Bruă Lêwi 21:8 - Klei Aê Diê Blŭ 2015

⁸ Brei ih pioh brei ñu, kyuadah ñu myơr mnơ̆ng ƀơ̆ng huă Aê Diê ih; ñu srăng jing doh jăk kơ ih; kyuadah Kâo Yêhôwa, Pô bi doh jăk diih, jing doh jăk.

Bruă Lêwi 21:8 Iomraidhean Croise

Y-Nêhêmi 13:29

Hdơr bĕ kơ diñu, Ơ Aê Diê kâo, kyuadah diñu bi čhŏ leh klei jing khua ngă yang, leh anăn klei bi mguôp phung khua ngă yang leh anăn phung Lêwi.

Klei Kbiă 19:10

Yêhôwa lač kơ Y-Môis, “Nao bĕ kơ phung ƀuôn sang, pioh brei diñu hruê anei leh anăn mgi, brei diñu boh čhum ao diñu.

Klei Kbiă 19:14

Snăn Y-Môis trŭn mơ̆ng čư̆ nao kơ phung ƀuôn sang, leh anăn bi doh phung ƀuôn sang. Digơ̆ boh čhum ao digơ̆.

Klei Kbiă 28:41

Brei ih bi hơô čhiăm ao anăn kơ ayŏng ih Y-Arôn leh anăn kơ phung anak êkei ñu mbĭt hŏng ñu. Brei ih trôč êa ƀâo mngưi ti diñu pioh brei diñu, leh anăn bi doh jăk diñu, čiăng kơ diñu dưi mă bruă kơ Kâo, jing phung khua ngă yang.

Klei Kbiă 29:1

“Brei ih ngă snei čiăng pioh brei Y-Arôn leh anăn phung anak êkei ñu, čiăng kơ diñu dưi mă bruă phung khua ngă yang kơ Kâo. Mă bĕ sa drei êmô knô dam leh anăn dua drei biăp knô amâo mâo anôk jhat ôh,

Bruă Lêwi 19:2

“Lač bĕ kơ jih phung ƀuôn sang Israel bi kƀĭn, ‘Brei diih jing doh jăk, kyuadah Kâo, Yêhôwa Aê Diê diih jing doh jăk.

Bruă Lêwi 21:6

Diñu srăng jing doh jăk kơ Aê Diê diñu, leh anăn amâo bi msoh ôh anăn Aê Diê diñu; kyuadah diñu myơr mnơ̆ng myơr brei pui ƀơ̆ng kơ Yêhôwa, jing mnơ̆ng ƀơ̆ng huă kơ Aê Diê diñu; kyuanăn diñu srăng jing doh jăk.

Bruă Lêwi 22:16

Kyua diñu ƀơ̆ng mnơ̆ng doh jăk khua ngă yang, diñu klam klei wê leh anăn klei jing soh leh, leh anăn myơr mnơ̆ng kyua klei soh. Kyuadah Kâo jing Yêhôwa, Pô bi doh jăk diñu.’ ”

Bruă Lêwi 3:11

Khua ngă yang srăng čuh jih dŏ anăn ti dlông knưl, jing mnơ̆ng ƀơ̆ng huă myơr brei pui ƀơ̆ng kơ Yêhôwa.

Y-Malaki 1:7

Êjai diih myơr ti dlông knưl Kâo mnơ̆ng ƀơ̆ng huă čhŏ mrŏ. Leh anăn diih lač, ‘Si klei hmei bi čhŏ Ih leh?’ Êjai diih lač jhưng huă Yêhôwa jing mnơ̆ng bi êmut.

Klei Yap 28:2

“Mtă bĕ kơ phung ƀuôn sang Israel leh anăn lač kơ diñu, ‘Brei diih răng myơr kơ Kâo ti djŏ yan mnơ̆ng myơr kơ Kâo, mnơ̆ng ƀơ̆ng huă kơ Kâo jing mnơ̆ng myơr brei pui ƀơ̆ng, mnâo ƀâo mngưi kơ Kâo.’

Y-Yôhan 10:36

diih lač mơ̆ kơ Pô Ama pioh brei leh anăn tiŏ hriê leh kơ lăn ala, ‘Ih blŭ mgao hŏng Aê Diê,’ kyuadah Kâo lač, ‘Kâo jing Anak Aê Diê’?

Y-Yôhan 17:19

Leh anăn kyua diñu Kâo bi doh Kâo pô, čiăng kơ diñu msĕ mơh mâo klei bi doh hlăm klei sĭt nik.

Hêbrơ 10:29

Ya klei phat kđi ktang hĭn diih mĭn srăng năng truh kơ pô juă leh Anak Aê Diê, bi čhŏ êrah klei bi mguôp bi doh ñu leh, leh anăn dlao wač kơ Yang Mngăt Jăk klei pap?

Hêbrơ 7:26

Kyuadah jing djŏ leh kơ drei mâo sa čô khua ngă yang prŏng msĕ snăn, doh jăk, amâo mâo klei dưi ƀuah ôh, amâo mâo klei čhŏ ôh, bi ktlah leh mơ̆ng phung soh, Aê Diê pŭ ba leh ti dlông hĭn kơ phung adiê.