Bruă Lêwi 21:12 - Klei Aê Diê Blŭ 2015

¹² kăn ñu srăng kbiă mơ̆ng adŭ doh jăk, amâodah bi msoh adŭ doh jăk Aê Diê ñu rei; kyuadah êa ƀâo mngưi Aê Diê arăng trôč leh ti ñu kơ klei pioh brei dôk ti dlông ñu. Kâo jing Yêhôwa.

Bruă Lêwi 21:12 Iomraidhean Croise

Klei Kbiă 28:36

Brei ih ngă sa pŏk mdhă điêt mah doh, leh anăn brei ih ktur tinăn msĕ si arăng ktur sa mnơ̆ng kđăm: ‘Doh Jăk Kơ Yêhôwa’.

Y-Êsai 61:1

Mngăt Myang Khua Yang Yêhôwa dôk ti kâo, kyuadah Yêhôwa trôč leh êa ƀâo mngưi ti kâo čiăng hưn klei mrâo mrang jăk kơ phung ƀun ƀin. Ñu tiŏ hriê leh kâo čiăng bi hlao phung mâo ai tiê ênguôt, čiăng hưn klei êngiê kơ phung mnă, leh anăn klei pŏk sang mnă kơ phung arăng krư̆;

Bruă Lêwi 10:7

Leh anăn đăm diih kbiă ôh mơ̆ng ƀăng bhă sang čhiăm klei bi kƀĭn, huĭdah diih djiê; kyuadah êa ƀâo mngưi pioh trôč Yêhôwa dôk ti diih.” Diñu ngă tui si klei Y-Môis blŭ.

Bruă Lêwi 21:13

Brei ñu dôk mô̆ knŏng sa čô mniê êjai gơ̆ êra hrông.

Bruă Lêwi 8:30

Leh anăn Y-Môis mă đa đa êa ƀâo mngưi pioh trôč leh anăn êrah ti dlông knưl, leh anăn hƀrah gơ̆ ti dlông Y-Arôn leh anăn ti čhiăm ao ñu, msĕ mơh ti dlông phung anak êkei Y-Arôn leh anăn ti čhiăm ao diñu; snăn Y-Môis pioh brei Y-Arôn leh anăn čhiăm ao ñu, leh anăn phung anak êkei Y-Arôn leh anăn čhiăm ao diñu.

Klei Yap 6:6

Êjai jih jang hruê ñu pioh brei ñu pô kơ Yêhôwa ñu amâo dưi nao giăm asei mlei djiê ôh.

Bruă Phung Khua Ƀĭng Kna 10:38

si Aê Diê trôč leh êa ƀâo mngưi kơ Yêsu ƀuôn Nasaret hŏng Yang Mngăt Jăk leh anăn klei myang; si Ñu hiu ngă klei jăk leh anăn bi hlao jih jang mnuih yang jhat ktư̆ juă, kyuadah Aê Diê dôk mbĭt hŏng Ñu.