bi kčah leh.

Bruă Lêwi 23:2 Iomraidhean Croise

II Bruă Mtao 10:20

Y-Jêhu mtă, “Pioh bĕ sa klei bi kƀĭn hŏng klei mpŭ kơ yang Baal.” Snăn arăng hưn klei bi kƀĭn anăn.

I Klei Yăl Dliê 23:31

leh anăn tơdah arăng myơr mnơ̆ng myơr čuh kơ Yêhôwa ti hruê sabat, ti hruê mlan mrâo ƀlĕ, ti hruê knăm prŏng, tui si ênoh arăng mtă kơ diñu nanao ti anăp Yêhôwa.

II Klei Yăl Dliê 2:3

Y-Salômôn mơĭt asăp blŭ kơ Y-Huram mtao ƀuôn Tir: “Msĕ si ih ngă leh hŏng Y-Đawit ama kâo leh anăn mơĭt leh kơ ñu kyâo sêdar čiăng mdơ̆ng kơ ñu pô sa boh sang dôk, msĕ snăn ngă bĕ kơ kâo mơh.

II Klei Yăl Dliê 30:5

Snăn diñu mtă čiăng ngă sa klei hưn tar ƀar čar Israel, mơ̆ng ƀuôn Bêr-Sêba truh kơ ƀuôn Dan, čiăng kơ phung ƀuôn sang hriê leh anăn hdơr mpŭ knăm Klei Găn kơ Yêhôwa Aê Diê phung Israel ti ƀuôn Yêrusalem; kyuadah lu diñu amâo hdơr mpŭ ôh tui si klei mtă leh.

Y-Êsra 3:5

Êdei kơ anăn diñu myơr mnơ̆ng myơr čuh nanao, mnơ̆ng myơr ti mlan mrâo ƀlĕ, leh anăn ti jih jang klei huă mnăm kơ Yêhôwa bi kčah leh, leh anăn mnơ̆ng grăp čô myơr hŏng ai tiê čŏng čiăng kơ Yêhôwa.

Klei Mmuñ Hđăp 81:3

Ayŭ ki ti hruê mlan mrâo ƀlĕ, ti mlan pŭr, ti hruê knăm drei.

Klei Kbiă 32:5

Tơdah Y-Arôn ƀuh klei anăn, ñu mdơ̆ng sa boh knưl ti anăp gơ̆; leh anăn ñu ur hưn, “Mgi srăng mâo klei knăm mpŭ kơ Yêhôwa.”

Y-Êsai 33:20

Dlăng bĕ kơ Siôn, ƀuôn drei pioh ngă lu klei knăm. Ală ih srăng ƀuh ƀuôn Yêrusalem, anôk dôk êđăp ênang, sang čhiăm arăng amâo bi mđuĕ kơ anôk mkăn ôh, giê pơ̆ng ñu arăng amâo srăng tuôm buč ôh, leh anăn klei kuĭ ñu arăng kăn srăng bi tloh rei.

Klei Čŏk Hia 1:4

Jih êlan nao kơ ƀuôn Siôn kơŭ kyăm, kyuadah amâo mâo pô nao kơ klei knăm bi kčah leh; jih jang ƀăng jang ñu jing ênguôl, phung khua ngă yang ñu ur krao; phung mniê êra hrông ñu kơŭ kyăm, leh anăn ñu pô ênguôt êdi.

Y-Êsêkiêl 44:24

Hlăm klei phat kđi phung khua ngă yang srăng jing phung khua phat kđi, leh anăn diñu srăng phat kđi tui si klei bhiăn Kâo. Diñu srăng djă pioh klei bhiăn Kâo leh anăn klei Kâo mtă hlăm jih jang hruê knăm Kâo bi kčah leh, leh anăn diñu srăng hdơr mpŭ kơ hruê sabat Kâo doh jăk.

Y-Ôsê 2:11

Kâo srăng bi ruê̆ hĕ jih jang klei hơ̆k ñu, jih hruê knăm ñu, mlan mrâo ñu, hruê sabat ñu, leh anăn jih jang hruê knăm yuôm ƀi kčah leh.

Y-Yôel 1:14

Mkra bĕ klei kăm ƀơ̆ng huă, iêô bĕ arăng kơ klei bi kƀĭn mâo klei mpŭ. Bi kƀĭn bĕ phung mduôn leh anăn jih jang phung dôk hlăm čar ti sang Yêhôwa Aê Diê diih, leh anăn ur kwưh bĕ kơ Yêhôwa.

Y-Yôel 2:15

Ayŭ bĕ ki hlăm ƀuôn Siôn, mkra bĕ klei kăm ƀơ̆ng huă; iêô bĕ arăng kơ klei bi kƀĭn mâo klei mpŭ,

Bruă Lêwi 23:1

Yêhôwa lač kơ Y-Môis,

Bruă Lêwi 23:21

Hruê anăn mơh brei diih ngă klei hưn; diih srăng mâo klei bi kƀĭn doh jăk; diih amâo dưi ngă sa mta bruă kơ kđeh ôh. Anăn jing klei bhiăn dôk nanao jih jang ênuk diih hlăm jih jang anôk diih dôk.

Bruă Lêwi 23:37

Anăn jing jih hruê knăm kơ Yêhôwa bi kčah leh, klei anăn diih srăng hưn jing hruê bi kƀĭn doh jăk, čiăng ba kơ Yêhôwa mnơ̆ng myơr brei pui ƀơ̆ng, mnơ̆ng myơr čuh leh anăn mnơ̆ng myơr kpŭng ƀhĭ, mnơ̆ng ngă yang leh anăn mnơ̆ng myơr mnăm, grăp mnơ̆ng djŏ hruê gơ̆,

Bruă Lêwi 23:4

Anei jing jih hruê knăm bi kčah leh kơ Yêhôwa, klei bi kƀĭn doh jăk, diih srăng hưn ti hruê bi kčah leh.

Bruă Lêwi 23:44

Snăn yơh Y-Môis hưn kơ phung ƀuôn sang Israel jih klei knăm kơ Yêhôwa bi kčah leh.

Y-Nahum 1:15

Nĕ anei, ti dlông čư̆ jơ̆ng pô ba klei mrâo mrang jăk, pô hưn klei êđăp ênang! Djă pioh hruê knăm ih, Ơ Yuđa, bi sĭt bĕ klei ih ƀuăn, kyuadah pô ƀai amâo srăng lŏ tuôm hriê bi kdơ̆ng hŏng ih ôh, ñu rai tuč leh jih.

Klei Yap 10:10

Msĕ mơh hlăm hruê diih hơ̆k mơak, hlăm hruê klei huă mnăm bi kčah leh, leh anăn ti phŭn mlan diih, brei diih ayŭ ki êjai diih myơr mnơ̆ng myơr čuh leh anăn êjai diih ngă yang myơr mnơ̆ng kơ klei êđăp ênang. Diñu srăng đru diih mâo klei bi hdơr ti anăp Aê Diê diih; Kâo jing Yêhôwa Aê Diê diih.”

Klei Yap 29:39

Anăn yơh mnơ̆ng diih srăng myơr kơ Yêhôwa ti hruê knăm diih bi kčah leh, êngao kơ mnơ̆ng myơr diih bi sĭt klei ƀuăn leh anăn mnơ̆ng diih myơr hŏng ai tiê čŏng čiăng, kơ mnơ̆ng diih myơr čuh, kơ mnơ̆ng diih myơr kpŭng ƀhĭ, kơ mnơ̆ng diih myơr mnăm, leh anăn kơ mnơ̆ng diih myơr kơ klei êđăp ênang.”

Y-Yôhan 5:1

Êdei kơ klei anăn mâo hruê knăm phung Yuđa, Yêsu đĭ nao kơ ƀuôn Yêrusalem.

Kôlôs 2:1

Snăn, kâo čiăng brei diih thâo si klei suăi kâo bi blah kyua diih, leh anăn kyua phung dôk ti ƀuôn Laôdisê, leh anăn kyua jih jang phung amâo tuôm ƀuh ƀô̆ mta kâo ôh,

Kôlôs 2:16

Kyuanăn đăm brei arăng phat kđi diih ôh kyua mnơ̆ng ƀơ̆ng mnăm, amâodah kyua hruê knăm, hruê mlan mrâo ƀlĕ, amâodah hruê sabat.