Bruă Lêwi 21:5 - Klei Aê Diê Blŭ 2015

⁵ Diñu amâo srăng ngă anôk kla ôh ti boh kŏ diñu, kăn diñu srăng kuêh êdŭk mlâo kang diñu, leh anăn ktur kđeh diñu rei.

Bruă Lêwi 21:5 Iomraidhean Croise

Y-Êsai 15:2

Phung ƀuôn Dibôn đĭ leh kơ sang yang diñu, diñu đĭ nao kơ lu anôk dlông čiăng čŏk hia; phung Môap dôk čŏk hia kyua čư̆ Nêbô leh anăn ƀuôn Mêdêba. Grăp boh kŏ kla leh, jih jang mlâo kang kuêh leh.

Y-Êsai 22:12

Hlăm hruê anăn Khua Yang Yêhôwa kơ phung kahan iêô diih kơ klei hia, kơ klei kơŭ kyăm, kơ klei kuêh kŏ, leh anăn kơ klei hơô klŭng.

Y-Yêrêmi 16:6

“Phung arăng mpŭ leh anăn phung amâo yuôm ôh srăng djiê hlăm čar anei; arăng amâo srăng dơr diñu ôh, leh anăn amâo mâo pô čŏk hia, riêk asei mlei pô, amâodah kuêh ƀŭk kyua diñu ôh.

Y-Yêrêmi 48:37

Kyuadah arăng kuêh leh jih jang boh kŏ leh anăn khăt leh mlâo kang grăp čô; jih jang kngan arăng riêk leh, leh anăn grăp čô ƀar klŭng leh.

Y-Êsêkiêl 44:20

Diñu amâo dưi kuêh ƀŭk diñu amâodah lui ƀŭk diñu dlông ôh; diñu srăng knŏng kăp triêl ƀơ ƀiă ƀŭk diñu.

Y-Êsêkiêl 5:1

“Ơ anak mnuih, mă bĕ sa ƀĕ đao gưm ƀơ̆ng snăk, yua dŏ anăn jing dhŏng kuêh ƀŭk ih leh anăn mlâo kang ih, mă knăng pioh mkă, leh anăn bi mbha hĕ ƀŭk ih.

Bruă Lêwi 10:6

Y-Môis lač kơ Y-Arôn leh anăn kơ phung anak êkei Y-Arôn, Y-Êlêasar leh anăn Y-Ithamar, “Đăm brei diih mdei gĭ ƀŭk diih, leh anăn đăm hiêk ôh čhiăm ao diih, huĭdah diih srăng djiê, leh anăn huĭdah klei ngêñ truh kơ jih jang phung bi kƀĭn. Ƀiădah phung ayŏng adei diih, jih sang Israel, dưi čŏk hia kyua pui Yêhôwa čuh leh.

Bruă Lêwi 21:4

Ñu amâo dưi bi čhŏ ñu pô ôh kyua klei djiê phung jing găp djuê bi rông, ti krah phung ƀuôn sang ñu leh anăn bi msoh ñu pô.

Y-Amôs 8:10

Kâo srăng bi mbliư̆ hruê knăm diih jing klei kơŭ kyăm, leh anăn jih klei mmuñ diih jing klei čŏk hia. Kâo srăng hyuă klŭng ti kơiêng jih jang, leh anăn Kâo srăng bi kla grăp boh kŏ. Kâo srăng brei klei anăn jing msĕ si klei kơŭ kyăm kơ sa čô anak êkei arăng mâo knŏng sa čô, leh anăn klei knhal tuč ñu msĕ si sa hruê ênguôt êdi.”

Y-Mika 1:16

Bi kla bĕ boh kŏ ih pô, khăt hĕ ƀŭk ih kyua phung anak ih khăp; bi kla bĕ boh kŏ ih msĕ si tlang, kyuadah diñu srăng đuĕ mơ̆ng diih nao jing mnă.

Klei Mtô Mñă Klei Bhiăn 14:1

“Diih jing phung anak Yêhôwa Aê Diê diih; đăm riêk asei mlei diih pô amâodah ngă anôk kla ti adhei kyua mnuih djiê.