Bruă Lêwi 22:2 - Klei Aê Diê Blŭ 2015

² “Lač bĕ kơ Y-Arôn leh anăn kơ phung anak êkei ñu, brei diñu răng ngă djŏ hŏng mnơ̆ng doh jăk phung ƀuôn sang Israel, mnơ̆ng anăn digơ̆ myơr kơ Kâo, čiăng kơ diñu amâo bi čhŏ anăn doh jăk Kâo ôh. Kâo jing Yêhôwa.

Bruă Lêwi 22:2 Iomraidhean Croise

Y-Êsra 8:28

Kâo lač kơ diñu, “Diih jing doh jăk kơ Yêhôwa, leh anăn čhiên mngan jing doh jăk; prăk leh anăn mah jing mnơ̆ng myơr hŏng ai tiê čiăng kơ Yêhôwa Aê Diê phung aê diih.

Klei Kbiă 13:12

brei ih pioh brei kơ Yêhôwa jih jang anak êkei khua; jih jang êđai khua knô hlô mnơ̆ng rông jing dŏ Yêhôwa.

Klei Kbiă 28:38

Dŏ anăn srăng dôk ti adhei Y-Arôn, leh anăn Y-Arôn srăng klam klei wê phung ƀuôn sang Israel ngă êjai diñu myơr mnơ̆ng doh jăk. Dŏ anăn srăng dôk nanao ti adhei ñu, čiăng kơ Yêhôwa tŭ diñu.

Y-Êsai 52:11

Đuĕ bĕ, đuĕ bĕ, kbiă bĕ mơ̆ng anôk anăn! Đăm ruêh sa mta mnơ̆ng amâo doh ôh! Kbiă bĕ mơ̆ng krah ñu, bi doh bĕ diih pô, Ơ phung djă čhiên mngan Yêhôwa!

Y-Êsêkiêl 44:8

Diih amâo kiă kriê ôh mnơ̆ng doh jăk Kâo, ƀiădah diih mdưm phung tue kiă kriê bruă adŭ doh jăk Kâo.’

Bruă Lêwi 15:31

Snăn brei diih bi ktlah phung ƀuôn sang Israel mơ̆ng klei bi čhŏ diñu, huĭdah diñu djiê hlăm klei čhŏ anăn hŏng klei bi čhŏ sang čhiăm Kâo dôk ti krah diñu.”

Bruă Lêwi 18:21

Đăm brei ôh sa čô hlăm phung anak ih čiăng jao gơ̆ brei pui ƀơ̆ng kơ yang Môlok, kyuanăn ih bi čhŏ anăn Aê Diê ih. Kâo jing Yêhôwa.

Bruă Lêwi 19:12

Leh anăn đăm kat asei luar hŏng anăn Kâo ôh, klei anăn bi čhŏ anăn Aê Diê ih. Kâo jing Yêhôwa.

Bruă Lêwi 20:3

Kâo pô yơh srăng bi kdơ̆ng hŏng pô anăn, leh anăn Kâo srăng khăt hĕ ñu mơ̆ng krah phung ƀuôn sang ñu, kyuadah ñu jao leh sa čô hlăm phung anak ñu kơ yang Môlok, bi čhŏ leh adŭ doh jăk Kâo leh anăn bi msoh anăn doh jăk Kâo.

Bruă Lêwi 21:6

Diñu srăng jing doh jăk kơ Aê Diê diñu, leh anăn amâo bi msoh ôh anăn Aê Diê diñu; kyuadah diñu myơr mnơ̆ng myơr brei pui ƀơ̆ng kơ Yêhôwa, jing mnơ̆ng ƀơ̆ng huă kơ Aê Diê diñu; kyuanăn diñu srăng jing doh jăk.

Bruă Lêwi 22:1

Yêhôwa lač kơ Y-Môis,

Bruă Lêwi 22:32

Đăm bi čhŏ anăn doh jăk Kâo ôh, ƀiădah Kâo srăng mâo klei doh jăk ti krah phung ƀuôn sang Israel. Kâo jing Yêhôwa, Pô bi doh jăk diih,

Klei Yap 18:32

Diih amâo srăng klam klei soh ôh kyua klei anăn, tơdah leh diih myơr mnơ̆ng jăk hĭn mơ̆ng dŏ anăn. Đăm diih bi čhŏ ôh mnơ̆ng doh jăk phung ƀuôn sang Israel, huĭdah diih djiê.’ ”

Klei Mtô Mñă Klei Bhiăn 15:19

“Brei diih pioh brei kơ Yêhôwa Aê Diê ih jih jang êđai knô mđai tal êlâo hlăm êmô leh anăn biăp diih. Đăm yua bruă ôh êđai êmô diih mđai tal êlâo, kăn kăp mlâo êđai biăp diih mđai tal êlâo rei.