Bruă Lêwi 21:9 - Klei Aê Diê Blŭ 2015

⁹ Tơdah sa čô anak mniê khua ngă yang bi msoh ñu pô êjai ngă klei knhông bi msoh kơ ama ñu, brei arăng čuh ñu hŏng pui.

Bruă Lêwi 21:9 Iomraidhean Croise

Klei Mphŭn Dơ̆ng 38:24

Hlăm brô tlâo mlan êdei, arăng hưn kơ Y-Yuđa, “H'Tamar mtâo mniê ih ngă knhông; leh anăn ñu ba tian leh kyua klei knhông anăn.” Y-Yuđa lač, “Ba ñu ti tač, leh anăn brei arăng čuh ñu!”

Klei Kbiă 31:14

Brei diih hdơr pioh hruê sabat, kyuadah ñu jing hruê doh jăk kơ diih. Hlei pô bi čhŏ hruê sabat, brei arăng bi mdjiê ñu; leh anăn hlei pô mă sa mta bruă hruê anăn, brei arăng bi ktlah hĕ ñu.

Y-Êsai 33:14

Phung ngă soh hlăm ƀuôn Siôn huĭ, phung amâo mpŭ ôh kơ Aê Diê ktư̆ yơ̆ng. “Hlei hlăm phung drei dưi dôk hlăm pui trơ̆ng? Hlei hlăm phung drei dưi dôk hlăm êlah pui ƀơ̆ng hlŏng lar?”

Y-Êsêkiêl 9:6

Bi mdjiê hĕ phung êkei mduôn, phung êkei hlăk ai leh anăn mniê êra hrông, phung hđeh điêt leh anăn phung mniê, ƀiădah đăm ngă ôh kơ phung mâo klei bi knăl čih leh ti adhei. Dơ̆ng bĕ hlăm adŭ doh jăk Kâo.” Snăn diñu dơ̆ng bi mdjiê hŏng phung khua mduôn dôk ti anăp sang yang.

Bruă Lêwi 19:29

Đăm bi čhŏ anak mniê ih êjai brei gơ̆ jing sa čô mniê knhông, huĭdah čar lĕ hlăm klei jing knhông leh anăn bŏ hŏng klei ƀai.

Bruă Lêwi 20:14

Tơdah sa čô êkei mă kơ mô̆ sa čô mniê wăt amĭ gơ̆, klei anăn jing sa klei ƀai; arăng srăng čuh mdjiê diñu hŏng pui, ñu wăt digơ̆, čiăng kơ đăm mâo klei ƀai ti krah diih ôh.

Y-Malaki 2:3

Nĕ anei, Kâo srăng ƀuah anak čô diih, leh anăn Kâo srăng mia eh ti ƀô̆ mta diih, eh mnơ̆ng diih myơr, leh anăn Kâo srăng suôt diih mơ̆ng anăp Kâo.

Klei Mtô Mñă Klei Bhiăn 22:21

snăn diñu srăng atăt ba mniê hlăk ai anăn kbiă ti ƀăng bhă sang ama ñu, leh anăn phung êkei ƀuôn ñu srăng bhĭr bi mdjiê ñu hŏng boh tâo, kyuadah ñu ngă klei soh jhat hlăm čar Israel hŏng klei ngă klei knhông hlăm sang ama ñu. Msĕ snăn diih srăng bi doh klei jhat mơ̆ng krah diih.

Y-Tit 1:6

Brei ih mdưm sa čô êkei mduôn amâo mâo klei arăng dưi ƀuah ôh, dôk knŏng sa čô mô̆, mâo phung anak đăo leh arăng amâo dưi kčŭt kơ klei êgao hnơ̆ng amâodah kơ klei amâo gưt asăp ôh.

Y-Yôsuê 7:15

Hlei pô kâo ktrâo jing pô mă leh mnơ̆ng anăn, pui srăng čuh ñu, ñu mbĭt hŏng jih mnơ̆ng ñu mâo, kyuadah ñu gao klei Yêhôwa bi mguôp, leh anăn kyuadah ñu ngă leh sa klei bi hêñ hlăm phung Israel.’ ”

Y-Yôsuê 7:25

Y-Yôsuê lač, “Si ngă ih bi truh klei rŭng răng kơ drei? Yêhôwa srăng bi truh klei rŭng răng kơ ih hruê anei.” Leh anăn jih jang phung Israel bhĭr boh tâo ti digơ̆. Diñu čuh digơ̆ hŏng pui leh anăn bhĭr boh tâo ti digơ̆.

I Y-Samuel 2:17

Snăn klei soh phung hlăk ai anăn jing prŏng snăk ti anăp ală Yêhôwa; kyuadah phung êkei anăn ngă klei amâo uêñ kơ mnơ̆ng myơr kơ Yêhôwa.

I Y-Samuel 2:34

Leh anăn klei srăng truh kơ dua čô anak êkei ih Y-Hôphni leh anăn Y-Phinêas srăng jing klei bi knăl kơ ih: jih diñu dua srăng djiê hlăm sa hruê.