Bruă Lêwi 23:12 - Klei Aê Diê Blŭ 2015

¹² Ti hruê diih hdai čăp mdiê anăn, brei diih myơr sa drei êđai biăp knô mâo sa thŭn amâo mâo anôk jhat ôh, jing mnơ̆ng myơr čuh kơ Yêhôwa.

Bruă Lêwi 23:12 Iomraidhean Croise

Klei Kbiă 12:5

Êđai biăp anăn amâo srăng mâo anôk jhat ôh, knô mâo sa thŭn leh; diih dưi mă sa drei êđai biăp amâodah sa drei êđai bê.

Bruă Lêwi 1:10

Tơdah mnơ̆ng ñu myơr jing mnơ̆ng myơr čuh mơ̆ng biăp bê, brei ñu myơr sa drei knô amâo mâo anôk jhat ôh.

Bruă Lêwi 1:3

Tơdah mnơ̆ng ñu myơr jing sa mnơ̆ng myơr čuh hŏng êmô, brei ñu myơr sa drei knô amâo mâo anôk jhat ôh. Brei ñu myơr gơ̆ ti ƀăng bhă sang čhiăm klei bi kƀĭn, čiăng ñu dưi mâo klei tŭ ti anăp Yêhôwa.

Bruă Lêwi 23:11

Ñu srăng hdai čăp mdiê anăn ti anăp Yêhôwa, čiăng kơ diih dưi mâo klei Yêhôwa tŭ; hruê êdei kơ hruê sabat khua ngă yang srăng hdai gơ̆.

Bruă Lêwi 23:13

Leh anăn mnơ̆ng myơr kpŭng ƀhĭ mbĭt hŏng gơ̆ srăng jing dua kdrêč hlăm pluh êphah kpŭng ƀhĭ bi lŭk hŏng êa prăi boh ôliwơ, jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa. Mnơ̆ng myơr mnăm mbĭt hŏng gơ̆ srăng jing kpiê, sa kdrêč hlăm pă hin.

I Y-Pêtrôs 1:19

ƀiădah hŏng êrah yuôm Krist, msĕ si êrah sa drei êđai biăp amâo mâo anôk jhat, amâo mâo anôk djiu ruă ôh.