Bruă Lêwi 21:6 - Klei Aê Diê Blŭ 2015

⁶ Diñu srăng jing doh jăk kơ Aê Diê diñu, leh anăn amâo bi msoh ôh anăn Aê Diê diñu; kyuadah diñu myơr mnơ̆ng myơr brei pui ƀơ̆ng kơ Yêhôwa, jing mnơ̆ng ƀơ̆ng huă kơ Aê Diê diñu; kyuanăn diñu srăng jing doh jăk.

Bruă Lêwi 21:6 Iomraidhean Croise

Y-Êsra 8:28

Kâo lač kơ diñu, “Diih jing doh jăk kơ Yêhôwa, leh anăn čhiên mngan jing doh jăk; prăk leh anăn mah jing mnơ̆ng myơr hŏng ai tiê čiăng kơ Yêhôwa Aê Diê phung aê diih.

Klei Kbiă 19:22

Brei wăt phung khua ngă yang mơh, phung hriê giăm Yêhôwa, bi doh diñu pô, huĭdah Yêhôwa ngă kơ diñu.”

Klei Kbiă 28:36

Brei ih ngă sa pŏk mdhă điêt mah doh, leh anăn brei ih ktur tinăn msĕ si arăng ktur sa mnơ̆ng kđăm: ‘Doh Jăk Kơ Yêhôwa’.

Klei Kbiă 29:44

Kâo srăng pioh brei sang čhiăm klei bi kƀĭn leh anăn knưl. Kâo srăng pioh brei msĕ mơh Y-Arôn leh anăn phung anak êkei ñu, čiăng kơ diñu mă bruă kơ Kâo, jing phung khua ngă yang.

Y-Êsai 52:11

Đuĕ bĕ, đuĕ bĕ, kbiă bĕ mơ̆ng anôk anăn! Đăm ruêh sa mta mnơ̆ng amâo doh ôh! Kbiă bĕ mơ̆ng krah ñu, bi doh bĕ diih pô, Ơ phung djă čhiên mngan Yêhôwa!

Y-Êsêkiêl 44:7

êjai diih jum phung tue, phung amâo mâo khăt klĭt hlăm ai tiê leh anăn hlăm asei mlei brei mŭt hlăm adŭ doh jăk Kâo, bi čhŏ sang yang Kâo tơdah diih myơr kơ Kâo mnơ̆ng ƀơ̆ng huă, prăi leh anăn êrah. Diih gao leh klei Kâo bi mguôp êjai diih ngă jih jang klei jhat Kâo bi êmut kheh.

Bruă Lêwi 10:3

Leh anăn Y-Môis lač kơ Y-Arôn, “Klei anei Yêhôwa lač leh, ‘Kâo srăng bi êdah Kâo pô doh jăk ti krah phung hriê giăm Kâo, leh anăn Kâo srăng mâo klei mpŭ ti anăp jih jang phung ƀuôn sang.’ ” Y-Arôn dôk ñăt.

Bruă Lêwi 18:21

Đăm brei ôh sa čô hlăm phung anak ih čiăng jao gơ̆ brei pui ƀơ̆ng kơ yang Môlok, kyuanăn ih bi čhŏ anăn Aê Diê ih. Kâo jing Yêhôwa.

Bruă Lêwi 19:12

Leh anăn đăm kat asei luar hŏng anăn Kâo ôh, klei anăn bi čhŏ anăn Aê Diê ih. Kâo jing Yêhôwa.

Bruă Lêwi 20:3

Kâo pô yơh srăng bi kdơ̆ng hŏng pô anăn, leh anăn Kâo srăng khăt hĕ ñu mơ̆ng krah phung ƀuôn sang ñu, kyuadah ñu jao leh sa čô hlăm phung anak ñu kơ yang Môlok, bi čhŏ leh adŭ doh jăk Kâo leh anăn bi msoh anăn doh jăk Kâo.

Bruă Lêwi 21:17

“Lač bĕ kơ Y-Arôn, ‘Amâo mâo sa čô ôh hlăm phung anak čô ih hlăm jih jang ênuk digơ̆ mâo anôk djiu ruă dưi nao giăm čiăng myơr mnơ̆ng ƀơ̆ng huă kơ Aê Diê ñu.

Bruă Lêwi 21:21

Amâo mâo sa čô hlăm phung anak čô khua ngă yang Y-Arôn pô mâo anôk djiu ruă dưi nao giăm ôh čiăng myơr mnơ̆ng myơr brei pui ƀơ̆ng kơ Yêhôwa; kyuadah ñu mâo anôk djiu ruă, ñu amâo dưi nao giăm ôh čiăng myơr mnơ̆ng ƀơ̆ng huă kơ Aê Diê ñu.

Bruă Lêwi 21:23

ƀiădah ñu amâo dưi nao giăm čhiăm păng amâodah knưl ôh, kyuadah ñu mâo anôk djiu ruă, čiăng kơ ñu amâo bi čhŏ ôh adŭ doh jăk Kâo; kyuadah Kâo jing Yêhôwa Pô bi doh jăk digơ̆.’ ”

Bruă Lêwi 21:8

Brei ih pioh brei ñu, kyuadah ñu myơr mnơ̆ng ƀơ̆ng huă Aê Diê ih; ñu srăng jing doh jăk kơ ih; kyuadah Kâo Yêhôwa, Pô bi doh jăk diih, jing doh jăk.

Bruă Lêwi 3:11

Khua ngă yang srăng čuh jih dŏ anăn ti dlông knưl, jing mnơ̆ng ƀơ̆ng huă myơr brei pui ƀơ̆ng kơ Yêhôwa.

Klei Yap 16:5

leh anăn ñu lač kơ Y-Kôrê leh anăn kơ jih jang phung gơ̆, “Aguah mgi Yêhôwa srăng bi êdah hlei pô jing dŏ ñu, leh anăn hlei pô jing doh jăk, leh anăn srăng brei pô anăn nao giăm ñu; pô ñu srăng ruah ñu srăng brei nao giăm ñu.

Klei Yap 28:2

“Mtă bĕ kơ phung ƀuôn sang Israel leh anăn lač kơ diñu, ‘Brei diih răng myơr kơ Kâo ti djŏ yan mnơ̆ng myơr kơ Kâo, mnơ̆ng ƀơ̆ng huă kơ Kâo jing mnơ̆ng myơr brei pui ƀơ̆ng, mnâo ƀâo mngưi kơ Kâo.’

I Y-Pêtrôs 2:9

Ƀiădah diih jing sa phung găp djuê Aê Diê ruah leh, phung khua ngă yang kơ mtao, sa phung găp djuê doh jăk, phung ƀuôn sang Aê Diê pô, čiăng kơ diih dưi hưn bruă yuôm bhăn Pô iêô leh diih kbiă mơ̆ng klei mmăt truh kơ klei mngač yuôm bhăn Ñu.